بنات الله يعافيكم ساعدوني مالي غيركم ..
 

السلام عليكم ورحمة الله وبركاته ..
انا على طول بأبدأ في مشكلتي ..
بما اني طالبه مستجه لي الحق في السؤال ولي الحق في الاجابه على اسئلتي من قبل الجامعه ..
ايش هالجامعه لا اداره ولا شؤن ولا نظام يفتح النفس ..
قسم بالله اني كنت احب المدرسه ومااحب اغيب ولا يوم ..
لاكن من يوم دخلت للجامعه وانا كارهتها وكارهه نفسي ..
المهم مالكم بالطويله ..
سالفتي مع نظام البانر بتقولون بدري .. ادري بس انا توني مسجلة في المنتدى ..
اول مافتح النظام ماكنت ادري وماقالولنا عنه شي وداومت يوم السبت وعرفت من البنات اني لازم اسجل موادي في النظام .. المهم رحت للبيت وعلى طول سجلت فيه وكان بيغلق النظام بنفس اليوم
المغرب ..
يعني ماكان فيه وقت وانا ماعرفت عنه الا من البنات ..
المهم سجلت موادي وكل شي تمام وشوي الا مادة الصحة واللياقه ماتسجلت ..وماعاد بقى على الوقت الا شوي كان يقول لي الموقع ان الشعبه مغلقه .. واحاول اسجل واحاول .. لكن بدون فايده وتصكر النظام وانا باقي لي هالماده ..
وقلت يالله كون بالامر خيره بكرة ان شاء الله اروح عند الشؤون لأنهم قالو اللي تواجه مشكلة تجينا ..
واليوم الثاني رحت لهم وكان عندهم بنات واااااااااااااااجد وطردونا ..
والحمد لله فتح النظام مرة ثانيه وسجلت هالماده لكن مارضى نفس الكلام الشعبة مغلقة..
رحت للشؤون وقالت عطيني اسمك ورقم جوالك أستغربت وش تبي في رقم جوالي .. لكن عطيتها اياه ..
وقالت لي خلاص .. استانست وقلت الامر بالسهوله هذي وانا معقده الامور .. واستنيت اتصالها فيني ومادقت والنظام بيقفل الاثنين وكان ذاك اليوم السبت ..
رحت لهم الاحد وكانت مشغوله تكلم وكان فيه وحده ثاني وقالت لي وش تبين قلت لها سالفتي قالت خلاص استنو لما يحلون الموقع مشكلتكم قلت يعني مو بس انا قالت ايه .. رحت للبيت وانا طول الوقت اراقب النظام لكن مافيه امل ..وانتهى التسجيل .. عادي ماخفت لان الشؤون قالو لي انه عطل فني في الموقع نفسه ..
الموهم جاء الاسبوع اللي بعده وفتح التسجيل لكن مو لدفعتي وانا كنت مستانسه واقول الفرج من ربي .. وابغى ادخل هالماده وعيا وطلعت لي سالفه ثانيه انه انتهى وقت تسجيلي .. رحت للشؤوون اليوم اللي بعده وقلت لها عن هالماده وقامت تصارخ علي وتهاوش وتهزئ وتوك تتكلمين وماادري وش قالت بعد لاني خلاص وقتها ماعاد اتحمل انا خايفه من الاساس وخوفتني زياده والدمعه بتقطر .. وقلت لها اني جيتك فوق الثلاث مرات وانتوا ماعطيتوني وجه قالت لي وهي تصارخ وش اسمك ورقمك الجامعي وسردته لها قالت لي خلاص اذا جاكم الدكتور ولا انحلت مشكلتك تعالي لي .. والحمد لله الا الان والدكتور ماجا ان شاء الله مايجي طول هالسنه من غير شر ..
سؤالي الحين عقب سالفتي اللي تحزن :011:
..
وش اسوي ؟؟ من اكلم ؟؟ لمين اروح ؟؟ وش بيصير على الماده ؟؟
الله يعافيكم والله اني استانست يوم لقيت هالمنتدى فالله يجزاكم بالخير ساعدووووووني ..
والله اني كرهت الكليه والدراسه وابوي مستانس فيني لاني البكر فما ابي اخيب رجا ابوي ..:Cry111:

وآآآآآآآآآآآآآآآآآآآآآآآآآآآآآآآآآسفه على الطواله ..