هلا صديقيني اللي يعرفني واللي جلس جنبي ( بجانبي يعني للمثقفين ) :tongue: بالاختبارات واللي ما يعرفني .. المهم انكم صديقيني بالجامعه ..
اخ يالجامعة مابقى أحد ما طلعت نتيجته حتى تحليل شغالتنا طلعت نتيجته الا جامعتنا .. (( الله يرحم مزنه بس ))

من الطفش والانتظار والفراغ قلت اجي استانس معكم شوي واقولكم تذكرون اختبار التحليل الإحصائي هههههههه :tongue:

بنق ..!! بنق ..!!

ترا ماعندي شي بس بسولف اللي ما تعجبه سواليفي بس يعطيني not interested
وقسمن ما عاد اكتب شي .. بقعد اطرم الين يبدأ السمستر الجاي .. !! :Looking_anim:

المهم .. بشطح شوي عن اللي صاير هالايام واللي أشوفه قدامي كل يوم ..

شطحه نومبر ون :tongue: :

جاني برود كاست أمس ضحكت عليه لين حسيت اني مالي داعي .. وقمت اناظر نفسي وأقول سلامات يابو ..!!
البرود كاست يقول : وحده دبيه راحت لعرس ..طيب
ويوم رجعت من العرس قاعده تقص لخوياتها اللي صار .. (( طبيعي طبيعي ))
المهم تقول لخوياتها : تصدقون بالعرس يوم قمت أرقص عيون الناس كلها علي ويناظروني كلهم ويسألون منهي هذي .. كن مافيه الا انا بالعرس (( لا ما اقدر ارحمينا تكفين ))

واخر البرود كاست مكتوب (( هنا الطامه الكبرى هههههه ركزو ))
مكتوب : تاهو يدرفت بالمنصه .. أكيد بيقولون وش هذي ههههههههههههههه (( هنا انا فقدت السيطره على مشاعري الحسية والغير حسية وانفجرت ضحك كني قنبلة موليتوف :biggrin:

وش تحسين فيه يا عزيزتي أرحمي الثقه شوي تكفين .. هههههههههههههه

شطحة نومبر تو :tongue: :

قاعد أمشي بسيارتي اليوم العصر .. وفيه واحد يمشي وراي كنه في رالي وقايلين له اللي يوصل أول يفوز .. الحمد لله بس
المهم فتحت له الطريق .. وناظرته بحكم انه مسويلي قلق بالشارع .. وابي أشوف اي نوع من انواع البشر هو .. what kind of people
يوم شافني اناظر فيه وقف قدامي ونزل ههههههههه جاني يقول : فيه شي يالحبيب
انا وقتها مدري وش اسوي فيني ضحكه هستيريه غير إراديه من شكله ..
طلع أبو الشباب خال (( مع احترامي للخوال لا يزعلون علينا الحين ونصير بالمنتدى أمريكا أيام السبعينات والعنصريه العرقيه ))
وطلع قصير ولابس برموده والبرموده واصل كعب رجله خخخخخخخخخخخخخ يا إلاهي . . (( نرتقي لنلتقي يا قماعه )) :tongue:
قلت له لا ما فيه شي سلامتك .. الله يستر عليك (( بحكم اني مؤدب يعني )) :mh35:

يعني العصريه وفاتح الدريشه ومطلع يدك وبرموده وحر .. ولك خلق تناقش وتهاوش وتنفخ .. انها النفسيه الخلوقيه يا ساده :53: ... ادري بيطلع واحد وبيقول ساده ولا مطرز :bawling:

لا ترتر يا حبيبي بجميع ألوان الطيف يا روح أمك :58545:

بس خلاص . . باتسر نكمل .. تعبت يا صديقيني .. هذا تسان لكم خلق سواليف الين تطلع النتايج اللي نقزت مر .. !!

واذا نجحت ابشرو باللي يدلكم على محل قاتوه رخيص على كيف كيفكم .. :tongue:

اوكي .. الحياه حلوه .. واحنا طيبين .. ومستانسن .. وفاقدين .. احم احم
ايه فاقدين شوفت الغالين :biggrin:




ما حلا مس السحاب لوجنتك *** والندى نشوان من ريحانها
يوم هبت من شمال نسمتك *** انتعش المنتدى في رجا ولهانها

GOOD NIGHT ALL
:004: