ملتقى طلاب وطالبات جامعة الملك فيصل,جامعة الدمام - لطالبات الطب .. استفسارات مهمه .. انتظر الاجابه عليهآآ !

لطالبات الطب .. استفسارات مهمه .. انتظر الاجابه عليهآآ !

السلام عليكم

لطالبات كليه الطب فقط , اللي ماعنده خبره لا يجاوبني لاني ابغى اجابات اكيده وعن تجربه ..

انا نسبتي المركبه 93.88

سجلت طب في فيصل والدمام ..

هل بيقبلوني رغم اني حاطه من ضمن الرغبات الثانيه علوم حااسب واغلب البنات يقولون انهم بيحذفوني فيه على طوول :bawling:

والسؤال الثاني :

هل فيه مقابله شخصيه في جامعه فيصل والدمام ؟

وكيف هي ايش الاسئله اللي جاتك ؟

ابغى كل شئ صارلكم بالتفصيل الممل من جاكم خبر القبول الى ان اخذتي اول محاضره ,

وكيف الدراسه سهله والا كيف ؟

و كيف اعرف الاوراق المطلوبه ...؟

كثيره الاسئله بس الله يعافيكم اللي عنده خبره بس يرد ,
الله يسعده اللي يفهمني لاني من جد ضااايعه .... !

شكرا مقدما :love080: ,

رد: لطالبات الطب .. استفسارات مهمه .. انتظر الاجابه عليهآآ !

وعليكم السلام والرحمة ..

هم يراعوا ترتيب رغبات الطالب

وإذا نسبتك الموزونة وصلت للنسبة الموزونة للرغبة الأولى يقبلوك فيها :)

اي فيه مقابلة للطب <<الدمام ما ادري عن فيصل بس اعتقد نفس الشي

المقابلة سهلة ,,تسألك عن نسبة ثانوي و القدرات والتحصيلي

وإذا في احد من اهلك دكتور او يدرس طب

وتسألك إذا هي رغبتك او مجبورة وو مواقف ممكن تصير معك في المستقبل

مثلاً تزوجتي و زوجك رافض فكرة المناوبات وش بتسوي

وابوك مو معترض على الاختلاط في الشغل

وتسألك عن مستواك في الانقلش

هذا اللي اذكره وما اعتقد انها تأثر في القبول :)

حسيتها شكليات !

امم الدراسة انتي و جهدك ..بس بشكل عام سهلة

وبالنسبة للاوراق المطلوبة اعتقد مكتوبة في الموقع

و بتكون موجودة في ورقة البريد <<على ما اذكر

بالتوفيق ..

رد: لطالبات الطب .. استفسارات مهمه .. انتظر الاجابه عليهآآ !

مشكووره أخيرا أحد عطاني وجه ...

ربي يسعدك .. آخر سؤال ؟!

انتي الحين تدرسين طب ؟ طيب كم كانت نسبتك المركبه العام ...!!!!

يعني انا بهالنسبه أنقبل ...؟؟؟؟

رد: لطالبات الطب .. استفسارات مهمه .. انتظر الاجابه عليهآآ !

العفو =)

اي :) .. سوري بس ما أحب اقولها :$

ما اقدر أأكد لأن يعتمد على مستوى دفعتكم .. بس نسبة قبولك كبيرة :)

فالك القبول :)