17% من طالبات الاكاديمية الدولية لم يتجاوزن اختبار الهيئة للتخصصات
 

بسم الله الرحمن الرحيم

السلام عليكم ورحمة الله وبركاته .... اعزائي اعضاء منتدى كلية الغد اتمنى ان تكوونوا في تمام الصحة والعافيه

بعد انقطاع تاااااااام عن المنتدى رجعت وعندي لكم كم استفسار بسيييط لكن مهم

استفساري يكون موجه لمشرف كلية الغد واللي يعرف من الاعضاء لايبخل علينا

اولا : دحين الخطة الدراسيه في السنه التحضيريه في كلية الغد تشمل مواد متنوعه مثل الفيزيا والكيميا ........ الخ
والمواد هادي كلها باللغه الانجليزيه طبعا .. والمعروووف عالميا انو الشعب السعودي يعاني من مشكلة اللغه

فانا البنات عندي في كليتي تتفاوت مستواياتهم في اللغه يعني لازم كورسات تقوييييية من قلب
ليييييش ناخد كووورسين في سمستر واحد؟؟؟؟؟؟
وانا سمعت انو احنا فرع المدينة اول فرع من الفروع يرضى ياخد كورسين في ستمتر واحد
يعني الترم الاول تاخد فيه 1 و2 الترم التاني 3 و4 وخلاص مافي انجلش؟؟ ايعقل!!
وطبعا مافي اييييييي تحسن ؟؟؟؟؟؟؟

ليش مانشيل المواد العامه؟ يعني معليش احنا تخصصات صحيه ليش ندرس ثقافه اسلاميه بشكل بححححححت ؟ وعربي بشكل مفصل والكيما والفيزيا بشكل معممممممق وياريت الدكاتره يعرفوا يشرحوا الا انهم والله زي الهم ع القلب الشرح بالعربي والكتب انجليزي
واصلا مافي شرح مجرد قراااااااااءه :017:

المفروض تكون بس انجلش مو كمان نحط ميدكل ومهارات اتصال والبنات في السطر الواحد يجلسو يقروة فيه 10 دقايق؟؟؟؟؟؟

ليش الكليه كلها ماتسير اصلا انجلش زي البترجي؟ يعني لمن نجي نطلب من الكافتيرا وكده

وغير كده احنا دوامنا في الكليه من 8 لين 2 ونص الظهر بدون اي برييييييييك :Cry111: فقط بريك ابو نص ساعه حق الصلاه وكمان الدكاتره يضاربو عليه ؟؟؟ ليش كل ده
لا يرحمو ولا يخلو رحمة ربنا تنزل ؟؟؟؟؟؟؟؟؟ ترى مابنستوعب
وشوف الجدول كيف انجليزي اول محاضرتين بعدين مهارات اتصال بعدين فيزيا وبعدين كيميا وبعدين احياء.!!!!!!!!!!! يارجل وربي في اليابان ماظن سارات :017:
اتكلمنا معاهم كتير ورفعنا خطابات ولاحد يسمع العميييييد نايم والكيله مادري ايش بتسوي

فياريت تعيدو النظر في الكم نقطه دي



تاني حاجة واهم حاجة قريت خبر انو 17 % من طالبات كلية الغد لم يحصلوا على وظائف ليييييييييييش عشان ماتجازوا اختبار الهيئة للتخصات الطبيه عشان لغتهم ضعيفه
وكمان الدكتورة والعميده لمن شافوا وسمعوا بالخبر ده قلبوا الدنيا فوق تحت ساروا يقولونا انتبهوا
وخدوا فكره
نفسي اضربهم ناخد فكره من ميييين؟ ومن فين ؟ وهما اصلا اصلا حتى الكتب ماعلمونا كيف نستخدمها او كيف نقرا فيها كتب الجامعه طبعا
مافي غير نصور في الملازم والكليه تسحب فلوس من هنا

ايش معناتو مين المسؤول المسؤول كليتنا العزيزة كلية الغد

لحد يجي يقولي البنات ماحسنوا مستواهم ياناس ايعقل 17 في الميه كلللللهم اعتمدوا على كورسات اللغه ؟؟

ماقول غير صبرا جميلا والله المستعان :Cry111::000:

رد: 17% من طالبات كلية الغد لم يتجاوزن اختبار الهيئة للتخصصات
 

اختي غفران اشكرك على هذا الموضوع واتوقع ان مثل هذي المواضيع الايجابيه هي الي انشالله تغير من المستوى التعليمي داخل الكليه لكن للاسف مثل ماقلتي السلبيات كثيره لكن انا راح اشدد على نقطه ذكرتيها وهي المحاضرين اقصد المدرسين للاسف المناهج باللغه الانجليزيه والشرح بالعربي والي ساعدهم اكثر عقلية الطالب الي امامهم اكثرهم يطالبون بالعربي ويبون الاسئله حقت الاختبار ومايبون يداومون بصراحه المدرسيين حتى مايصلحو في مدارس ثانوي ومتوسط لكن انا اقول الله يستر انا عن نفسي ماعتمدتهم عليهم كثير لاني اسال واخذ معلومات من زملائي في الجامعات الحكوميه واخذ من الانترنت بصراحه هو مجهود متعب لكن وش نسوي اذا اعتمدنا على مدرسين على نفس الشكل ماراح نتطور ابدا وبعدين هذي ضريبة التوسع فاتحلي تقريبا 15 كليه دفعه وحده حتى الجامعات الحكوميه ماسوتها انا خوفي انه يسحب عليها الاعتماد الله يستر بعدين اخوي كلية الغد هو في موقع مدافع وليس محايد فلن تجدي المعلومه الي تفيدك وشكرا.

رد: 17% من طالبات كلية الغد لم يتجاوزن اختبار الهيئة للتخصصات
 

هلا خيتو
بس اللي اعرفة انّ ماحد تخرج من الكلية لحد الانْ:000:

رد: 17% من طالبات كلية الغد لم يتجاوزن اختبار الهيئة للتخصصات
 

كيف آمتحنوا اختبار الهيئة واصلاً مافي احد متخرج منها لحد الآن ..الكلية فرش

رد: 17% من طالبات كلية الغد لم يتجاوزن اختبار الهيئة للتخصصات
 

يمكن تقصد الاكاديميه

رد: 17% من طالبات كلية الغد لم يتجاوزن اختبار الهيئة للتخصصات
 

ايوة الاكاديميه

طيب ياخويا فارس صح كلامك وصح تصرفك وانا باعمل مثلك باسال صحباتي في الحكومي واخد من النت بس والله ال مجهووووود
بالنسبه لكليتنا والله البنات بيدااوموا لانو اصلا مشددين عندنا ع الغياب
وغير كده مافي وحده فينا تتجرا تطلب الشرح عربي غير مثلا مصطلح علمي او اسم قانون بالعكس نطالبهم بالانقلش لكن يخصرونا

والله لو سحبوا الاعتماااااااااد حنروووووووح وطي فاول خير الله يستر عليك

رد: 17% من طالبات كلية الغد لم يتجاوزن اختبار الهيئة للتخصصات
 

قصدك الاكاديمية
زثانيا اسئلة الهيئه غير مباشرة

رد: 17% من طالبات كلية الغد لم يتجاوزن اختبار الهيئة للتخصصات
 

الاكاديميه .ولاكلية الغد ..وش وضعكـ أنتي بالزبط الموضوع كله عن كلية الغد وكلية الغد !!!!

رد: 17% من طالبات كلية الغد لم يتجاوزن اختبار الهيئة للتخصصات
 

ياطالب المختبر
حتى لو اسئلة الهيئة غير مباشرة .. ليش طالبات جامعة طيبة واللي معروف انها اسوء جامعة على مستوى المملكه بيجتازو الاختبار؟

وايش يعني اسئله غير مباشره معقووووول تدرس 5 سنين وماتعرف تحل ترى كلو من اللي بتدرسو وده كلام عميدتنا

وايش النسبه الفظيعة دي !!!!!!!!!!

رد: 17% من طالبات كلية الغد لم يتجاوزن اختبار الهيئة للتخصصات
 

اختي غفران مشكلتنا هذي لازم ندور لها حلول مو ننتظر لين يطيح الفاس بالراس وانا راح ابد بحل وابي رايكم فيه نرفع خطاب لادارة الكليه تكون عن طريق اخونا كلية الغد نكتب فيه جميع المشاكل المتفق عليها من اخوانا الطلاب الي تواجهنا في الكليه وانشالله اخونا كلية الغد ماراح يقصر لان صراحه الوضع ماينسكت عليه وانا صراحه ودي اشوف اخوانا وزملائنا في المنتدى ابي تفاعلهم من ناحية المشاكل في كلية الغد لان مايصير انا وانتي يااختي غفران فقط من نتكلم عن المشاكل كذا يكون المشكله فينا ياليت يشاركون الاخرين وفي الاخير اكيد راح نوصل لحلول كثيره وشكرا.