|
استفسارات عن ماجستير حاسب آلي
السلام عليكم ورحمة الله وبركاته
لدي استفسارات تتعلق بالماجستير انا خريجة هذا العام قسم الحاسب الآلي بكلية العلوم بمعدل جيد جدا , لم استلم الوثيقة بعد بحثت كثيرا في مواقع الجامعات لكن لم اصل لمنشودي :( اريد الاستفسار عن برامج الماجستير المتاحة بنفس تخصصي (حاسب آلي) وشروط كل برنامج وماهي الجامعات التي تتطلب رسوم لدراسة الماجستير والجامعات التي تدرسها (بالمجان) :biggrin: ناس نصحوني أقدم بالخارج افضل وناس زادوا مخاوفي , وانا ودي بشي قريب مابي اتغرب :( وايش رايكم ببرنامج خادم الحرمين الشريفين للابتعاث للماجستير ؟ الله يوفق من تدلني وتساعدني ف انا في حيرة شديدة و"ضايعة" ولا اعلم مالمفترض عمله بعد التخرج :icon9: "واللي عنده معلومات زود لايبخل علي سواء بالماجستير او الوظايف الممكنة بعد التخرج!" |
رد: استفسارات عن ماجستير حاسب آلي
السلام عليكم
الصراحه أنا رياضيات ماني حاسب بس حبيت أقولك أختي إن فيه كثار طلاب و طالبات يدرسون ماستر حاسب خارج المملكه ( بعثه ) يعني ما أبغى أحطمك بس خلني أعطيك الفرق إذا إنت عندك طموح وودك تكملين ماستر هنا بتلاقين عقبات إختبار المتقدمات للماستر و بعدها يرشحون عدد معين للمقابله بعدها عدد معين يقبلو حتى يدرسون و المكافأه على حسب ما سمعت 950 ريال:eek: ( أنا انصدمت يوم عرفت هذا الشي ولمعلوميه طلاب دراسات عليا هم اللي أكدوا الخبر) يعني مو ذاك الزود ماراح تكفي ملازم ومحاضرات وكتب قلنا طيب إنت انقبلت الحين شراح تسوين تدرسين بعدها تتخرجين طيب والوظيفه تتوقعين شهاده من داخل السعوديه و لا شهادة المبتعثين برى ؟؟( طبعا أكيد شهادة المبتعثين بالخارج أحسن ) إذا تبغين نصيحه أنت قدمي على وظيفة معيدة لقسم الحاسب ( صدق الطريق طويل و فيه صعوبه بالقبول بس يستاهل التعب عشانه ) بعدها الجامعه نفسها تبعثك لدراسة الماستر و الحمد لله تكونين حصلت شهاده ووظيفه وراحة بال:019: أو إختصري الطريق و قدمي على بعثه و هذا رأيي ممكن فيه خوات تخصص حاسب يساعدونك بالتوفيق :106: |
رد: استفسارات عن ماجستير حاسب آلي
يوجد بجامعة الملك سعود ماجستير طبعا بالمجان لكن ما اعرف مساراته
المكافئه 950 وبدل كتب 400 ريال تصرف بعد نهاية كل ترم رأيي اذا تم قبولك معيدة فالجامعة تبعثك للخارج>>واذا انتي قادرة تسافرين فهذا ممتاز لكن الان لاتنتظرين الوظيفه يمكن تجي ويمكن ماتجي حاولي تقدمين لدراسه و ايضا الوظيفه واللي تجي اول خذيها. بالتوفيق |
رد: استفسارات عن ماجستير حاسب آلي
اقتباس:
أولا أشكرك على إفادتي :004::004: كنت مترددة أخذ الماستر هنا بس ردك خلاني اقتنع اكنسل السالفة :biggrin::004: طيب حبيبتي تعرفين متى يفتح التقديم للإعادة ؟ ماودي اقعد سنة بالبيت فاضية همن أكسل بعدين يعني أدبر لي محرم يروح معي مرافق ولا انتظر اقدم على الاعادة ! وكيف اجراءات الاعادة ؟ يعطيك العافية على تجاوبك ومعليه كثرت عليك اسألة :004: ربي يوفقك أختي :rose: اقتباس:
مشكورة على ردك طيب تعرفين متى يفتح تقديم الاعادة لاني شفت اعلانه كان وقت اختباراتنا ولا كنت قادرة اقدم ! وهل يكون بالنت التقديم ولا اروح للكليات ؟ وبرايك افضل اقدم على البعثة ولا انتظر لين يفتح تقديمات الاعادة لان البعثات تفتح برمضان ان شاء الله ومعليه كثرت اسأله :$ بس محتاجة احد له خبرة يفيدني الله يوفقك وييسر امورك :rose::004::004: |
رد: استفسارات عن ماجستير حاسب آلي
ماقصروا الأخوان
الله يوفقك |
| All times are GMT +3. الوقت الآن حسب توقيت السعودية: 09:17 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه