|
خبر مؤسف: اغلاق كلية الغد نهائياً في حفر الباطن
السلام عليكم ورحمة الله وبركاتة يوم الاربعاء6/7/1432هـ كنا ننتظر حضور الدكتور / محمد أحمد مجلي نائب رئيس مجلس الإدارة والشؤون المالية والإدارية في كليات الغد الدولية بالمملكة كنا ننتظر منه كل خير من منح دراسية وتطوير لمرافق كلية الغد بحفرالباطن وزيادة في عدد الدكاترة كنت إنا المتحدث الرسمي باسمي واسم زملائي الطلاب في الترم الثاني والترم الاول فقد أوكلوني بطلباتهم وكلمه القيها إمام الدكتور ولكن للأسف (سبق السيف العدم ) كان الخبر كالصاعقة حضر الدكتور المجلي واجتمع بنا وقال : للأسف أن الكلية سوف تلغى في حفرالباطن وأنا هنا لكي ألبي رغباتكم لكي نصل إلى حل. لم استوعب رفعت يدي وتحدثت بطلبات زملائي الطلاب ضحك الجميع استغربت لماذا يضحكون سكت فقال لي : يابني للأسف لم تستوعب الكلية خلاص بنقفلهااا قلت : طيب وبعدين وش نسوي قال: عندنا فروعا كثيرة بالشرقية والرياض والقصيم ...الخ انقلو لها ولكم خصم خاص 50% من رسوم الكلية انتهاء الاجتماع إنا لي تساؤلات كثيرة وليه حفرالباطن بالذات وزارة التعليم العالي ماعتمدتها ؟؟؟؟ مافيه جواب حتى من الدكتور المجلي كان يتهرب بعدها ذهبنا للهوليدي ان للغداء طبعا رضاة بوفيه مفتوح وطحنا بالاكل وقوه هسترة نأكل ونضحك على بعض وكنت مجهز ورقة للاستاذ معتز ادريس مدرس اللغة الانجليزيه لأنه جاه إلغاء تجديد حرام كسر خاطري طبعا عطيتها الدكتور المدرس أردني جلس يضحك علينا وخصوص إنا قال : جيتك ياعبد المعين تعين لقيتك ياعبدالمعين تنعان.. وان أفرط ضحك بهسترة لفة انتباه الجميع الزبدة: اللي يفكر انه يدخل السنه الجاية بشهر 10 الكلية انسى خلاص ودعنها اخر ترم للحين ماني مستوعب ليه ولماذا حفرالباطن بالذات.. __________________________________________________ ______________ طبعاً اخواني الخبر منقول من منتدى كلية الغد بحفر الباطن وانا اول ما قريت الخبر ركضت ورحت يم الكلية لقيتهم قاعدين يعزلون سألتهم وش السالفة قالوا خلاص قفلنا ماعاد في كلية غد هنا طبعاً كانت صدمة ماتنسي في تاريخ حياتي ولكن نقول الحمدلله على كل حال انا من هذا المنتدى اطالب طلاب كلية الغد بحفر الباطن التقدم بشكوى الى ديوان المظالم لان اغلب الطلاب ( اذا مو كلهم ) حولوا الى معهد صحي دبلوم مع انهم كملوا اكثر من سنة بالكلية ودفعوا ما يقارب الـ 48 الف ريال خلال هالسنة ارجوا منكم التفاعل والنصيحة ايضاً بافضل تخصص صحي دبلوم والسلام عليكم |
رد: خبر مؤسف: اغلاق كلية الغد نهائياً
اولا السلام عليكم ورحمة الله وبركاته
ثانيا : دقيقة اتقبل الخبر واستوعب :icon9: بيقفلونها عندكم طيب ليش هل عدد الطلاب قليل ولا ماعندكم دكاتره ..؟!!!! واللي درسوا ترم حراام مستقبلهم يضيع :icon9: المفروض يقفلون الدبلوم ويخلون لكم البكالوريوس لانه دايم يقولون مرح نقبل احد في سنة 2013 وبيسكرون جميع المعاهد الدبلومية :(107): اخوي ربي المعين وربي يسهل عليك امورك ان شاء الله تكون خيرة لك وخيرة لجميع طلاب الكلية واتمنى احد يزودنا عن سبب اغلاق الكلية وربي يستر على فرعنا وافضل تخصص للدبلوم وعليه طلبات اذا ماخاب ظني طب طوارئ واتوقع انت كنت بتدرسه في الكلية صح :(107): اخوي لاتفقد ثقتك بالله وخل املك به قوي ونسال الله لك التوفيق وتيسير الامور :106: |
رد: خبر مؤسف: اغلاق كلية الغد نهائياً
خلا بالزميل انا من طلاب الكلية ولو تشوفون طلاب الكلية يوم الاربعاء
ماتصدقون كانت صدمة صراحة ماننساه مقالونا عذر مقنع بس قالو ظغطو علينا التعليم العالي وبس وصدقونااا الي يبي يسجل لايسجل بالكلية نصيحة صدقوني قبل لايعلنون الخبر وهم ماخذين منا فلوس علشان الاختبارات ولازم قبل الاختبارات دافع الفلوس كامله ضيعو السنة ومستقبلنا والي نسمعه ونشوفه انا طلاب الدبلوم لهم سنوات ماتوظفو ويبي يسكرون المعاهد حسبي الله ونعم الوكيل |
رد: خبر مؤسف: اغلاق كلية الغد نهائياً
الله يكون في عونكم اخواني طيب ليش ماتكملون في الرياض او القصيم ماهي قريبه منكم؟؟؟؟؟؟؟:biggrin:
|
رد: خبر مؤسف: اغلاق كلية الغد نهائياً
الله يعينكم ويخلفلكم خير منها...:cool::(204):
|
رد: خبر مؤسف: اغلاق كلية الغد نهائياً
خيره ان شالله :smile:
|
رد: خبر مؤسف: اغلاق كلية الغد نهائياً
هدوء البنفسج
يقولون انهم اغلقوا الكلية لانها لم تستوعب طلبة لان كل طلاب الكلية ما يتجاوزون 35 طالب وانا كنت ناوي ادرس بكالوريوس طب طوارئ ولكن الحين مالنا الا الدبلوم :biggrin: نقول انها خيرة ان شاء الله عبدالله المطيري انا انصحك دامك تدرس بالكلية انك تجمع خوياك وتشتكون بديوان المظالم وتهلنون الخبر بالجريدة صدقوني راح ترجع الامور مثل ما كانت عليه واحسن بعد agg اخوي حنا وشلون نتحمل مصاريف سكن ومصاريف اكل وشرب وملابس .. الخ علما ان حفرالباطن منطقة مقطوعة واقرب ديرة لها 500 كيلو سنونو يعطيك العافية على المرور 7de classe يعطيك العافية على المرور |
رد: خبر مؤسف: اغلاق كلية الغد نهائياً
متاكد من الخبر
|
رد: خبر مؤسف: اغلاق كلية الغد نهائياً
ايه متاكد
واقرا الموضوع مرة ثانية :biggrin: |
رد: خبر مؤسف: اغلاق كلية الغد نهائياً
امممم ممكن سؤال جغرافي
من حفر الباطن للدمام كم ساعة ؟؟!! |
| All times are GMT +3. الوقت الآن حسب توقيت السعودية: 05:04 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه