وظيفة الاعادة وحيرتي فيها
 

السلام عليكم ورحمة الله وبركاته ياليت تساعدوني وتجاوبوني باللي تقدرون عليه
انا مقدمه على وظيفة معيده في كذا كليه واللحين باقي الترشيحات وعندي عدة أسئله

1- هل الترشيح من الجامعه يعني التعيين والغاء رقمي الوظيفي من الخدمه المدنيه ام ان الترشيح يلزم اكمال بعض الاوراق من الخدمه المدنيه بعد مايبلغوني بالترشيح
يعني هل الخدمه المدنيه تعرف عن ترشيحي عند الترشيح اما لازم انا اكمل اوراقي بنفسي
عشان اعرف اقدر ارفض اولا

2- هل صحيح راتب المعلمه اكثر من راتب المعيده وانهم مايحطوني ع مستوى محاضر الا بعد مااجيب قبول الدكتوراه

3- انا مخوفتني سالفة الابتعاث ومااظمن احد يروح معي

وودي ارفض بس اخاف اخسر وظيفة التدريس بالتعليم العام

ولو قبلت هل اقدر احول بأول سنه من التعليم العالي الى العام وكيف
ياليت ترشدوني والله اني في حيرة من أمري

رد: وظيفة الاعادة وحيرتي فيها
 

عزيزتي بنسبة لسؤالك الأول ماعندي خبر لكن على حد علمي إن الترشيح لايعني حذف اسمك من الخدمة المدنية أبداً ..
سؤالك الثاني ,راتب المعيدة بحدود الثمانية الآف ومع البدلات يزيد إن شاءالله , و درجة المحاضر تحصلين عليها في حال نيلك درجة الماجستير ..

الإبتعاث من الشروط الآن وأصبح توقيع عقد التوظيف مشروط بتوقيع الموافقة على الإبتعاث ..

عزيزتي تريدين نصيحتي ..
إذا كان لديك حماس في إكمال دراستك فوافقي لو حصلت لك الوظيفة لكن إن وجدتها صعبة فابقي على وظيفتك وللأمانة المشوار ليس سهل أبداً ,أنا أدرس ماجستير وأعرف أن الأمر ليس بالهين ,لذلك وظيفة معلمة جميلة جداً خاصة وأنها حكومية .
لا أقصد تحبيطك لكن لكي تكون الصورة واضحة أمامك ..
موفقة عزيزتي

رد: وظيفة الاعادة وحيرتي فيها
 

انا لسى ماتوظفت معلمه
بس ابغى انسحب من الإعاده بعد مايرشحوني هل هذا ممكن

رد: وظيفة الاعادة وحيرتي فيها
 

حسب موقع جامعة فيصل ، راتب المعيدة ما يتعدى 6 الاف ريال كبداية

رد: وظيفة الاعادة وحيرتي فيها
 

اوف 6 الاف بس:139:

رد: وظيفة الاعادة وحيرتي فيها
 

بس يصل ل٢٥ الف بعد الزيادات السنوية و الدكتوراه، و الكانة الاجتماعية اكبر

رد: وظيفة الاعادة وحيرتي فيها
 

المكانه

رد: وظيفة الاعادة وحيرتي فيها
 

:icon9:

رد: وظيفة الاعادة وحيرتي فيها
 

لا يلفى من ترشيح الا بعد فحوص طبيه وتوقيع مباشره في العمل ترشي ح ياتي بعد مقابله وبعد مقابله يقولوا لك ابدائي بإجراتكمن فحوصات وغيرها

ومثل ما قلت لك عند مباشره بتعليم العالي يلغى اسمك من تعليم العام لان مافي تحويل من تعليم العالي الى تعليم العام وقد يسمح لك تحويل من العام الى العالي ولكن كعس مستحيل يلغى بمجرد مباشره في تعليم العالي


ومن ناحية راتب لا راتب معيد افضل واكثر طبعنا في بدل نقل وبدل سكن وبدل ندرة تخصص وهيك مع بدلات 12000 وانتي مغمضه

3/مشكلتك نفس مشكلتي ولذلك رفضتها بس الافضل لو خبروك باقبول ارسلي اعتذر اذا ماتبغين وانتهت سالفه واسمك محفوظ التعليم العام لا يلغى الا إذا باشرتي بتعليم العالي


وبيني وبينك التعليم العالي يحتاج ان يكون معك سند يكمل مشوار معك لان مشواره طويل وتحتاج الى كفاح ماستر ابتعاث خارجي وحت وان كان ابتعاث داخلي يحتاج الى مجازفه إذا عندك احد متفرغ توكلي واذا ماعند اسالي الله العوض اللهم اجرني في مصيبتي واخلفي لي خيرن منها

رد: وظيفة الاعادة وحيرتي فيها
 

نداء إلى كوكب دري
الله يجزاك خير يعني انتي قدمتي وقبلوك بس اعتذرتي
والاعتذار كيف ومن اعطيه وش اكتب فيه
ياليت تساعديني وراح ادعي لك بظهر الغيب

نعم انا بتراجع لان ماعندي احد يكمل معي وماابي اتمرمط وامرمط اهلي:icon9: