موافقة جهة العمل للموظفين ...
السلام عليكم ورحمة الله وبركاته ... ...اسعد الله اوقاتكم بكل خير ...انا سجلت بالكلية فرع الرياض وبعد ماسجلت ودفعت رسوم التسجيل (5000 ريال) طلبت معادلة موادي في الدبلوم واستخراج الجدول ... قالوا انتظر حتى نشوف وضعك يمكن مانقبلك لانك موظف حكومي ولازم يكون معك موافقة من جهة عملك بالدراسة ... انا عارف ان هذا من الشروط لكن وقت التسجيل قالي العميد مو اجباري تجيب موافقة من عملك ... ياليت تفيدوني عن صحة هذا الكلام ... |
رد: موافقة جهة العمل للموظفين ...
هلا اخوي
نعم كلامهم صحيح ،، لازم موافقة من جهة العمل وهذه من أهم الشروط للقبول في الكلية لأنه في آخر اجتماع لمجلس الكليات شددوا على هذا الشرط وعلى شروط أخرى و هي كالتالي : 1 / ان يكون التقدير لخريجي الدبلوم جيد و ما فوق . 2/ أن لا يتعدى على شهادة الدبلوم 10 سنوات . 3/ موافقة من جهة العمل أن كان يعمل . دمت بود:119: |
رد: موافقة جهة العمل للموظفين ...
طيب ليش يقولي العميد ماعندك مشكلة سجل وماهو شرط موافقة جهة العمل ...
والحين لازم موافقة العمل ... وش اسوي الحين:103: ... عملي ماراح يعطيني موافقة ... |
رد: موافقة جهة العمل للموظفين ...
أخوي الغالي
هذا القرار جاء يوم الأربعاء الماضي في الليل ،، و لازم نطبقه أخوي علشان نكون استوفينا الشروط أتمنى لك التوفيق وأن يسدد خطاك دمت بود |
رد: موافقة جهة العمل للموظفين ...
اخوي الله يعطيك العافيه انا متخرج من الكلية الصحيه دبلوم عالي قبل سنتين ومعدلي 2.72 مقبول يعني فرق عن الجيد اقل من 5 درجات واستطيع احظار موافقه من جهة العمل هل اقبل او لا ؟؟
|
رد: موافقة جهة العمل للموظفين ...
يعني اقدر ادرس ولا لا ... وفلوس رسوم التسجيل لو ماقبلت تروح علي ... 5000 ريال ...
يعني وش اسوي بعمري الحين .... طيب لو قلت لهم اني ماني موظف ماحد يدري ... يمشي الحال ولا كيف ... |
رد: موافقة جهة العمل للموظفين ...
تقدر إذا ما قدرت تجيب الموافقة من جهة العمل ،،، تسترجع فلوسك أخوي لأنه القرار جا بعد ما دفعت
و أتمنى تكلم العميد و تقوله أنك قلت لي بنفسك مو لازم جهة العمل و تطالب بإرجاع المبلغ . اخوي انا انصحك تأخذ موافقة من العمل ليش ؟ لان النظام يقول مايحسبون لك الشهادة الا اذا انت جبت موافقة من جهة العمل بالدراسة وهذا نظام موجود ومطبق . عشان كذا انصحك تاخذ موافقة عشان تدرس وانت ضامن الاستفادة من الشهادة . لان فيه ناس جابوا الشهادة ولم يتم احتسابها لهم بحجة عدم موافقة جهة العمل على الدراسة . و تستفيد من الإجازة الأسبوعين للإختبارات النهائية . دمت بود |
رد: موافقة جهة العمل للموظفين ...
اقتباس:
دمت بود |
رد: موافقة جهة العمل للموظفين ...
اقتباس:
اخوي الله يرضى عليك ... انا عارف النظام زين ... لكن عملي متخلف ورجعي (يبغاني مكانك سر )... وسبق اني تقدمت بطلب إبتعاث من عملي ورفضت اكثر من مرة .. حتى الانتساب مايوافق عليه وهذا قرار جديد والي تم الموافقة له للإنتساب قبل هذا القرار مايسمحله اخذ إجازة لاداء الامتحانات لازم يأخذ من رصيدة .. .. يعني حالتي مزرية لا تسر لا صديق ولا عدو .. وانا انسان ابي اطور من نفسي والحمد الله معدلي في الدبلوم (ممتاز) والاول على دفعتي ... حرام اني مااكمل دراسة واجلس تحت رحمة العمل .. وبإذن الله بعد مأخذ الشهادة (البكالريوس) ماراح اطلبهم بتحسين وضعي راح اغير مكان عملي أتمنى ان الكلية ماتكون حجر عثرة في طريقي وتمنعني من الدراسة علشان موافقة العمل ... |
رد: موافقة جهة العمل للموظفين ...
أخوي عبادي
أتمنى أنك تتواصل مع العميد و تشرح له ظروف عملك و يمكن أنه يساعدك و إن شاء الله نسمع أخبار حلوه عنك اليومين الجاية :119: |
All times are GMT +3. الوقت الآن حسب توقيت السعودية: 12:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه