|
ممكن نصائح بخصوص الدراسه في الكلية والا ختبارات
السلام عليكم
أنا ابي اعرف كيف طريقه المذاكرة للكلية خصوصا انها صععبه ويبي لها مذاكرة ووش اللي اركز عليه أكثر شيء المحاضرات اللي اكتبها مع الدكتورة أو الكتاب. وكيف طريقه للمذاكرة لاني أحس مافيه وقت وأنا من النوووع اللي صعععب تحفظ الشيء أو تفهمه بسرعه :bawling: وشلون اذاكر وانظم يومي لأشغال ثانيه ويومي شلون ارتبه. وكيف اسأل الكلية في الاختبارات خصوصا انهم يقولون ان الاسئله موحدة وان الدكاترة كلهم يحطونها وهذا الشيء خوفني وفي نفس الوقت حطمني :bawling: يعني راح يجيبون شيء ماشرحته الأستاذه أو الدكتورة ولاعاادي كل اللي شرحته مراح يطلعون منه تكفون طمنوني بخصوص هذا الشيء. وكم درجة في النسبه لاتقولون على حسسب الساعات أنا أول سنة يعني مراح يهتمون لعدد الساعات وش أحسن اوقات المذاكرة وانصحوني كأني اخت لكمم بأي شيء يفيدني. والله يعطيكم العافيه ويجزاكمم ألف خير ياااارب :106: والله بدعي للي ترد على واستفيد منها :bawling: |
رد: ممكن نصائح بخصوص الدراسه في الكلية والا ختبارات
اضم صوتى الصوتك
بالاضافه انا متزوجه ولى طفلتين وسكانه فى الدمام والدوام الى الاحساء يعنى وقت كتيربيضيع ياليت احد ينصحنا |
رد: ممكن نصائح بخصوص الدراسه في الكلية والا ختبارات
انا سوف اضيف اهم نقطة للمستجدين وان شاء الله الاخوات والاخوان يضيفون المزيد من خلال تجاربهم وخبرتهم اهم فصل هو الفصل الأول الذي يعتبر القاعدة الرئيسية لبقية الفصول الدراسية في الجامعة فإذا بدأ الطالب والطالبة بمعدل قوي يرتاح في الفصول القادمة حيث لو تعثر قليلاً لن يكون مهزوزاً وبعيد عن مرحلة الخطر أما إذا اهمل وبدأ بضعف في معدله سيتعب اكثر من كثير ويكون مهدداً لانقطاع المكافأة والانذارات اذا نزل عن 2 من 5 ونقطة مهمة جداً المعدل في الصعود ابطء من البطيء وفي النزول يهوي سريعاً مقرر واحد يأخذ رسوب او حرمان يهوي بالمعدل فأتمنى الانتباه من هذه النقطة وأما عن المذاكرة وباقي الأمور الأخرى الأخوان والأخوات لن يقصروا معكم في كتابة تجاربهم وخبرتهم والله الموفق |
رد: ممكن نصائح بخصوص الدراسه في الكلية والا ختبارات
وعليكم السلام والرحمه
اضافه على استاذ عباس طريقة المذاكرهـ حبيبتي اول ماتاخذين المحاضرة اقريها اذا مافهمتي شيء روحي لدكتوره في ساعاتها المكتبيه ولاراح تقصصر بشيء واذا دكتور طبعا كل دكتور راح يتطرق بذكر ساعاتهم المكتبيه دقي على التحويله حقته ولاراح يقصصر .. اما وقت المذاكره بعد ماتجين من الدوام نامي لك ساعه بس وقومي اشوي تالي ابدي ذاكري وكل بعد محاضرة اخذي 5 دقايق راحه وذاكري المحاضرة الثانيه للماده الثانيه وهكذا.. الاختبارات الشهريه راح تكون الدكتور او الدكتوره تحطهم ماراح تكون موحده عدا مواد الفيز راح تكون موحده سواء في الشهري او النهائي.. اما النهائي راح تكون موحده طبعا توه هذا السنه الثانيه للتطبيق تبعا لنظام الجوده الاسئله كيف تكون ممكن 4 اسئله فقط عليهم 40 درجه ووممكن 9 اسئله وعليهم 40 الاسئله الرياضيات مستحيل تكون موضوعيه راح تكون مقاليه واذا صارت موحده الدكتور المخصص للماده هو اللي يحطها والدكتوره هي الي تشرف عليها وتحط كم سؤال والعكس طبعا الكيمياء ممكن يكون موضوعي ومقالي والفيز والاحياء كذلك مواد العامه موضوعيه الا ماندر طبعا ذاكري من الدفتر وومكن ترجعين للكتاب اذا حصلتي صعوبه من الدفتر اخر نصيحه ذاكري اول باول عشان تحافظين ع طراوة المعلومات وماتستصعب عليك الماده في ليلة الاختبار.. كل التوفيق لك وللجميع ان شاءالله وعذرا ع الاطاله :106: |
رد: ممكن نصائح بخصوص الدراسه في الكلية والا ختبارات
مشكووووورةةة الله يجزاش خير ياااارب ماقصرتي. الله يعطيش العافيه :004:
|
رد: ممكن نصائح بخصوص الدراسه في الكلية والا ختبارات
العفوو اختي
ولو انا بالخدمه حياك ربي وربي يكتب لك المعدل العالي :106: |
رد: ممكن نصائح بخصوص الدراسه في الكلية والا ختبارات
مشكوره اختي نهر الوفاء ما قصرتي ان شاء الله في ميزان حسناتك يارب والله يوفق الجميع :g2:
|
رد: ممكن نصائح بخصوص الدراسه في الكلية والا ختبارات
هلا عندي اضافة لما تفضلوا بها
وما قصروا استاذ عباس ونهر لاتسمعين لكلام البنات المحبط مثل انتي مو بالمدرسه حتى تذاكرين اول باول او الدكتوروالدكتوره ما يصحح فانتي تصيعين وقتك بالمذاكره اختي اذا انتي اجتهدتي بتحصدين ثمره جهدك وبتنجحين بالتالي مو محتاجه انك تسمعين لاي كلام محبط المذاكره اول باول والاستماع للدكتوره اول باول وتلخيص اللي تقوله ومراجعتها بساعاتها المكتبيه يفيدك كثير حتى لو احتجتي مساعده بدرجه ما تبخل عليك لانك تعاونتي معها ومن اكفا البنات عندها وحتى درجه المشاركه لانها حطتك ببالها من البنات الممتازات فتراعيك مهم الاطلاع على نماذج الاسئلة من السنوات الماضيه وليس الاعتماد عليها لان بعض المرات الدكتور يكرر سوال او 2 على حسب كل دكتور بس ما يكررها كلها واذا ماجا منها شيء تبقى انتوا اخذتوا نظره عن طريقته واذا ما حصل مع الوقت وطريقة الشهري بتسهل عليكم لا تتساهلون اذا نقصتوا بالشهري الاول حاولوا ترفعونه بالشهري الثاني اقل درجه نجاح لاجتياز الماده 60 فاحرصوا على الاتيان بها من المشاركات ودرجه الاختبارات الشهريه والمعمل بحيث تدخلين الاختبار النهائي وانتي تملكين 40 درجه او 50 فيكون الباقي لاكمال اجتياز الماده 10 او 20 بالتالي فرص نجاحك كبيره وان كان العكس فهو خطير فاحذروا منه حتى تكون درجه النهائي والاجتهاد فيه للتقدير لا تقلقي الامور ميسره دام فيه بذره امل وثقة وبتنجحين وبتعدين وبالتوفيق اي سوال بالخدمه |
| All times are GMT +3. الوقت الآن حسب توقيت السعودية: 05:30 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه