|
استفسار : انتهى التسجيل .. هل راح يفتح مره ثانيه ؟
السلام عليكم ورحمه الله فتح التسجيل في جامعه الملك فيصل وانا انتضره وكلي فرح اني بكمل الجامعه وادخل تقنيه معلومات قريت تصريح قبل فتره انه بيفتح واتقاجاء انه مافتح وتتسكر الدنيا بوجهي
سؤالي متي بيفتح ها>ي تاني سنه تروح علي طيب وش ادخل اي قسم |
رد: ميته من القهر الله يسعدكم ساعدوني
علم اجتماع او ادارة اعمال
|
رد: ميته من القهر الله يسعدكم ساعدوني
وعليكم السلام ورحمة الله وبركاتة عادي اذا مافيه تقنية حرام تنتظرين وتضيعين الوقت من عمرك ادخلي اي تخصص انتي عارفه انك بتمشين فيه وتعدين فيه يعني حابة التخصص واذا فتح بالسنه القادمه تقدرين تحولين لتخصص تقنية المعلومات يعني لا تنتظرين اكثر وفيه من التخصصات غيره ادارة اعمال او علم اجتماع او انجليزي وانتي براحتك فالك التوفيق والقبول |
رد: ميته من القهر الله يسعدكم ساعدوني
ابي تخصص ينفعني بعدين ادا حولت يعني هو تقنيه المعلومات بيفتح السنه الجايه ولا كيف
|
رد: ميته من القهر الله يسعدكم ساعدوني
الله اكبر تموتين قهر عشان م في تقنية معلومات ؟
وتسكرت الدنيا بعد ي دافع البلا خشي اي قسم وعقب حولي ل فتح صعبه يعني |
رد: ميته من القهر الله يسعدكم ساعدوني
تقنية المعلومات او اي تخصص ثاني مااعتقد فيه اي خلاف اللي كاتبه رب العالمين راح يجيك يعني المستقبل في علم الغيب ولا يعلمه غير الله كثير من لديهم من الشهادات والتخصصات المطلوبه ولا زالوا عاطلين عن العمل وناس شهاداتهم غير مطلوبه ومتوظفين ومسئولين بعملهم واللي اقصده يعني مو شرط التخصص بالوظيفه ومثل ماذكرت لك حرام تضيعين العمر باانتظار تخصص تقنية المعلومات ويمكن يفتح ويمكن لا اتكلي على الله سبحانه وتعالى بكل شي فالك التوفيق |
رد: ميته من القهر الله يسعدكم ساعدوني
انا مقهوره لاني ابي تربيه خاصه وبسنه الي ابي اسجل فيها قفلوها وماسجلت ولما سمعت عن تقنيه المعلومات انبسطت والاقيها مو مفتوحه :Cry111:الله يسعدكم طيب الانجليزي صعب ولا راح افهم من المحاضرات وش الافضل انجليزي ولا اداره اعمال
|
رد: ميته من القهر الله يسعدكم ساعدوني
انجليزي لازم تكون عندك خلفيه بالغه عشان تعدي اداره اهم شي الحساب فيها وقبل لاتختاري
استخيييييري والله يوفقك:106: |
رد: ميته من القهر الله يسعدكم ساعدوني
حياتي ميار تعالي معاي وخلينا نبكي جميع انا وانتي احسك وانتي تقولين معاناتك كاني انا الي اقولهاااا:bawling:
نفس معاناتي بالضبط اول شي تمنيت تربيه خاصه والسنه الي قررت اني بسجل فيه سكرووه :icon9: وقلت خليني انتظر للسنه الجايه يمكن يفتحونه بس للاسف قالو خلاص اكتفو اصلا من الطلاب وماراح يفتحونه :Looking_anim: وبعدها قلت خلاص بتوكل على الله وبسجل ادراة اعمال قسم حلو ومستقبله بعد حلو بإذن الله وووو لمن قرب التسجيل اعلنو انهم راح يحطون قسم جديد الي هو تقنية المعلوماات وانا طررررررت من الفرحه :53: قلت زين اني صبرت للسنه هذي من حظي الحلو وقعدت انتظر يوم التسجيل بفارغ الصبر تعبت نفسيتي من كثر ما افكر متى يبدا التسجيل وكل هذا علشان هالقسم هالاقشررر واتفاجأ يوم التسجيل انو موموجود هالقسم لو انك شايفه وجهي ذيك اللحظه اشوي وبصيح انقهرررررت وربي :bawling: وماسجلت ظليت افكر وافكر واسال مثلك واستشير والي يقولي بيفتحونه الترم الجاي والي يقول السنه الجايه والي يقولي انها يمكن دعايه و موصج :icon9: رحت شاورت اعز الناس على قلبي وانصحوني اني اسجل في قسم الاداره لاني كنت ناويه اسجل فيه قبل لايطلع هالخبر الي كلو تحطيم ولا اضيع علي سنه ثانيه واجتهد واجيب معدل حلو واذا صج صدقو السنه الجايه وحطوه احول عليه :10111: وبس وانتهت قصتي الماساويه مع هالقسم عاد الحين انتي فكري زييين وعلميني بقرارك والله يوفقنا جميعا الى الامام:53: |
رد: ميته من القهر الله يسعدكم ساعدوني
مكبرين السالفه وهي عادي يعني الانسان خلاص يظل ينتظر شي في علم الغيب اتكلوا على الله سبحانه وتعالى بكل امر ترى الوقت يمر وماباقي على باب القبول شي والايام تمر ويتقفل شوفوا وش اللي تقدرون تمشون فيه وتفهمونه ماهو تاخذون شي على شان احد قال ادخلوا هالتخصص يسعدكم ربي ويرضى عليكم فالكم التوفيق |
| All times are GMT +3. الوقت الآن حسب توقيت السعودية: 11:16 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه