|
اسئلة عن كلية المجتمع
السلام عليكم أنا متخرج من الثانوي هذا العام وما حصلت أحد يقبلني فلجأت إلى كلية المجتمع و عندي بعض الاستفسارات : س1\ متى تبدأ الدراسة ( التاريخ ) ؟ مع المدارس ؟ س2\ مواعيد الدوام ؟ من الساعة إلى الساعة كم ؟ س3\ المواد التي بندرسها ؟ س4\ هل الدراسة باللغة الانجليزية ؟ س5\ هل يوجد تعليم للغة الانجليزية ؟ س6\ المدرسين أجانب ولا من البلد ؟ س7\ كيف مستوى الدراسة ؟ عالي منخفض ؟ صعب سهل ؟ س8\ ناوي أدرس سنة هنا بعدها أطلع برا ، ترونها فكرة جيدة ؟ س9\ أنا حالياً لغتي الإنجليزية مو جيدة و مستواها تقريباً أقل من المتوسط ، بماذا تنصحوني ؟ س10\ شكراً جزيلاً . بانتظار الإجابات :53: |
رد: اسئلة عن كلية المجتمع
......................
|
رد: اسئلة عن كلية المجتمع
وعليكم السلام ورحمة الله
حياك الله انا انقبلت ولله الحمد وارسلت الأوراق المطلوبة وراجعت معهم حتى تاكدت أنها وصلت واستفسرت عن بعض أشياء من أهمها الجدول بما اني موظف الشاهد بالموضوع : الدراسة تبدأ ان شاء الله في تاريخ 31-اغسطس-2014 يوم الأحد والاسبوع اللي يسبقها راح يكون هناك اختبار تحديد المستوى وبعدها سوف يتم تنسيق الجدول إضافة المواد وتحديد مواعيد المحاضرات وما الى ذلك وبالنسبة لسؤالك عن الكلية من وجهة نظري الشخصية انها ممتازة جدا ﻻن فيها فرصة لمن هم بنفس ظرفك الالتحاق بجامعة الملك فهد للبترول والمعادن وهذا طبعا مستقبل جيد ان شاء الله خصوصا ان الجامعة معترف فيها بالطبع في جميع الدول وجميع المجالات ومن انجح الجامعات وبالطبع عن اللغه راح يدرسونك ويدعمونك أن شاء الله اما بالنسبة لدراستك بالخارج انا اقترح عليك والقرار عندك . حاول تدرس لغه بالخارج حتى تقوي اساسك في اللغه ان حبيت تدرس بالخارج مع العلم ان عندنا كثير معاهد وجامعات قويه ومعترف فيها ودراستها ممتازه نسبياً وبنسبة عاليه اول واخير التوفيق والارزاق بيد رب الأرزاق وحده فلا تشيل هم المهم انك تتعب على نفسك وتحاول تبني لنفسك مستقبل ﻻن الوضع مثل مانت شايف والواحد فينا سلاحه شهادته وخصوصاً لو درس شي يحبه راح يبدع فيه أتمنى لك التوفيق والنجاح |
رد: اسئلة عن كلية المجتمع
شكراً لك أخوي على الرد الجميل
بس أختبار تحديد المستوى في أي يوم بالضبط راح يكون ؟ |
رد: اسئلة عن كلية المجتمع
حسب رد الموظف علي في اخر مكالمه ، راح يكون بعد اسبوع ان شاء الله من الآن ، يوم ثلاثاء او اربعاء
يعني لم يتم تحديد موعد معين ولكنه خلال اسبوع ان شاء الله اسال الله لنا ولكم التوفيق والنجاح |
رد: اسئلة عن كلية المجتمع
اقتباس:
2- مواعيد الدوام موجودة في جدولك يالغالي 3- المواد بتبدا بالسنة التحضيرية بالرياضيات والانجليزي (اذا نجحت في اختبار تحديد المستوى بعلامة معينة بيحذفون الانجليزي) بالاضافة الى اللياقة البدنية 4- الدراسة باللغة الانجليزية نعم والكتب باللغة الانجليزية 5- في ناس جابوا علامات عالية وهم ميح بالانجليزي كيف ماشيين بالكلية الله اعلم. 6- اغلب المدرسين اجانب من جنسيات مختلفة 7- مستوى الدراسة صعب صعب صعب حطها في بالك كانك في جامعة البترول والمدرسين كلهم من البترول وكل ما يجي ويضغطون عالطالب لو تحط جهدك كله بالدراسة بتشوف الوضع سهالات |
| All times are GMT +3. الوقت الآن حسب توقيت السعودية: 03:51 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه