ملتقى طلاب وطالبات جامعة الملك فيصل,جامعة الدمام - تجمع المستجدين لكلية التربيه 1434/1435 هـ + كل مايجب ان تعرفيه عن الكلية بشكل مفصل

السلام عليكم ورحمة الله وبركاته

صباح / مسساء الخير :16:

ابارك لجميع الطلاب والطالبات القبول في كليتنا الجميلة :17::8:

هُنا بيكون تجمعنا للتعارف وتبادل المعلومات :19:

طبعا اللي لازم تعرفونه واهم شيء
ان نظام الجامعه يختلف بتاتا البته عن الثانويه :10:
بشكل ادق ( بتفقدون ايام الدلع ) :8:
ما اخوفكم ولا اقصد بالصعوبه
اقصد بان كل واحد بيصير مسؤول عن نفسه
ومسؤؤل عن نفسه حطوا تحتها 20 خط باللون الاحمر
مسؤوله عن وقت المحاضره
مافي احد بيقولك الساعه كذا يلا ع المحاضره
يعني انتي انتبهي للوقت وبالساعه والدقيقه :31:

ذلحين نبدأ خطوه خطوه
( انصح بالجلوس مع كوب كوفي منعاً لصداع الرأس
من كثر البربره اللي بتقرأونها ) :5:

الجدول

كثير بيقولون وين اشوف الجدول ؟
وكيف ارتب جدولي ؟
وكيف اعرف مكان محاضرتي ؟
وكيف اعرف المبنى ؟
ورقم القاعه ؟
وكيف اعرف المواد ؟
وأسئلة كثيره ......

الجواب :

الجداول في السمستر الاول بتجيكم جاهزه مجهزه :17:
وبينزلونها لكم قبل الدوام باسبوع
وبتلاقونها على هذا الرابط
http://apps.kfu.edu.sa/weeklyschedual/index.asp

الرقم الاكاديمي : هو نفسه الرقم الموجود على ورقة البريد الممتاز
بالنسبه لدفعتكم يبدأ بالرقم 214 (مكون من 9 ارقام)
الرقم السري : هو رقم من الجامعه وليس الرقم اللي سجلته وقت التسجيل

الرقم السري ممكن تسعيدونه على هذا الرابط
http://www.kfu.edu.sa/ar/pages/newupdate.aspx

* بالنسبه لمعرفة أماكن القاعات والمباني
بتكلم عنها بشكل مفصل اذا نزلت جداولكم :35:

تغيير الجدول

إذا انقبلتي انتي مع احد من صديقاتك
وكان جدولكم غير
طبعا من المستحيل ان انتي تغيرينه وتقولين
للمسؤولين ابي مثل جدول صديقتي
او انك تبدلين مع وحده ثانيه
على كل وحده تلتزم بالجدول اللي اعطوها :3:
على السمستر الثاني رتبوا جدولكم مع بعض لو
كنتوا حابيين :16:

الأنظمة

أثناء ترشيحكم بالجامعه طبعتم ورقة تعهد وتعليمات
كبر قريح :41:
وافقتمم على اللي موجود فيها ووقتعوا
لذلك يجب الالتزام بما فيها
وإذا خالفتوا احد الانظمه بتكتبون تعهد :6:

اللبس : تنوره طويله بالألوان الغامقة و ما يمنع انك تلبسين
ميدي بعقل < مو نص الساق وتقولين هذا ميدي :26:
البلوزه يسمح بجميع الالوان بشرط كم طويل او ثلاث ارباع
وابتعدي عن الشفافة :20:
الجوالات : حال الجامعة مثل حال العرس يمنع اصطحابها :5:
طبعا بيني وبينكم وبعيدا عن الامن والسلامه
كل البنات يجيبون جوالات كام واخر موديل :5:
بس خلكم مؤدبين وكذا و جيبوا جوالين عادي وكام :27:
ولحد يقول راعية الكيف صرحت بحضور الجوالات :41:
اللابتوب والايباد : يسمح بحضورهم
طبعا الامن والسلامه حطوا إعلان انو الطالبه لازم تاخذ تصريح
بس البنات ما ياخذون تصاريح ولاشيء :3:

الامن والسلامه تطلع قوانين والطالبات يضربون بها عرض الحائط :18::24: << حسيته موضوع في جريدة :42:

المحاضرات

من المتعارف عليه في الجامعة ان اول اسبوع مافيه محاضرات
والمحاضرات تبدأ من الاسبوع الثاني
وفي المحاضرات الاول دائما ما فيها دراسه
تكون تعريف عن المقرر ودكتور الماده وتوزيع الدرجات
من الاسبوع الثالث يبدأ الجد :19:

الغيابات

بعد الغياب الثالث ينزلون لك في المادة حرمان
حرمان يعني يمنع من دخولك في الاختبار النهائي
طبعا الا اذا كان عندك اعذار مقنعه ورسميه
فمعنى كذا لا يحسب لك من عدد الغيابات
ولكن ما يمنع انهم يخصمون من درجاتك حتى لو بأعذار :10:
وغالبا ما يتجاوزن عن الغياب الواحد ( إذا غبتي مره واحده خلال
السمستر ) :42:

البحوث

تمتاز كلية التربيه بكثرة البحوث فيها
ايه نعم كثرة البحوث فيها :28:
والبحوث اللي يطلبونها تكون من مراجع وكتب علميه
مو من النت وخرابيط و أي كلام :35:
وتكتبونها بالطريقه العلميه الصحيحه
طبعاً هم بيعلمونكم كيف الطريقه
وسهله ان شاء الله
صحيح انها متعبه ومهلكه وممله
لكن الشكوى لله :10:

الاختبارات وطريقتها
اغلب اختبارات كلية التربيه موضوعيه
يعني صح وخطا + اختاري + صلي
فيه 3 انواع من الاختبار
كويزات قصيره من 5 درجات
اختبارات قصيره تكون من 25 درجه او 30 درجه
الاختبار نهائي ويكون من 50
طبعا ممكن تختلف توزيع الدرجات بس هذا الدارج عندنا :31:

المعدل
المعدل المعدل المعدل :19:
السمستر الاول هو اللي بيحدد مكانك في المعدل:12:
عيب المعدل انه ينزل بسرعه إذا ما اجتهدتي
ويرتفع بصعوبه جدا جدا :32:
حافظي عليه ترا الدراسه في الكليه مو صعبه :1:

وعشان احمسكم اكثر
اللي تجيب في مستويين متتالين
معدل 4.5 واعلى يعطونها مكافاه 1000 ريال
غير مكافأتها
ويعطونها شهادة تفوق وحفل وتكريم
يلا شدوا حيلكم :19::8:

ماعندي صديقات اعرفهم بالكليه !!

عادي جدا جدا جدا
انك تكونين الوحيده من صديقاتك اللي انقبلت في التربيه :22:
تكوين الصدقات في الجامعه سهل بس يبي لك
تكونين اجتماعيه :19:
واهم شيء ان صحبتك تكون حسنه
وابتعدي عن اللي جايين يتسلّون
لانك اولا واخيرا بتدمين غلى معرفتهم :24:
بتتعرفين على بنات كثير خصوصا اثناء توزيع البحوث
وهذا شيء جميل :17:
يعني عندكم انا اقرب مثال تعرفت على وحده عن باب
القاعه :5: هي كانت ضايعه وانا ضايعه
وتعرفنا على بعض وبالصدفه صار جدولي مثل جدولها
وعشنا احلى ايام
بس التخصصات هي اللي ابعدتنا شوي :10:
لكن الين ذلحين متواصله معها :3:

طريقة الدراسه في الكليه والتخصصات

كلية التربيه لايوجد بها سنه تحضيريه :21:
ومدة الدراسه فيها 4 سنوات

السنه الاولى : مواد عامه
السنه الثانيه : التخصص ( رياض اطفال - تربيه فنيه - تربيه بدنيه للطلاب -
تربيه خاصه )
السنه الثالث : التعمق في التخصص اكثر
السنه الرابعه : سمستر دراسه وسمستر تطبيق عملي

* بالنسبه للتخصصات الافضل والمستقبل الوظيفي
كلية التربيه تعتبر مرغوبه بعد الكليات الصحيه وكلية الحاسب
<< يعني محتلين المركز الثالث :19:
هي هي هي :17::5:
طبعا الكلام مو عندي , الكلام كان مكتوب في موقع الجامعه
قبل فتره :16::34:
وعلى حسب كلام احد المسؤولات ان
التربيه الخاصه مقفله مؤقتا :42:
يتم القبول في التخصص اعتمادا على النسبه التراكميه
للثانويه العامه + نسبة القدرات << القدرات لاحقتنا لاحقتنا :9:

واحذروا من الحسودين واللي يفتون من راسهم
هذا التخصص فاشل وهذا ماله مستقبل
لان الارزاق بيد الله
واللي له رزق بالدنيا بياخده :15:
لو التخصصات مالها مستقبل ماكان فتحوها وقبلوا طلاب
كثر فيها

الأنديه
يوجد على مستوى الجامعه مجموعه من النوادي
ثفافي - اجتماعي - صحي ..... إلخ
إذا كنتي من محبين الانشطه والمعارض
ممكن تسجلين في احد الانديه
منها اكتساب صداقات ويكون صيتك الجامعي في العلالي :8:
ومنها تقضين على وقت الفراغ

المسابقات
المسابقات هذي تقام سنويا في نهاية السمستر الثاني
وتكون مفتوحه طيلة ايام السنه
المسابقات هذي للي عندهم موهبه او فن
تصوير , رسم , بحوث , اختراعات , خط .......الخ
فيه منافسات ومكافات وتكون المسابقات على مستوى الجامعه
وتشمل الطلاب والطالبات والمنافسه تكون بين الكل
اللي حاب يعرف اكثر فيه كتيبات توزعها الجامعه
موجود فيها كل المسابقات والشروط والتواريخ وكيفية المشاركه

السكن الجامعي
يوجد سكن للطالبات والطلاب من الجامعه
وتوفر الجامعه باصات من الجامعه والى السكن والعكس
وتكونين ملتزمه باوقات معينه
وبوضوا فيه رسوم تأمين تدفعينها لهم :31:
اللي من برا الاحساء وحابه تقدم على السكن
تروح لأحد المسؤولات وتقدم الاوراق المطلوبه منها

البطاقه الجامعيه
من اهم الاشياء المهمه اللي لازم تكون عندك
في البدايه بيعطونك ورقه بدل البطاقه
حتى يصدرونها والورقه هذي لازم تكون معك باستمرار
لان هي اللي تثبت انك جامعيه تدرسين في جامعة الملك فيصل

كيف احصل على البطاقه ؟
وايش الإجراءات ؟
وين اقدم عليها ؟
وايش الاوراق المطلوبه ؟

الجواب

تروحين عند الامن والسلامه
معك صوره من بطاقة العائله + صورة من الجدول الدراسي +
صور شخصيه ملونه لك مقاس 4*6
بيعطونك ورقه تعهدات وتوقعين عليها
وبيعطونك وقت إصدار البطاقه
من المهم انك تروحين لهم اول السمستر
لان البطاقه تحتاج الى شهر على الاقل عشان تستلمينها
وكل ما تأخرتي ومارحتي لهم ببتاخر موعد صدور بطاقتك
وهذا بيعرضك للكلام وعدم الاهتمام :10:

بطاقة الصراف الالي
اللي عليك انك تتابعين لوحة الإعلانات
لما يحطون إعلان بصدور البطاقات
تروحين وتسلمنيها وتوقعين غلى استلامها
وبعدها تروحين للبنك وتفعلينها من عندهم
وبعد كذا تستخدمينهم
غالبا ما يتاخرون في إصدارها إلى الشهر الثاني

هذا اهم شيء لازم تعرفونه :10:
إذا فيه أي استفسارات او معلومات ممكن
تكتبونها تحت :16:
وبالتوفيق للجميع وسنه دراسية ممتعه للكل :2: