ملتقى طلاب وطالبات جامعة الملك فيصل,جامعة الدمام - السنة التحضيــرية طريقتك في المذاكرة لمواد السنة التحضيرية

- منتدى كلية الآداب بالدمام (https://vb.ckfu.org/forumdisplay.php?f=63)

- - [ السنة التحضيــرية ] : طريقتك في المذاكرة لمواد السنة التحضيرية (https://vb.ckfu.org/showthread.php?t=353853)

طريقتك في المذاكرة لمواد السنة التحضيرية

مرحبا حبايبي يارب تكونو بخير وبأفضل حال :rose::rose:

هذا موضوع خاص لطلاب السنة التحضيرية الي مايدرون وين ربي حاطهم << مثلي :biggrin:

لو سمحتو ابيكم تقولون كيف طريقة مذاكرتكم للمواد

والي عنده اي خلفية ياليت لو يكتب اي معلومة تساعدنا في مذاكرة المواد

اتمنى من طلاب السنة الماضيه يعطونا طريقتهم في المذاكرة

الممنوع ،،

لحد يقول صعب ياربي وش هذا كيف اذاكر ، << محن ناقصين احباط :icon9:

المسموح ،،

رفع فقط << تبي التثبيت بالقووه :tongue:
وأكيد الرد :biggrin:

:rose::rose:

رد: طريقتك في المذاكرة لمواد السنة التحضيرية

السلام عليكم و الرحمةة :004::rose:

لـآتسمعين كلآم آحد صعب صعب صعب !!
كل شخص يحكي من تجربته .

شد حيله ذآكر آلتزم بحضور بالوقت آسلوبه حلو مع الدكاتره ، يسلم اللي عليه بوقته ( مشى صح )
آهمل و بس يحط آسمه مع قروبات البحوث ومايدري وش الدبره ، ويتأخر و حركآت ثآنوي ( بيسب و بيحبط غيره )

بعيييييد عن تجربتي الخآصةة :

الموآد فيها اللي يبي لها حفظ واللي يبي لها فهم واللي يبي لها مذاكرة اول ب أول

1/ لازم تحضرين اول المحاضرات وتعرفين كيف تقسيم درجات الماده / 10 مشاركة 10 بحث أو عرض 30 اختبار شهري ، 50 نهائي ( أو أي تقسيم ثاني )
2/ تعرفين طبيعة الدكتوره تحب تسأل بالمحاضره تحب تكتبين معها الخ
3/ تعرفين طبيعة المآدهه

< ذآ كله ب أول محاضرهه

يعني عندك مادة المهارات و التفكير و الاحصاء ، تعتمد على حضورك للشرح و حلك للواجب .
لا تحطين في بالك اهم شي اخذ درجة الواجب ، لآ آهم شي افهم ب الاختبار انتي اللي بتحلين

في موآد حفظ يبي لهآ درآسة اول ب اول + لا تضغطين نفسك بالبحوث والواجبات والعروض لاوقات الاختبارات

الافضل تسوين بدري :rose:

هآذي النصايح اللي اعتبرها مهمه بالنسبة لكك

صعوبة المآده و سهولة تنقآس على قدرآتك الخآصةة

انا بالنسبةة لي المواد العامه ثقافة اسلاميه ، فقة سيره / م اجيب فيها زين مع انها حفظ وكل الناس عندهم سهله

و بالاحصاء والمهارات / جايبهه زين و بالنسبة لي سهله جداً

لا تخلين احد يحكم عنكك ولا تشوفين الشي بوجهة نظر شخص

تجربتي بالتحضيري عشآن تستفيدون :biggrin: :

السمستر الاول / مدري وش الدبره كانوا حاطيني بشعبة مو مع خوياتي وماغير اطلع مع البنات و كذا
لين حسيت الدكتورات بيكرهوني و دايم يهزئوني وانتبهت اني جامعية وحركات الثانوي انتهت ، الحق على عمري ، صرت اجلس لحالي وقت المحاضره :biggrin: و اشارك و اسمع و افهم و ما اتأخر و جبت معدل زين .

السمستر الثاني / ركدت وصرت مع خوياتي واعرف اتعامل مع الدكاتره وكذا وشديت حيلي وانتبهت لمعدلي وارتفع "ماشاء الله ، بسم الله علي " :060::004:

و بس ، يارب اني فدتكم :rose:

رد: طريقتك في المذاكرة لمواد السنة التحضيرية

انا طريقتي بالمذاكره للمواد التحضيريه ...
اممم المواد الي احسها صعبه في بدايه الترم اذكرها أول باووول .. عششان ماتصعب علي بالنهائي ..
مثل فقه السيره والاحصاء والمهارات ومبادى الادراه ...

بسس .. :biggrin::rose:

رد: طريقتك في المذاكرة لمواد السنة التحضيرية

مراحب ..
عندك 100 درجه ..ودرجة النجاح من 60 يعني اقل شي تجيبينه عشان تنجحين عالحفه 60
هدي ال 100 درجه مقسمه عالبحث والمشاركه والحضور والواجبات واعمال السنه والنهائي بس كل دكتور وله تقسيمه وبعض الدكاتره مو لازم بحث ممكن عرض بوربوينت

غير كدا ادا غبتي 4 مرات بدون عدر راح تاخدي حرمان من الماده ماراح تدخلين الاختبار النهائي

مممم بس ادا عندك سؤال اسألي والله يوفقك ويوفقني ويوفق الجميع يارب:060:

رد: طريقتك في المذاكرة لمواد السنة التحضيرية

W E J D A N :

ماقصرتي حبيبتي وجدان نصائحك ذهبية ومفيدة

الله يبارك فيك يارب مري ع الموضوع ونوريني قد ماتقدري :rose::rose:

ميمو2011 :

بارك الله فيكِ عزيزتي ياميمو واشكرك على المشاركة :rose::rose:

بنوتهـ جامعيهـ :

شكراً بنوتهـ نصائحك مره مفيدة الله يسعدك يارب :rose::rose:

رد: طريقتك في المذاكرة لمواد السنة التحضيرية

-

شوفي انا شخصيا قبل الاختبارات باسبوع ابدا اذاكر <- :Looking_anim:
لاني اكون مركزه مع الدكتوره او الدكتور واكتب اي شيء احسه مهم :biggrin:
واذا كان شرح الدكتوره ممتاز احسن واحسن بعد :biggrin:
بس نصيحه مني ..:004:
البحوث + الواجبات + اوراق العمل + المشاركه + اختبار اعمال السنه + والاحترام بالمحاضرة
هالشيء اذا ضمنتيهم 85% اعتبري نفسك ناجحه بالماده :biggrin:
لان بعض الدكاتره يحبون البنت النشيطه اللي تعطي جو للمحاضرة بالمشاركه
او بالقراءه او اي شيء :biggrin: :004:

رد: طريقتك في المذاكرة لمواد السنة التحضيرية

أهلا وسهلآ rosy

المفروض مآيكون السؤآل كيف تذآكرين :biggrin:

المفروض تسئلين كيف تكتبين ورى الدكتوره :58545:

×~

المذآكره بتختلف من بنت لـ بنت وبآختلاف طبيعه الماده

لكن الكتآبه ورى الدكتوره يبيلها تركيز عشآن تميزين بين النقآط المهمه و الحشو

أنآ شخصيآ مالحقت على نظآم السنه التحضيريه , بس بقولس كيف كنت آذآكر

الدكآتره عندنا بقسم الآنقليزي يحبون البنت الي تتثقف كثير

وتجيب معلومآت من مصآدر ثآنيه . . :Looking_anim:

فـ كنت آتعب بس بتجميع اشلاء المحاضره ,

وبعد كل محآضره حآولي تلخصين [ النقآط المهمه ]

عشآن تقرين النقاط المهمه بالمحاضره الماضيه قبل تدخلين المحاضره الجايه

وبالمره اذا جيتي تذآكرين لأعمال السنه والنهائي يسهل عليس معرفة المهم والغير مهم .

ومثل ماقالت وجدآن , لا تفوتين المحاضرات الأولى

لأن كل دكتور\ه بيجي بيعطيكم تقسيم الدرجات < وهذا ضروري اكتبيه بأول صفحه بمذكرتس لاتنسينه

عشان تعرفين درجآتس وين تروح ؟ وكيف مقسمه !!

ترا بالكليه اذا ماهتميتي لـ هالأمر محد بيجي ويقولس !! ولا حتى يحذّرس !!

شي أنا آحب استخدمه بمذآكرتي :

http://www.promo-wholesale.com/Upfil...0090725297.jpg

أقلآم الهآي لآيتر ومعهآ الفوآصل حقتها . . :004:

أكثر شي يخدمس بالتخطيط خصوصا اذا كنتي عند دكتور\ه يقرا من الكتآب قرآيه .

وحتى احيان مآبيمديس تلخصين كل محآضره

فـ خططي على المهم . .

ودآئمآ حآولي تجمعين درجآت بأعمال السنه عشان تكونين مرتآحه بالفآينل مو قلقآنه زياده على ضغط الاختبارات .

وووبسس لو تذكرت شي برجع أقوله :biggrin:

موفقه يَ خيتي :rose::004:

رد: طريقتك في المذاكرة لمواد السنة التحضيرية

وايد استفدت منكم يعطيكم العافيه :004::rose:

رد: طريقتك في المذاكرة لمواد السنة التحضيرية

c!nema : يسعدك ربي واشكرك على الرد المفيد :rose::rose:

J A M I L A H : منوره ياقلبي الموضوع وشكراً على مشاركتك الآكثر من مفيده :rose::rose:

نداء الصباح : أشكرك على المرور وبارك الله فيك :rose::rose:

رد: طريقتك في المذاكرة لمواد السنة التحضيرية

انا احب الملخصات كثير تفيدني دايم وبذات اذا كتبتها بيدي تثبت المعلومه غصب
ركزي في المحاضرة عشان تعرفين الي معكم والي محذوف
والله يوفقكم ان شاءالله وتجيبون المعدل الي يدخلك القسم الي تحبينه :004: