|
للاسف هذا مايحدث هنا
السلام عليكم
مساء الخير صراحه ترددت كثير لجل اكتب هالموضوع بس انا ماخترت مجاملة احد على حساب احد ثاني كلمة الحق لازم اقولها لو نحذف موضوعي انا طالبه توني ببدايت الطريق نفسي اساعد ناس هنا بس ماعرف شي واللي اشوفهم هنا ويعرفون اشوف ردودهم تحطيم للاعضاء اللي يستفسرون مدري ناس خلاص بطلو مايبون اجر من الله مدري شي في نفوسهم مدري ليش يعني صراحه وقفت عند كذا موضوع ويعلم الله كنت نفسي اني دارسه واقول اقولكم امثله رد الاخت ذكريات على اخت تستفسر عن التوضيف للتخصص التمريض للبنات انواع التحطيم قالت شو اعرف ناس كثير ماتوضفو حبيبتي للبنات مطلوب التمريض واكثر وحده اللي تقديرها مقبول جلست 9 شهور بس وبعدين يوم مو مضمون ليش دخلتي التمريض ومسجله بالاكاديميه ولا الدعوى تكسير مجاديف الاعضاء هالمساكين اللي يبون بصيص امل والثاني مبسوط انهم بيلغون الادبي تقول ماشاف خير الا بلغى الادبي من التخصصات الصحيه مايدري ان معنا بالمعهد علمي مايعرفون يكتبون اسميهم بالانجلش وكلهم مدارس خاصه انا ماكتبت هالموضوع لجل احد يعني يجي احد يسال عن الدراسه مايلقى الا التحطيم مستغربه دامهم يسبون الاكاديميه ولا التخصصات ليش ماجلسو ببيوتهم مثال ثاني العضوهـ اللي صار لها اكثر من اسبوع تبي رايكم بالاكاديميه هي بالاصل تاركه الجامعه الكل حطمها بارائهم اصلا هي واضح مسجله بعدو كلامك بس تبي تشجيع وناس ترد وتقول لا لا تسجلين |
رد: للاسف هذا مايحدث هنا
أختي الكريمة هذا الشئ موجود في كل مكان المحبطون للآمال في كل مكان ولكن ينبغي ألا نلتفت لمثل هذه الأراء والا لما تحركنا خطوة للأمام أما بالنسبة للقسم الأدبي فانا واحد منهم ومعنا طلاب علمي والحمد لله اني كنت الأول في الاختبارات التجريبية وطلاب العلمي بعضهم لا يعرف حتى يكتب اسمه بالانجليزي لا أقول هذا كبرا أو غرورا معاذ الله ولكن لتصحيح الرؤية فالادبي والعلمي ليست معيارا لقياس الفهم والذكاء واذكر اننا درسنا ان الذكاء صفة وراثية يحدده تفاعل المواد الوراثية مع عوامل البيئة فينبغي الا نلتفت لمثل هؤلاء المحبطين ولكل مجتهد نصيب وعالعموم اللي درسناه في التاهيلي كله يدرس في المتوسط والثانوي وفق الله الجميع تقبلي مروري وفي حفظ الرحمن |
رد: للاسف هذا مايحدث هنا
:Cry111:
مشكوووووووووووور |
رد: للاسف هذا مايحدث هنا
مشكور للموضوع والله محتاجين دفعة حماس للدراسه
الله يوفقنا يارب |
رد: للاسف هذا مايحدث هنا
ياااااااااااااااااااااااااااااااااااااااامزن
يسلم بؤك كأنك حاسه بالحره اللي فيني ماصار منتدى دراسي الا منتدى تحطيمي مشكوره على جرأتك قلتي كل اللي كان في نفسي ماقصرتي بس صدقيني ماااااااااااااااااااااااااااايهزك ريح يامركب مستقبلي ماااااااااااايهزك ريح بالتوفيق حياااااااااتو |
رد: للاسف هذا مايحدث هنا
مزن لعوب ولكل الخوات و الاخوان المقبلين على الدراسة في الاكاديمية
أنا طالب في الاكاديمية وتو مخلص من البرنامج التأهيلي أنا لا أمدح ولا أذم في الاكاديمية لأن هذا الشيء متوقف على الشخص نفسه اذا إنت انسان جاد وحاب تدرس و تتعلم وعندك مستوى بأن ترتقي بعلمك وبطموحك وتمسك الخيط من أطرافه وتبدأ تصعد السلم درجه درجه فابدأ بالاكاديمية واذا أحد سمع ناس تذم في الاكاديمية وناس تمدح فهذا مجرد رأي فقط لا يقدم ولا يأخر اذا انت جاد وتبغى تتعلم افتح الكتب واجلس تعلم وطور نفسك واذا حاب تتوسع في معلوماتك في دراسك عندك الانترنت ماشاء الله تبارك الله موفر لك كل حاجة و الاكاديمية ماقصرت جالسه توزع لابتوب على كل طالب اذا من الكلام هذا كله نفهم ان العيب مو في الاكاديمية ولا في هجــر ولا في السباع ولا في غيره العيب فينا نحن الي مانتابع معلوماتنا ولا محاضراتنا ولا مذاكرتنا وان سقطنا قلنا العيب في الاكاديمية واذا على الوظايف فالارزاق بيد رب العالمين أكو في جامعيين ماشاء الله مخلصين خمس سنوات و 6 سنوات بدون شغل ولا مشغله و الوظيفة مو في يوم وليله انتظر شهر شهرين 6 شهور نة سنتين انت خريج شهادة صحية ماتناعب ترفع الراس :066: |
رد: للاسف هذا مايحدث هنا
مًوٍضًٍوٍعًٍ رٌٍآآآئعًٍ يَخٌِليَ آلوٍآحٍّدًٍ يَتُِِّْفْآئل تُِِّْسٌِِّلمً يَمًنْآك مزن لعوب آللهٍَ يَوٍفْقٌٍ الجَمًٍِيعُ وٍيَسٌِِّهٍَل دًٍرٌٍبٌَِكَمً آنْ شًِْآء آللهٍَ " جــjody ـودي " |
رد: للاسف هذا مايحدث هنا
الله يوفق الجميع يآررب ..
:s11: |
رد: للاسف هذا مايحدث هنا
يعطيك العافيه اختي على الموضوع الرائع
وأنا عندي تعليق بسيط ارجو انكم تستفيدون منه اول شي الواحد المفروض يسوي اللي يقدر عليه ولا يلتفت توضيف وتعيين خاصه الطلاب الجدد ركز كل التركيز على دراستك وحاول قدر المستطاع تدرس للفهم والعلم بغض النظر عن الشهاده علشان تستفيد وجيب معدل واترك الباقي على الله ونصيحه لوجه الله اترك كلام المحبطين اللي يحبطون فيك والمطبلين اللي يقولون لك جيب اي معدل وتتوضف واهم شي يكون عندك اصرار وعزيمة حتى لو تتاخر والمثل يقول ( قد اسير بطيئا المهم الا ارجع للوراء) واقرب مثال انا محدثكم درست 6 سنوات جامعه لكن ما توفقت مع ذلك ما قعدت بالبيت الحين توني مسجل تاهيلي واختبرت مع العلم ان شهادتي الثانوية علمي لكن مضى عليها اكثر من 5 سنوات وبالاخير الله يوفقكم ويوفقنا |
رد: للاسف هذا مايحدث هنا
اقتباس:
انا ابناقشك نقطه نقطه انت في بداية كلامك تقول اتحدى اذا ما كان صاحب الموضوع او بعض الردود من اهل الاكاديميه لانهم شجعوا اخوانهم واخواتهم الطلاب عليها فاذا اخذنا بمنطلق كلامك فانت ايضا قد يعتبرك البعض من اهل معهد السباعي!!!! لكن نحن نحسن الظن فيك .... النقطه الثانية تقول ان الشهاده غير معترف فيها ... ولست انا او انت من يقيم المعاهد ويعطيها الاعتراف من عدمه فلو كلفت نفسك خمس دقايق وشاهدت موقع الهيئة السعودية للتخصصات الطبيه سترى ان المعهد معترف به وبالنسبه للاحلام الورديه فنعم انها ورديه ولا مانع ان تكون مائلة الى اللون الارجواني لبعض الوقت وتعود ورديه بهيه:m22asmilies-com::m22asmilies-com::m22asmilies-com: نصيحه اخيره انت لا تعلم ما تخفي لك الايام فتوكل على الله فهو حسبك ( قريب لي التحق في احد الجامعات قسم تاريخ وواجه ما نواجهه الان من تحطيم لكنه اصر على تكميل مشواره وها هو الان معلم:119::119:) اكرر شكري لصاحب الموضوع |
| All times are GMT +3. الوقت الآن حسب توقيت السعودية: 09:10 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه