ملتقى طلاب وطالبات جامعة الملك فيصل,جامعة الدمام - الله يرزق اللي يجاوب علي ويحقق منآآه ويوووفقه وين مآراح

الله يرزق اللي يجاوب علي ويحقق منآآه ويوووفقه وين مآراح

السلام عليكم ورحمه الله وبركاته

بنآآت بلييييييييييييييز احس اني ضاايعه
عليميه بكل شيء مو عارفه ساعدوني بلييز
انا من خريجات عام 1430
واختبرت القدرات
وبعديين ماسجلت ولا بشيء ولابشيء

(مدري هوغباااء مني ولا ونااسه مني اني خلصت الدراسه
يعني ماهتميت لهشيء

المهم اللحين انا سجلت بالقدرات اضنها الفتره الاولى بس غير مؤكد لسه
يعني مادفعت السداد والمشكله ماعندي حسااب بالراجحي وش الحل ارووح للفرع النساائي واقوول لهم ابغى اسدد ولا كيف ؟

مو عارفه وش قصت الاختبار القدرات
فييه قدرات فتره اولى ((للقدرات
وفييه فتره ثانيه (((للقدرات والتحصيلي
وش اللي اسجل فييه بالضبط مدري وش القصه اسجل فيي الفترتين لازم ولاا ؟؟

والبطااقه الذكيه حددت مووعد استلامها ومدري وش قصت امهااا
مدري ارووح الجآآمعه وش اقوول لهم عنهااا حدي متلخبطه بالحييل
واذكر ان عندي بطاقه دخول الاختباار الورديه يومني ادرس بالثانويه عطونيها ودخلت فيها الاختبار
يصلح ادخل فيهااا ولا لا ؟ ولا لازم االبطااقه الذكيه
والتسجيل الكلياات والجآمعات متى يبدي بعد الاختبار القيااس ولا ..؟؟؟
قبل بلييز جاوبووو
تكفووووون بنآآآآآآآآآآآآآآآآـ تكفوووون مالي الاالله ثم انتم
اللي عندهآآآ اي معلوومه لاتبخل علي فيهآآآآآ حدي متضآيقه من هآلحآل
الله يووووووفق كل من يرد علي ويحقق منآآآآآآآآآآه

رد: الله يرزق اللي يجاوب علي ويحقق منآآه ويوووفقه وين مآراح

وعليكم السلام

موضوعك للبنات لكن انا عندي معلومات وحبيت افيدك
بالنسبة لك من خريجات 1430 عادي تقدرين تسجلين بداية
التسجيل بعد كم شهر ف الجامعات و ان شاءالله رح تنقبلين

اللي فهمته منك انك سجلت فـ الأختبار وأخترتي المكان لكن للحين ما تأكدت . عشان باقي ما سددتي .. الطريقه سهله مره
عن طريق صرافة الراجحي مو لازم لك من أي صرافه لك ولآ لأخوك او امك او خالك او صديقتك :biggrin: تسديد رسوم قياس 100 ريال
وبيطلع لك وصل . فيه رقم .. تتصلين على قياس وتسجلين الرقم عشان يتأكد تسجيلك أو تفتحين موقع قياس وتفتحين ملفك عن طريق الموقع وتضغطين ع سداد وتدخلين الرقم اللي موجود معك فـ الوصل وبكذا يتأكد تسجيلك اللي عليك تروحين وتخترين بس
هذي طرية التسجيل

انتي مو عارفه اش قصة اختبار القدرات
على فكره اختبار القدرات مهم جداً جداً جداً عشان ماتدخلين الجامعه
الأ تكون داخله الأختبار ذا . سجل فـ الأختبار هذا واللي بعده القدرات والتحصيلي
التحصيلي هذا اختبار اذا تبين تدخلين أقسام علميه فـ الجامعه يطلونه
والقدرات تطلبه كل تخصصات الجامعه
والقدرات والتحصيلي مهم جداً عشان اذا سجلتي فـ الجامعه ان شاءالله
طبعاً التسجيل بيكون عن طريق الموقع بيتم معادلة شهادتك يعني يضربون نسبة الثانويه والقدرات والتحصيلي وتطلع لك نسبتك الموزونه وبكذا يعطونك موعد وف الموعد تحضرين ومعك اوراقك وبكذا تم قبولك نهائياً

وبالنسبه مو فاهم مره لكن احول اتذكر لما سجلت لآ أختي
السنه اللي طافت سجلت لآ أختي هيك ..
افتحي موقع قياس وفتحي ملفك بتطلع لك اعتقد الحصول على البطاقه الذكيه او كلمه قريبه لها ما اذكر بالضبط المهم تقدمين وتاخذين موعد وتروحين للموعد ذ وتستلمي بطاقتك وبس

وعلى فكره سجلي فـ الفترتين عشان ياخذون اعلى نسبه لك

والله يوفقك حبيت افيدك باللي اعرفه

تحياتي لك

رد: الله يرزق اللي يجاوب علي ويحقق منآآه ويوووفقه وين مآراح

لا مو لازم يكون عندك حساب عشان تسددين للقدرات .. يروح ولي امرك للبنك وقول ابي اسدد للقدرات وهم بيشوفون شغلهم وبيعطونه وصل وهذا لازم تحتفظين فيه عشان دخلينه بملفك اللي بمركز قياس .. وطبعا لازم تكونين فاتحه ملف بمركز قياس ..

اول شي بتسجلين بالقدرات لشهر (4) وبعدين تسجيل اختبار القدرات والتحصيلي وهم حاطين وقت التسجيل بمركز قياس ..

البطاقه الذكيه هذي عشان تدخلين لاختبار القدرات والقدرات والتحصيلي .. مافهمت عليك يوم قلتي البطاقه الورديه اللي مستلمتها ايام الدراسه .. مدري اذا تقدرين تدخلين فيها الاختبار او لا .. اللي اعرفه لازم يكون عندك بطاقه ذكيه لدخول الاختبار

تسجيل الجامعات بيكون بعد الاختبارات النهائيه يعني ع اخر السنه يبدون يحطون تواريخ لبدء التسجيل يعني لازم تكونين مراقبه لكل الجامعات

اتمنى لك التوفيق .. :119:
والله يسهل انتي لاتختبصين واجد هدي وانا اختك .. :tongue:
بالتوفيق .. :106:

رد: الله يرزق اللي يجاوب علي ويحقق منآآه ويوووفقه وين مآراح

وعليكم ورحمة الله وبركاته:love080:

اولا سجلي في الاختبار القدرات المتاح عندك الان :(204):
روحي البنك خذي حق ابوك او اخوك وهو يفهم وشلون يسدد :(269):
وبعدين اذا سدد ولي امرك تاخذين ورقة البنك وتكتبين رقم معين وتسوين تسديد وتصيرين مؤكدة ان شاء الله
شرط انك تكونين في مكان فاضي :wink:
والبطاقة الذكية ما ادري روحي عندك موعدك لا تتهاونين فيه :(204): اسالي بالتلفون حياتي
في البطاقة الوردية رقم دقي عليه الساعة 8 الصبح ويجوبونك لانهم موجودين حتى لو اضطريت تدقين مية مرة عادي :oao:
وبس :(204):
اي سؤال انا حاضرررررة :106:

رد: الله يرزق اللي يجاوب علي ويحقق منآآه ويوووفقه وين مآراح

ماينفع تدخلين بالبطاقه الورديه لازم تجددين البطاقه وتصير تبع سنه 1432
وانتي روحي الموعد اللي عطوك وشوفي وش يقولون لك

اذا كان عندك بطاقه احوال ماتحتاجين للبطاقه الذكيه
وتدخلين الاختبار ببطاقه الاحوال

رد: الله يرزق اللي يجاوب علي ويحقق منآآه ويوووفقه وين مآراح

البطاقة الذكية لازم تجددينها روحي للملف حقك واضغطي على ايقونة اصدار بطاقة جديدة بعدين اطبعي الورقة الي راح تطلع لك وروحي للمدرسة راح يخلونك تسوي البصمه بيدك اليمنى واليسرى بعدين راح توقع لك المديرة والمشرفه وهم بعدين راح يفهمونك الباقي

رد: الله يرزق اللي يجاوب علي ويحقق منآآه ويوووفقه وين مآراح

الاخوات والاخوان ماقصروا والله يوفقك ياااارب

رد: الله يرزق اللي يجاوب علي ويحقق منآآه ويوووفقه وين مآراح

:Cry111:الله يوفقس حبيبتي ماعندي خلفيه ياعمري انتي..

رد: الله يرزق اللي يجاوب علي ويحقق منآآه ويوووفقه وين مآراح

بخصووص القدراات
اختي نصيحه مني اتصلي على رقمهم وترد عليك حرمه
وسأليهااا
ولا تسمعين لاحد صحيح انهم كفوو ووفو
بس هم اعلم منا والرقم من الاستعلااماات
نصيحه مني اختي اتصلي وكل شي رااح يوقوولوون لكــ
اختكــ بحه الشووق

رد: الله يرزق اللي يجاوب علي ويحقق منآآه ويوووفقه وين مآراح

الله يوفقك ي رب