ملتقى طلاب وطالبات جامعة الملك فيصل,جامعة الدمام - من عنده جميع التعريفات اللي في نظم المعلومات بملف واحد

السلام عليكم ورحمة الله وبركاته

اخواني خواتي مثل مو مواضح بالعنوان

محتاجة التعريفات اللي في نظم المعلومات بملف او موضوع واحد ان وجد الله يعطيكم العافية

حاسة ان مخي متشتت ماني قادرة اركز من بعد اختبار الظاهر الظلما خسف فينا بالرياضيات امس مع طلاسم اختباره
رح ياشيخ عساك تتبع عيالي اللي راحوا مثل ماقهرتنا امس وسقطتنا حملت الرياضيات بسبته
ومارح اخذها لين يخلص عقد عمله ويجي بداله دكتور ثاني والمصيبة الثانية المحاسبة اللي تنتظرني بعد بكرة
ياربي بيننا وبينهم ثار هالجامعة ودكاترتها والا هذي توصيات ميتشل كبيرهم الذي علمهم السحر
يارب من وين الاقيها هالشهر ضغووووووط عايشة عالاسبرين احس راسي بينفجر مع هالاختبارات
اللي مادري وش تبي من الدنيا يادكاترة ياعالم يسروا ولاتعسروا
خافوا دعوة تصعد للسماء في ساعة استجابة تجيب خبرك وانت مسافر بتشوف اهلك من مظلوم ذاكر وتعب ولا جاب فايدة
يعني وش راح تخسر لو حطيت 10 اسئلة سهلة ومعقولة وتشجع الطالب يكمل حل من اصل 70 سؤال تعجيزي والله مارح تخسر شي لكنها قسوة القلوب
بعض الاساتذة مدري وش وضعهم النفسي يوم يحطون لنا الاسئلة تحس انه حاقد ولافيه ذرة رحمة تلاقيه يقعد يألف ويستجمع قواه الخارقة لشهور
حتى يخرج لنا بالدرة يتيمة الدهر معلقته ويتحدى اذا نجح احد او جاب علامة زينة
ياعالم حنا مو صغار مو طلاب مدرسة مخنا فاضي يعني مو متفرغين حنا مسؤولين ورانا بيوت وعوايل ووظايف ومسؤوليات تشيب الراس
وفوق هذا حنا ناس بسطاء نكدح وندرس وندفع ونتعب ونعاني حتى نعدل وضعنا التعليمي حرام اللي قاعدين يسوونه فينا ياخي خافوا الله فوقكم
مانبي اختبار سهل لكن نبي وسط معقول متنوع بين الصعوبة والسهولة هم دكاترة متفرغين لمادة وحدة لكن حنا ورانا عشرات المواد يالله تعين
اوف احس اني طلعت عن الموضوع وقمت افضفض يارب تسهلها يارب نخلص سمستر النحس على خير