|
ماهو اسهل قسم بجامعة فيصل يناسب الموظفين حالاتي
السلام عليكم افكر اغير التخصص لانه غير مناسب مع ظغط عملي ومسولياتي الاسريه وش تنصحوني به:53:
|
رد: ماهو اسهل قسم بجامعة فيصل يناسب الموظفين حالاتي
:106:الله يعينك وأظن المرحله الجامعيه يبيلها أهتمام وسواء قسم أداره أو أي قسم بالتربيه وعسى الله يعينك ويسهل أمورك:106:
|
رد: ماهو اسهل قسم بجامعة فيصل يناسب الموظفين حالاتي
كل التخصصات هذي نظامها من ناحية المحاضرات والمناقشات واوقاتها اذا تقصدين من ناحية الظغط
بس شوفي وش التخصص اللي يناسب ظروفك ولا تتسرعين واللله يكتب لك اللي فيه الخير ان شاء الله |
رد: ماهو اسهل قسم بجامعة فيصل يناسب الموظفين حالاتي
نصيحه مني لا تغيرين تخصصك لان هذا التخصص مره مستقبله كبير وبالنسبه للضغط صدقيني كل الاقسام فيها ضغوط ومسؤليات طيب انتي موظفه وعندك اولاد حاولي تنظمين وقتك يعني خصصي يوم او يومين في الاسبوع هو الي تذاكرين فيه المحاضرات وبافي الايام خليكي متفضيه لشغلك وعيالك وبكذا تكونين مو ضاغطه نفسك وبنفس الوقت مو ضايعه في قسمك ومضغوطه فيه بس نصيحه لاتغيرينه بعدين هي كلها فتره وتخلصين يعني مراح تجلسين طول العمر وانتي تدرسين حاولي ترتبين وقتك ونصيحه اخت لاختها لا تغيرين قسمك لان اصلا كل باقي الاقسام فيها ضغط يعني كله بالهواء سواء |
رد: ماهو اسهل قسم بجامعة فيصل يناسب الموظفين حالاتي
هلا ب الشعلاء صباح الخير بالنسبة للتخصصات الثانيه اسمع انها اسهل من ادارة الاعمال بكثير لكن للاسف ماعندي فكرة كبيرة عن تخصصهم او المواد الي يدرسونها وانتي شوفي الي يناسبك ويناسب طموحك واهدافك واي تخصص ثاني بالانتساب غير ادارة الاعمال راح يكون اسهل اكيد تحياتي وبالتوفيق لك |
رد: ماهو اسهل قسم بجامعة فيصل يناسب الموظفين حالاتي
مافيه تغير القسم انا حاولت ابي علم اجتماع بس الايقونه مب شغاله
لو يصير بليز علميني |
رد: ماهو اسهل قسم بجامعة فيصل يناسب الموظفين حالاتي
الادارة يبيله ناس متفرغه والا بالعكس عاجبني التخصص
بس مو اهمال او تكاسل بالعكس حريصه على الدراسه <<<<قايمه من الصبح تكمل محاضرة المحاسبه لكن القسم يبيله شخص متفرغ مو بس اسمع للمحاضره حاولت ارجع لمراجع بالنت حلو الابحار والتطلع للنقاط اللي استصعب علي فهمها هدفي من هالتخصص: 1- تحسين المستوى الوظيفي 2- هالتخصص علم ودي اتعلمه للمستقبل حيث انه يفيد الشخص لوفكر يسوي له بزنس خاص فحلو يكون ملم بهالمجال مبادئ الاقتصاد مشي الحال بعد ماطلعت عليه اعتمدت على المحتوى وبرجع لملخص ابوموزه جزاه الله خير شرح الدكتور كانه يقرا لنا الملخص ما يفهم زي دكتور المحاسبه ماشاء الله عليه خلاني انبهر بعلم المحاسبه لو هالتخصص لوحده كان روعه اليوم اختم محاضره رقم 3 من المحاسبه لسا باقي القانون الادارة والرياضيات عاد احب الرياضيات بخليه اخر شي لانه اسهل شي والله يسهل بس حاليا تركيزي فقط على نيل الشهادة من اجل التحسين الوظيفي ما يهم المعدل عشان كذا ادور اسهل تخصص والا ادارة الاعمال ما ينفوت بس يبيله ناس متفرغه لانه فهم وتركيز وصعب علي هالشي وانا تحت ظغوط عمل تتطلب مني التركيز يعني جهد فوق طاقتي جهد عمل وجهد دراسه يله رشحولي اسهل تخصص |
رد: ماهو اسهل قسم بجامعة فيصل يناسب الموظفين حالاتي
حايره انا موظفه محتاج من هالشهادة وظيفه افضل من وظفتي لاني احبها جدا وحسب ميولي لكن عشان المرتبه الوظيفيه وهالزحمه لازم اخذ بكالوريوس انا شخصيه قياديه محب انقاد عشان كذا ابي ادرس حتى احقق رغبتي اني اكون رئيسة قسمي لا متبوعه لمن هي اعلى مني:biggrin:
هلا والله بولد ديرتي ياحيي اسالي حرام تروح فلوسي هباء منثورا مريومه كان ثاني ترشيح لو ما ناسبني الادارة علم اجتماع بس للان مادري وش موادهم بروح اسالهم كان جت على هواي بحول له الانجليزي اخر خيار لي:53: |
رد: ماهو اسهل قسم بجامعة فيصل يناسب الموظفين حالاتي
انا اعتذر عن الترشيح:119: لان ماعندي فكرة عن مواد التخصصات الثانيه لكن الاخوان او الاخوات الي حولوا من تخصصات ثانيه اكيد بيفيدونك ان شالله :106: |
رد: ماهو اسهل قسم بجامعة فيصل يناسب الموظفين حالاتي
ابشري بسئل لك وبعد لو بغيتي واسطه لتغيير التخصص ابشري بعزك
دام انك قلتي :ياحيي فلا يهمك شي :(204): ......... |
| All times are GMT +3. الوقت الآن حسب توقيت السعودية: 07:23 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه