|
استفسار اخواني ..
شباب حبيت استفسر عن حاجة مهمة جداً ..
الحين وين الافضل دبلوم محاسبة تجارية بمعهد الادارة Vs دبلوم تقنية هندسة كيميائية بكلية الجبيل الصناعية؟؟؟ و اذا في شيء افضل من الاخر قولو لي شنو الافضل .. يعني مو كل واحد يجي يقوللي الجبيل احسن ويسكت .. يقول ليش؟؟ بانتظاركم... |
رد: استفسار اخواني ..
حبيبي الجبيل افضل
لاسباب منها ... معهد الادارة عبارة عن برنامج تدريبي ياخذه بشكل دورات يبدأ انجليزي بعده مجموعة من المواد وبالاخير يسمى دبلوم مثل كليات المجتمع ولكن ميزته انه شديد ومناهجه عالمية ام كلية الجبيل نظامها اكاديمي يعني نفس نظام الجامعات بالضبط ومناهجهم عالمية ايضاً والمجال الصناعي الفرص فيه اكبر من بكثير من التخصصات الادارية وبعد كلية الجبيل تقدر تكمل بكالرويوس في كلية الجبيل او اي جامعة اخرى عندها نفس التخصص كذلك مدة الدراسة والتطبيق اكثر وهذا يأخذ في الاعتبار عن اي جهة وظيفية وبالنهاية الشي يرجعلك ! |
رد: استفسار اخواني ..
بس انا سألت عنه و اصلا اخوي متخرج منه.. نظامهم صحيح صارم لكن التعليم اكاديمي .. و تخصص المحاسبة دبلوم مثل الجبيل سنتين و نص ما تفرق عن ثلاث سنوات
بس الفرق من ناحية الراتب شنو لو تتكرم؟؟ و اذا في كلام تشوفه مخالف وضح لي يمكن فهمت غلط انا.. بانتظارك يا غالي |
رد: استفسار اخواني ..
اخوي كيف التعليم اكاديمي!! تقدر تشرحلي شنو النظام الاكاديمي ؟!
ثانياً انت طلبت المقارنه بين المحاسبة والهندسة الكيميائية مش بين المحاسبة والمحاسبة !! واخيراً انا حطيت المعلومه الي عندي واذا حاب تقتنع فيها براحتك واذا ما حبيت ايضاً براحتك لان هذا مستقبلك وانت الي تقرره مو انا ولا الاعضاء بالتوفيق ..... |
رد: استفسار اخواني ..
شكراً عالافادة .
موفق بإذن الله ... لك مني أجمل تحية . |
| All times are GMT +3. الوقت الآن حسب توقيت السعودية: 07:55 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه