|
قدر الله وماشاء فعل
السلام عليكم ورحمه الله وبركاته
كيفكم ياحلوين مبروك للطلاب المقبولين في الجامعه وعسى ربي يوفق الجميع المهم انا مسجل انقلش وقبلوني وسددت الرسوم وتفاجأت انهم دقو علي قالو حولناك اداره اعمال فقلت مستحيل انا ابغى انقلش عشان اصير مدرس قالو مافي تبي اداره اعمال او نحولك الفلوس قلت الشكوى لله اداره اعمال فيا اخوتي ابي استفسر عن هالتخصص هل هو مضمون وظيفي في الحكومه او البنوك او لا عساس اذا ماهو مضمون اسحب فلوسي وارتاح ياليت احد الخريجين يفيدني اكثر تكفوون |
رد: قدر الله وماشاء فعل
هلا وغلا اخوي
والف مبروووك القبول وتخصص اداره الاعمال مفيد ومضمون باذن الله في جميع المجالات والله يوفقك ويسعدك |
رد: قدر الله وماشاء فعل
عسى ان تكرهو شيئا فهو خير لكم الخيره فيما اختاره الله بالنسبه لي كطالب منتسب التخصص جدا اكثر من رائع لكن يفيدك بسؤالك احد الاخوان الخريجين وبالتوفيق لك يارب تقبل تحياتي |
رد: قدر الله وماشاء فعل
إلى الآن ما فيه خريجين يفيدونك
بس التخصص مطلوب في جميع القطاعات |
رد: قدر الله وماشاء فعل
أول شي مبروك قبولك بالجامعة بخصوص تخصص الإدارة لا تخاف اخوي تراه تخصص ممتع, بغض النظر عن صعوبة بعض المواد لكن التخصص بشكل عام حلو ومطلوب في سوق العمل.. يمكن تكون لك خيرة انك ما انقبلت في الإنجلش, بس لا تخاف بيكون تخصص خفيف عليك بإذن الله.. بالتوفيق :106: |
رد: قدر الله وماشاء فعل
مافيه احلى من تخصص ادارة الاعمال وهو مجال مطلوب في القطاع العام والخاص والله يوفق الجميع ان شاءالله |
رد: قدر الله وماشاء فعل
ياشيخ الف مبرووووووووووك
الخيره فيما اختاره الله تدري انو نظام الانتساب مايعترفو فيه وزاه التعليم هيا الوزاره الوحيده الي مايعترفو فيه يعني انت كنت ناوي تطلع مدرس كان درست وتعبت على الفاضي واخر شي ماقبلوك تعليم الحمدلله انه غيرو لك القسم قسم اداره الاعمال جدا رائع ومطلوب وظيفيا |
رد: قدر الله وماشاء فعل
رح جامعة الملك سعود يدرسون 10 لغات :cool:
|
رد: قدر الله وماشاء فعل
اتـوقع والعلــم عند الله إن شهادة الإنتساب لاتفيد إلا بالترقيات وتحسين الوضع في القطاع الخاص
|
رد: قدر الله وماشاء فعل
من ناحية انتسساب ..
الاحسسن لك اداره اعمال .. لان شهادة خريجين التربيه .. مو معتمده .. ومايتوظفون مدرسسين .. يعني بتدرس وتتعب ع الفاضي .. بس الاداره تقدر تتوظف باي مكان .. ومن ناحية السهوله والصعوبه .. الاداره جدننن حلوه .. بسس يبي لها شووي اهتمام مو كل شيء لاخر الترم .. |
| All times are GMT +3. الوقت الآن حسب توقيت السعودية: 06:26 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه