|
نداااء لدفعة مستوى سادس
السلام عليكم ورحمة الله
حياكم الله جميعاً وأعتذر عن أخذ بعض وقتكم جميعكم في هذا الترم تفاجأ بالمقالي ولكن الحمدلله على كل حال بما إني شفت أغلب الدفعة موجودة هاليومين وبعدها ماراح يكونو متواجدين فقلت اطلعكم على مقترح وأتمنى تشاركوني فيه مواد مستوى سابع عددها 9 ومواد مستوى ثامن عددها 7 (لأن المادة الثامنة بحث التخرج وماعليه اختبار) فمن رأيي لو نأجل مادة من السابع للثامن (طبعاً تكون من المواد المشتركة اللي اختبارها موضوعي) وبكذا إذا كانت اختباراتنا بالمستوى السابع مقالي( لاقدر الله ) نقدر نذاكر 8 مواد بدل من 9 ومستوى ثامن يصير عندنا ( 8 ) بدل (7) هذا رأيي ومقترح أتمنى تفكرون فيه قبل ما تردون شكراً لكم جميعاً |
رد: نداااء لدفعة مستوى سادس
اقتراح جميل ..
اهم شي نكون مع بعض ونمشي سوا ليش ما نروح لمستوى ثامن حنا وقروب مستوى سابع الحين علشان ما تكون اختباراتنا مقاليه ؟! وعندي سؤال لكم انتم جايز لكم شغل بعض الدكاترة معنا يجيبون 8 اسئله او 7 ويكبرون الدرجه على السؤال ويحرمونا من 10 اسئلة كامله تساعدنا بالدرجات انا رفعت ملاحظات على اختبار مادتين الخليج في العصر الاسلامي والدولة السعودية بايقونة الملاحظات لذلك ارجوكم رجاءا حارا انكم تسوون مثلي وشكرا .. |
رد: نداااء لدفعة مستوى سادس
والله راي مب شين
لاكن الترم الجاي الي هو المستوى السابع ماعندنا مواد مشتركه الى ماده وحده فقط والباقي كله تخصص تاريخ اما المستوى الثامن مافيه ولا ماده مشتركه للاسف يعني لو صار مقالي لاقدر الله بيكون اصعب ترمين راح يمرن علينا انا ودي اعرف الي العام كانو مكثريننا وين راحو ؟ |
رد: نداااء لدفعة مستوى سادس
وعليكم السلام ورحمة الله وبركاتة
اقتراح ودي يفيدنا فيه الأخوة من مستوى ثامن لأن اللي فهمته ان مستوى ثامن موادة صعبة اكثر من مواد مستوى سابع حتى إني كنت افكر اخلي بحث التخرج الترم الجاي (السابع) عشان ماأتعب في مستوى ثامن فإذا على مستوى مادة عامة ومشتركة تتأجل مااشوف فيها شي وياريت تفكرون بموضوع بحث التخرج نخلص منه الترم الجاي |
رد: نداااء لدفعة مستوى سادس
أهم شي التوافق إنتم عارفين العلاقات الدولية التحالفات أهم شي فيها التوافق
الناس ووووين وإنتم ووووين نخلص أول مادة العلاقات الدولية عقب لكل حادث حديث :) |
رد: نداااء لدفعة مستوى سادس
والله نفس اللي افكر فيه من جد وين راحو ؟؟؟
ايه والله يا ليت نسوي بحث التخرج ونرتاح منه |
رد: نداااء لدفعة مستوى سادس
شاكر ومقدر لكم اهتمامكم وتفاعلكم
والمقصد من طرح الموضوع بهذا الوقت هو بسبب أن أغلب الأعضاء راح يكون آخر دوام لهم بالمنتدى يوم الثلاثاء أما بالنسبة لبحث التخرج فلازم نأجل مادة من السابع لأن عددها 18 ساعة وهو العدد الأقصى المسموح به لكن إذا تم تأجيل مادة ( ويفضل تكون مشتركة ) فأرجوا من الجميع الاتفاق على مادة معينة لتأجيلها وأنا معكم بمادة البحث تكون الترم الجاي |
رد: نداااء لدفعة مستوى سادس
خوش راي
|
رد: نداااء لدفعة مستوى سادس
اختبارات مستوى ثامن كلها مقالي انا مختبرها
لاني اجلت السابع , يعني الترم القادم راح اسجل مواد مستوى سابع ان شاء الله انا من رأيي اننا نسجل مواد مستوى سابع , على فكره انا ومعي اكثر من شخص ( قفزنا مستوى سابع ) تقريبا 10 طلاب الزبدة رايي وبكيفكم اننا نسسسسسسسسسسسسسسسسسسسسسسجل مستوى سابع |
رد: نداااء لدفعة مستوى سادس
حياك الله يابو سلطان بدفعتنا
احنا سلمك الله بناخذ مستوى سابع وبنأجل مادة النظام الإجتماعي في الإسلام( لأنها مادة مشتركة ) وبنفس الوقت بننزل مادة بحث التخرج وهذا طبعاً حسب الإتفاق المبدئي بين طلاب وطالبات دفعتنا وأتمنى من اللي موافق على هذا الكلام يسجل دخوله بكلمة موافق أو غير موافق (مع ذكر السبب أو الاقتراح ) وربنا يكتب اللي فيه الخير للجميع |
| All times are GMT +3. الوقت الآن حسب توقيت السعودية: 08:01 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه