ملتقى طلاب وطالبات جامعة الملك فيصل,جامعة الدمام - مهم بخصوص قضايا اهم ماقيل بالمباشره من الاخ رابيت

هذا الكلام منقول من الاخ رابيت الي اخذ من وقته ويشكر ع ذلك لمساعدتنا وجزاه الله خير الجزاء

حبيت تكون بموضوع مستقل ليراها الجميع

دخلت يوزر احد من الشباب عنده هذه المادة وبصراحه انصدمت من التسهيلات اللي عملها لكم ( لو كان صادق فيها ) يمكن فعلا يكون حاب يساعدكم عكسنا لكن الغريب مافيه واحد من العيال كتب الكلام اللي قاله الدكتور لكم وساعدكم
المحاضرة المباشرة الثالثة للعيال هذا ماجاء فيها .
الطالب / يادكتور الملزمة فيها كلام كثير ومو نفس المحتوى
الدكتور / المطلوب هو المحتوى ( الملزمه ) للي يبي يطلع اكثر لكن الاختبار من المحتوى اللي موجود في المحاضرة المسجلة ( وخاصة اللي مأشر عليها بالأحمر والاخضر )
<< يسامحوني الشباب لكن معلومة مثل هذه والله لو احد يعرفها وما كتبها للطالبات يعتبر اناني لانه ماعمل كذا معنا الدكتور قبل كذا وحتى لو كان يتوقع الدكتور يكذب المحاضرة المسجلة تدين الدكتور وتقدرون تشتكونه والدليل موجود معكم ؟ انا ماشفت هذه المعلومة هنا
الطالب / يادكتور ماهو الطريق للحصول على +a
الدكتور / من السهل الحصول على +a من خلال المضمون والافكار الوارده في المحتوى والمقرر اذا فهمت المقرر تستطيع الاجابة ولكن لا تضطرب من الاجابات وركز على الاجابات المقترحه .
الطالب / هل المحتوى يكفي
الدكتور / نعم المحتوى يكفي
الطالب / التواريخ مهمة يادكتور واسماء العلماء ؟
الدكتور / التواريخ ليست مطلوبة طبعاً واسماء العلماء ليست مهمة المهم هو الافكار ياشباب
والمحاضرة فيها تأشير على النقاط المهمه راح تساعدك ( التلوين احمر واخضر )
وبكل صراحه اقولها بعض الطلاب اغبياء الدكتور جالس يعطيهم اسئلة الاختبار وهم ينقلونه على اشياء تافهه
<<< يادكتور المحاضرة احب اسمعها mp3 انا مستفيد من علمك << كل تبن مسوي ممتاز انت ووجهك والله لو جابلك الاسئلة اللي جابها لنا كان شفت كيف تحب تسمعها
ولا واحد ثاني يادكتور كلمة شرق مو تشوف انها فعل مو اسم <<< والله ينرفزني اللي مثل هذولا
شوفو بعد ماناقشه الدكتور ايش قال للدكتور
لا تفكر خطأ يادكتور لا تتوقع اني ادور اخطاء عليك والله من الهباشه الزايده
المشكلة مصر ان المايك يكون في يده والوقت قرب يخلص
تركه
رجعت الاسئلة المهمة
الطالب / يادكتور على ماذا نركز
الدكتور / على الافكار النازلة في المحتوى والمفاهيم على القضايا الواردة
يعني مثلاُ الاستشراق ماهي اهدافه وماهي اسباب نشأته وماهي غاياته
<<< اعتقد الدكتور يقصد بالافكار بداية كل محاضرة لاني لاحظت انها ملونه طبعا ماشفت كل المحاضرات بس دخلت على محتوى رقم 1 عشان اشوف ايش يقصد بالتلوين وشفت انه ملونها بالاحمر لكم
الطالب / المصطلحات الانجليزية معنا ؟
الدكتور / المصطلحات الانجليزية غير مطالبين فيها
رجعت الاسئلة السامجة اللي يفتحون المحتوى ويسألونه كإنه يوزع درجات على النقاش هذا
الطالب / هل فيه محاضرات مهمة نركز عليها
الدكتور /الاسئلة موزعه بالتساوي من التمهيدي الا الثالث عشر ( الرابع عشر ) محذوفه
وقال اعطيكم نموذج من الاسئلة وهو من الواجب
<< اتوقع راح يجيبه
إن الثقافة بمجموعها تمثل:
وقال الخيارات انتم شوفوه قال من الواجب
وحسب كلامه الاسئلة مباشرة وواضحة واجابة السؤال موجوده في المحتوى
الطالب /يادكتور ما المطلوب في المحاضرة التمهيدية ؟
الدكتور / تعريف الثقافة وعناصرها والقضايا وغيرها
الطالب / بعض الاسئلة الاجابات فيها تكون متشابهه
الدكتور / ايه بعض الاسئلة فيها خيارات متشابهه وانت لازم تكون على وعي في اختيار الاجابة
نقز الحلو وقال نشهد الله اننا نحبك يادكتور هههههه هذا شكله مستجد

هذا اللي اقدر اساعدكم فيه ( والله لو كانت عندي المادة كتبت الكلام هذا من زمان بس قبل شوي دخلت هنا شفت ردودكم قلت خلني اشوف وكلمت واحد من العيال واخذت اليوزر حقه وقلت اشوف المحاضرة المباشرة يمكن قال شيء مهم لهم وافيدكم فيه .

اعتقد تجملت معكم وضيعت وقتي عشان اجيب لكم اللي قاله الدكتور
موفقين وفالكم +a
سلام

*والله الموفق وربي يعديها ع خير حبيت انقلها لتعم الفائده