السلام عليكم ورحمة الله وبركاته ..

انا قصتي قصة مع هالمانع .. انا معي شهادة دبلوم عالي ( شهادة جامعية متوسطه ) وابي اكمل دراستي بكلية محمد المانع وانا تخصصي صيدلة . الموهيم هذي السنه الثالثه لي معاهم وبكل مره يطلعون لي بحجه .. مره يقولون التجسير مقفل من قبل التعليم العالي .. ومره يقولون التعليم العالي حدد لنا مقاعد قليلة جدا للقبول في برنامج التجسير .. وانا وياهم وانا وياهم وانا وياهم الين بالنهاية ضبطت اوراقي وكل اموري تمام .. الحين يوم جيت السنه هذي بسجل جيتهم بدري اول ما فتح التسجيل متسمر عند باب الكلية اول واحد .. وهم طلعو لي بحجة جديدة تخيلو ويقولون لي بكل وقاحه ان حنا مانقبلك لانك جايب بالدبلوم جيد وحنا نقبل جيدجدا وممتاز بس .. قلت لهم مو مشكله على حسابي مابي منحه ولا شي ابي ادرس بس .. قالو حتى لو على حسابك .. ويوم دخلت موقع التعليم العالي لقيت مكتوب بالشروط يقبل الي معدلة مايقل عن جيد واذا اقل من جيد يدخلونك ترم تآهيلي وهذا الي اعرفه من زمان .. يقولون لا الشروط تغيرت .. قمت راسلت التعليم العالي وردو علي التعليم العالي مرتين بعد مو مرة وحده .. ومكتوب بالاميل ان جميع كليات المملكه تتبع شروط التجسير الي يطرحها التعليم العالي .. قمت طبعت الاميلين وطبعت الشروط من الموقع ورجعت للكلية وقابلت العميد .. تخيلو قالي العميد انا ما اقدر اعتمد كلام مثل هذا واذا تبي استثناء روح الرياض وقابل واحد من المسؤولين الكبار مدري عددلي اسامي ويقولي روح جيب لي خطاب رسمي انه انت والي جايبين جيد مثلك لا مانع من قبولهم .. ؟؟

وشششش هالتفاهات ... ؟!؟!!؟

ادري اني طولت عليكم بس والله من القهر الي بداخلي ..

الحين السؤال هل يعقل ان الي جايب جيد ينحرم من الدراسه الى الابد ولا يكون له اي مجال حتى لو كان على حسابه .. ؟!؟!؟ علما ان مافيه ولا جامعه حكومية فيها تجسير ومعروف الصيدلة دائما منسية لا من دراسه ولا من وظايف .. هذا كلام مو معقول ولا يدخل العقل وكذا الواحد ينتحر احسن ؟؟!؟! :9:

اذا فيه واحد انقبل وهو جيد قولولي على شان اروح احوسهم :19: