ماهي التخصصات الأدبيه بكلية التربيه للبنات بالجبيل
السلام عليكم ورحمة الله وبركاته
إلى عضوات هذا المنتدى أرجو منكم المساعده لو سمحتوا انا من سكان الدمام وابي اسجل بكلية التربيه للبنات بالجبيل لكن المشكله لما أدخل على هذا الرابط http://www.kfu.edu.sa/ar/Colleges/Ed...ages/home.aspx ما الاقي بكلية التربيه تخصصات أدبيه للبنات إلا رياض أطفال و قسم التربيه وعلم النفس وانا جيت لهلمنتدى ولقيتكم تتكلمون عن قسم التربيه الخاصه وانا مو شايفته بالرابط الي فووق فحبيت استفسار منكم ايش التخصصات الأدبيه الموجوده بكلية التربيه للبنات ؟ وهل يوجد فيها قسم تربيه وعلم نفس مستقل بذاته او ان مواد علم النفس تدرس بقسم رياض الأطفال ومافي قسم بكلية التربيه اسمه علم نفس وهل فيه تربيه خاصه فايش التخصصات الأدبيه الموجوده بكلية التربيه وايش لغة الدراسه بكلية التربيه انجليزي ولا عربي ؟ وهل فيه سكن بالجبيل ؟ وفسم رياض الأطفال هل يتشرط للي تدخله انها تكون فنااانه بلأعمال اليدويه ولا هذا شي مكتسب ويتم تعلمه بالتدريج وهل تدرسون مواد تعلمكم كيف تسوون الأعمال اليدويه ؟ واتمنى الرد قبل يوم الخميس عشان اسجل وانا عارفه ايش التخصصات الموجوده الله يجزاكم كل خير ويفرج عنكم ويعطيكم الصحه و العافيه آمين |
رد: ماهي التخصصات الأدبيه بكلية التربيه للبنات بالجبيل
هلا والله ..
ايش التخصصات الأدبيه الموجوده بكلية التربيه للبنات ؟ انجلش .. رياض اطفال .. تربية خآصه.. وهل يوجد فيها قسم تربيه وعلم نفس مستقل بذاته او ان مواد علم النفس تدرس بقسم رياض الأطفال ومافي قسم بكلية التربيه اسمه علم نفس مآفي قسم علم نفس .. بس في مآده اسمها مبآدئ علم نفس بالمستوى الاول وايش لغة الدراسه بكلية التربيه انجليزي ولا عربي ؟ لغة الدراسة عربي أكيد .. بس فيه انجلش بالمستوى الاول و الثاني لأن في قسم انجلش للأدبي بعد التحضيري .. وهل فيه سكن بالجبيل ؟ لا مآفي سكن وفسم رياض الأطفال هل يتشرط للي تدخله انها تكون فنااانه بلأعمال اليدويه ولا هذا شي مكتسب ويتم تعلمه بالتدريج وهل تدرسون مواد تعلمكم كيف تسوون الأعمال اليدويه ؟ ريآض الاطفال يتطلب شغل كثير يدوي و يعلمونك بس الشغل يتطلب مهآرة أكيد.. ... انا من الجبيل وكنت أدرس بالآداب ترى المشوآر وربي تعب لا تستهينين فيه .. بآول فرصة جآتني نقلت عالتربيه بالجبيل.. الله يوفقك يآرب .... |
رد: ماهي التخصصات الأدبيه بكلية التربيه للبنات بالجبيل
joana
الله يعطيك الصحه و العافيه ولا يحرمك الأجر .. أشكرك من كل قلبي ردودك وااضحه الله يجزاك الجنه ريحتينــــــــــي وعندي كم سؤال : ) ايش لون التنوره المسموحه بالكليه لبنات آدبي ؟و طولهــا يعني يصلح تكون فوق الكعب بشوي؟ [ ميدي ]وايش طول البلايز المسموح والوان البلايز ؟والعبايه عادي تكون كتف؟ويسمحون بجوالات الكاميرا والبلاك بيري؟ وبنات السنه التحضيريه هل كل يوم لهم وقت حضور ووقت انصراف ؟ ولا على حسب المحاضرات تختلف اوقات طلعتهم من الجامعه..وكم عدد سنوات الدراسه " مع السنه التحضيريه" ؟ الله يوفقك ويسعدك آمين |
رد: ماهي التخصصات الأدبيه بكلية التربيه للبنات بالجبيل
ايش لون التنوره المسموحه بالكليه لبنات آدبي ؟ اسود .. او جينز ازرق و طولهــا يعني يصلح تكون فوق الكعب بشوي؟ [ ميدي ] تغطي الكعب .. و الميدي ممنوووع ولا ترى يكتبونك مخالفه و يلبسونك شراب اسود طويل << شفتهم بعيني خخخ وايش طول البلايز المسموح والوان البلايز ؟ عادي تيشيرت بس تكون اكمامه طويله شوي .. اي لون عادي .. ما تفرق معهم الالوان والعبايه عادي تكون كتف؟ لازم عبآة رآس و ما تكون ملووونه بعد .. ويسمحون بجوالات الكاميرا والبلاك بيري؟ اذا مستغنيه عن جوالك جيبيه .. خخخ يتصيدون الجوالات صيد .. و حتى الي بدون كام ممنوع تكلمين فيه الا عند الامن << عليهم انظمه الغبيه .. وبنات السنه التحضيريه هل كل يوم لهم وقت حضور ووقت انصراف ؟ الحضور الساعه 8 على وقت المحاضرة الاولى و الانصراف الساعه 12 او الساعه 2 غير هالوقتين ممنوع الخروج الا مع ولي الامر او اذا كان عندك تصريح خروج فيه صورتك لازم ولي امرك يجي و يسويها وكم عدد سنوات الدراسه " مع السنه التحضيريه" ؟ 4 سنوات 1 تحضيري 3 تخصص الله يوفقك ويسعدك آمين ... ويآآآآك يآآآآرب |
رد: ماهي التخصصات الأدبيه بكلية التربيه للبنات بالجبيل
وايش طول البلايز المسموح والوان البلايز ؟
عادي تيشيرت بس تكون اكمامه طويله شوي .. الي افهمه ان ممنوع التشيرتات الجبينز طيب ينفع هالكم ؟ و مسموح التيشرتات الي فوق المرفق " الكوع " بشوي ؟ ولا لازم تغطي المرفق |
رد: ماهي التخصصات الأدبيه بكلية التربيه للبنات بالجبيل
ونآسه بس 4 سنوات
توقعت 5 1 تحضيري 4 تخصص |
رد: ماهي التخصصات الأدبيه بكلية التربيه للبنات بالجبيل
ما توقعت الانظمة كذااااااااا كنت ناوية اسوي تحويل من الدمام الى الجبيل شكلي ببطل
|
رد: ماهي التخصصات الأدبيه بكلية التربيه للبنات بالجبيل
بغيت أسأل
بنات التحضيريه متى يداومون أي يوم من ايام أول اسبوع؟ بعضهم قالوا اذا نزل الجدول طيب من وين اعرف ان جدولي نزل وشكرا ً |
رد: ماهي التخصصات الأدبيه بكلية التربيه للبنات بالجبيل
اقتباس:
وبعد على حسب الجدول اذا كان عندهم يوم مافيه محاضرات مو مهم يداومون |
رد: ماهي التخصصات الأدبيه بكلية التربيه للبنات بالجبيل
اقتباس:
|
رد: ماهي التخصصات الأدبيه بكلية التربيه للبنات بالجبيل
اقتباس:
حبيبتي انا كنت أسأل : متى نداوم بالنسبه لأول اسبوع دراســه ؟؟؟ لاني اسمع ان اول اسبوع مافيه شي عادة فأبي أعرف الأيام الي اروحلها اوول اسسبوع بعضهم قالوا اذا نزل جدولك لازم تداومين فمن وين آخذ جدولي ؟؟ والسؤال الثاني عادي البس تشيرت طوله لفوق الكوع بشوي ؟ يعني عادي الكوع يطلع ولا ممنوع الله يوفقك ويسخر لك ويرزقك الجنه آمين = ) |
رد: ماهي التخصصات الأدبيه بكلية التربيه للبنات بالجبيل
اكيد انتو اول سنه ضروري اول اسبوع تداومونه..منها الجداول تنزل..
وتسجيل الجداول بالبانر...واذا صادفتك مشاكل على طول تسآلين الشؤون.. ومنها تشوفون الكليه تعرفون وين قاعاتكم ..عشان إذا بدت المحاضرات ماتقعدون تدورون قاعاتكم ..وبعدها تنطردون من المحاضره.. والتي شيرت مسموح بس يكون فوق الكوع بشوووي.. |
رد: ماهي التخصصات الأدبيه بكلية التربيه للبنات بالجبيل
اخت جامعيه كيف نقلتي من الاداب الى الجبيل
انا سجلت الرغبه الاولى الجبيل والثانيه اداب وحطوني اداب ممكن انقل |
رد: ماهي التخصصات الأدبيه بكلية التربيه للبنات بالجبيل
بنــات هل فيه باصات حكوميه تمشي من الدمام أو من الخبر للجبيــل ؟
ارجو الرد جزيتم خيرا ً : ) |
رد: ماهي التخصصات الأدبيه بكلية التربيه للبنات بالجبيل
لآآآ ياقلبي مــآآفيـــــــه للآآسف
|
رد: ماهي التخصصات الأدبيه بكلية التربيه للبنات بالجبيل
بناااااااااات ابي سكن حق الطالبان كلية التربيه بالجبيل
وسؤؤل كلية التربيه بالجبيل ادبي بس تربيه خاصه ورياض اطفال |
رد: ماهي التخصصات الأدبيه بكلية التربيه للبنات بالجبيل
حبيبتي مافي سكــــــن أبد لا حكومي ولا خاص ..
أقسام الأدبي تربيه خاصه و رياض أطفال و أدبـــــــ إنجليزي الله يوفقك |
رد: ماهي التخصصات الأدبيه بكلية التربيه للبنات بالجبيل
كيف يعني مافي الا 3 تخصصات بكلية الجبيل ؟؟ < لا تصدموني :(
|
رد: ماهي التخصصات الأدبيه بكلية التربيه للبنات بالجبيل
عادي نلبس عباسة كتف o.O
ما يقولون لنا شي والجوالات عادي نكلم فيها مو شرط عند الامن .....! |
رد: ماهي التخصصات الأدبيه بكلية التربيه للبنات بالجبيل
^ اي عادي
بس ما تكون العبايه فيها زينه مبالغه لجل م ينشبون لك والجوالات عادي تكلمين في اي وقت :29: بالتوفيق :16: ودي :1: |
رد: ماهي التخصصات الأدبيه بكلية التربيه للبنات بالجبيل
الموضوع قديم , وتمنع رفع المواضيع القديمه :23:
اللي عندها اسأله تسألها " هنا رجاءً " http://www.ckfu.org/vb/t384631.html أو http://www.ckfu.org/vb/t408042.html بالتوفيق احبتي :16: ودي :1: |
All times are GMT +3. الوقت الآن حسب توقيت السعودية: 02:24 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه