|
إلى عمآدة الدراسات العليا ... مع التحيه !!
صبــآحكم .. راحة بال وهدوء .. ليس كـ صبــآحي " معتر "
. . أكتب لكم وهذي لحظه وصولي من جامعة الملك فيصل بالدمام .. بعد انتظار 4 شهور لفتح باب التسجيل للدراسات العليا بالجامعه .. بديت أجهز الاوراق واجمع كل المعلومات المطلوبه مني .. وتأكد منها .. و أمر عليها كل يوم .. انتظر متى يجي يوم التسجيل ! قبل اسبوع تقريبا نزل اعلان بالموقع الرسمي لجامعة الملك فيصل ببداية فتح القبول والتسجيل للدراسات العليا .. مرفق بجدول لأهم التخصصات المتاحه لهالسنه .. كان الخبر ولا أروع خصوصا لما لقيت التخصص اللي أبيه متاح هالسنه .. امس ليلة التسجيل .. ما قدرت انام الى الساعه 4 ونص الفجر .. توتر + فرحه + خوف من اللي بيواجهني لأن طموحي اني اكمل الماستر بجد .. صحيت الساعه 6 أجهز أموري لأن الساعه 7 كان موعد انطلاقنا أنا .. ووالـــدي " الله يطول عمرهـ " لأننا من سكان الجبيل.. صحيت أبوي وأنا قلبي يتقطع على شيبته وهو كله حماس اننا ما نتأخر .. " الله يخليك لي " رحت للجامعه وكان التقديم في كلية الطب للأولاد .. راح أبوي يقدم .. وانا نزلت بكليه طب البنات أنتظرهـ .. ولحظات إنتظا آ آ آ آ آ آ آ ر !!!! رجع والدي بعد أقل من نص سـآعه .. !!! طلعت وكل فضول الدنيا فيني اني اعرف وش صاار معاه لقيته معصب ومتكدر .. قلت وش فيه .. قال يقولون : " معليه الاعلان نزل بالغلط في موقع الجامعه .. وهالغلط من جامعة الحساء مو من عندنا واصلا ما راح يدرس الا الموظفات .. وتخصص الكيمياء الحيويه مقفل له سنتين " !!!!!!!!!!!!!!!!! قلت يمكن مزحه من مزحات والدي المعتادهـ .. بس الجو متوتر ما يدل انه مزح .. طيب أنا مدرسه .. بس فيه غيري 100 بنت غير موظفه مالها حق انها تكمل دراستها لانها مو موظفه .. مين المسؤول لما ينزل اعلان رسمي في موقع جامعه كبيره ومعروفه .. وللدراسات العليا .. وآخر شي وبكل برود وعدم احساس بالمسؤوليه .. " الاعلان نزل بالغلط " ولما ينزل تخصص من التخصصات المطروحه واخرتها .. التخصص مقفل له سنتين !! يا سعــآدة الدكتور عميد الدراسات العليا .. يا سعـآدة الدكتور وكيل عماده الداسات العليا .. الاعلان له اسبوع في الموقع والى هاللحظه موجود . !!!!! ونروح ونسجل واخرتها الاعلان بالغلط .. !! وين المسؤوليه .. وين المصداقيه المفروض علينا الحين ما نصدق اي خبر ينكتب في الموقع مثلا !؟؟؟ وإلا .. عدد المقاعد محدود .. والأقربون أولى بالمعروف .! يمكن ... ليش لأ :m22asmilies-com: حسبي الله ونعم الوكيل .. وكفى |
رد: إلى عمآدة الدراسات العليا ... مع التحيه !!
قمة الاستهتار بطموحات الطلبه
.. ليش احنا شعوب متخلفه .. لانه مافيه تقدير للعلم ولا للطلبه .. الله يكون فعونك يا اختي يامضاوي ويفتح لك ابواب رزقه ويسهل عليك كل عقبه يارب |
رد: إلى عمآدة الدراسات العليا ... مع التحيه !!
:Cry111:
:Cry111: قسم بالله ان سالفتك تحززن وربي تبكي خاصه هالشايب اللي طاقها مشوار يالله يارب تحفظه لكم وتجزاه الجنه ... >> اما هذي قمة السخااافه والله وشو الاعلان نزل بالخطــأ ..؟؟؟ ليييش لييييش تعبونا ليييش ؟؟؟ ياااانااااااس ياااااعاااالم افتحوا لنا مجالاااات زي العالم والناس ليش تحرمونا من تخصصاتنا اللي نبيها ليش ؟؟ مو ذنبنا ندرس ونتخرج عشان مانلقى المجال اللي نبيه ونسجل فيه ....... :Cry111: حسبي الله ونعم الوكييل ... الله يعينك يامضاوي فعلا" شيء يبكي ... :011: |
رد: إلى عمآدة الدراسات العليا ... مع التحيه !!
والله اني لأحس بوجعك تقطر من كلماتك والله ؟؟؟؟ من الجبيل مشوار وناس ما ترد على الارقام اللي حاطينها بالاعلان وآخرتها ((((((((((((((بالغلط))))))))))))))) يعني هم يغلطون ما عليه مجرد كلمة وسقط سهوا وبكل بساطة لكن لمن الواحد يطالب بحقه قامت القيامة وما قعدت!!!!!!!! لا وانا طلع ان الماجستير اللي طارحته كلية الطب ( التشريح والاخر وظائف الاعضاء) لخرجي كلية الطب فقط !!!!!!!!!!!! وانا من خريجي كلية العلوم الطبية تخصص علاج طبيعي ودارسين هالمادتين في خلال سنوات دراستنا...واحدى دكتوراتنا مآخذة الدكتوراة حقتها في التشريح !!!!!!!!! من برة طبعا !!!! والله شي يقهر من جد ...لا جامعات تخرج بكالوريوس زي الناس ولا ماجستير يقبل مثل الناس لأ وبعد المشوار يقول................والله من القهر ما عاد في تعليق الله يعينك يا مضاوي على هالحالة ويصبر قلبك ويخلي لك الوالد الله يحفظه وكل اباءنا حسبنا الله ونعم الوكيل تحياتي اختك |
رد: إلى عمآدة الدراسات العليا ... مع التحيه !!
لاحول ولاقوة الا بالله
قسم بالله قمة الاستهتار واللعب بنفوسنا الله يرزقنا من حيث لانحتسب ولاتجعلنا ياربتحت مذلة احد |
رد: إلى عمآدة الدراسات العليا ... مع التحيه !!
ياعمري عليك
و أنا اليوم لما كلمتهم قالوا التقديم بالموقع مو الجامعة بس الموقع مافيه شيء :017: وخايفة أضرب مشوار ع الفاضي لأني مثلك من الجبيل :011: والله محتااااااااره:000::000::000: |
رد: إلى عمآدة الدراسات العليا ... مع التحيه !!
دائما عندما توكل المسؤولية إلى غير أهلها نجد مثل هذه التناقضات وكأننا صفر على الشمال ليس لنا اي قيمة .. يفترض على الجامعات السعودية أن تهيأ الجو المناسب لراغبي مواصلة دراساتهم العليا ولكن المشاهد هو وضع تلك العراقيل والشروط الغير منطقية في بعض التخصصات ... طالب الدراسات العليا يختلف عن غيره في أمر مهم وهو الرغبة في تعلم الجديد وخدمة وطنه من خلال هذه العلم إضافة الى الهدف الشخصي الذي هو حق مشروع لكل فرد في هذا الوطن .. طالما أصبحت تلك الانطمة حجر عثرة في طريق اولئك الذين كم وكم تمنوا تحسين مستواهم التعليمي والوظيفي وأصابع الاتهام تشير الى من وضعها أو بالاصح من جعلها لانتطبق الا على من يريد كلا وجامعته .. مضاوي بإذن الله موفقة في دراستك ودعواتنا لك في القبول والتوفيق وأعانك الله .. |
رد: إلى عمآدة الدراسات العليا ... مع التحيه !!
اقتباس:
ههههههه يستهبلون ذولي لالا يستهبلون ذولي شوفي هي وحده من ثنتين يإنهم يستهبلون او انهم يستهبلون ,, وش هالمسخره مافيه خدمات في الموقع اصلا للتقديم والا المسألة مسألة تطفيش وبسسسسس حسسسسسسسسسبي الله ونعم الوكيل |
رد: إلى عمآدة الدراسات العليا ... مع التحيه !!
ياناس ..
الله لا يخليكيم تذوقون اللي ذقته .. والله الى الحين وانا ميته قهر وربي ان القهر مر ويذبح .. أنا جيت من الجبيل .. فيه شايب شفته اليوم ثاني جايب بنته وجاي من الخفجي يبي التقديم .. من الخفجي للدمام .. 3 ساعات 6 ساعات كامله يقضيها في الطريق .. اخرتها بالغلط .. لا يقوله ابوي انتوا جبتوا الناس من كل مكان شلون تغلطون غلط مثل هذا.. وش يقووووول .. " الله يعيييييينكم " الله يعييناااا عليكم مو على المشاوير .. أصــلاً .. حتى لو انفتح التسجيل .. تدرون كم راح ينقبلون !!! ما يقبلون اكثر من 10 .. واذا صلوا 10 نعمه .. في أي منطق .. وفي أي جامعه صارت .. ان الدراسات العليا وتخصص كامل .. ما يدرس فيه الا 6 طالبات .. !!!!!!!!!!!! هذا كان قبول احدى الجامعات هالسنه لماجستير الكيمياء 6 طالبات .. والله كلام ما يقبله لا عقل ولا منطق .. . . للجميع .. شكرا لمشاركتي وجعـــي :love080: |
رد: إلى عمآدة الدراسات العليا ... مع التحيه !!
من جد حطمتونى انا كلمت كنت اقول لهم اذا تخصصنا مطلوب ولا لا طبعا انا تخصصى احياء دققة \نبات قالت
انتو لكم تخصص علم وظائف الاعاء وقالت روحى الدمام طبعا انا كلمات قسم الدراسات العليا مو الجامعة ابى اعرف بعد كم العمر المطلوب عدم تجاوزه |
| All times are GMT +3. الوقت الآن حسب توقيت السعودية: 10:13 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه