|
استفسار للمتخرجين ؟؟
السلام عليكم كيفكم ياشباب ؟؟ عندي استفسار واتمنى ألقى جواب وخصوصاً من المتخرجين سؤالي كيف اعرف اني مرشح للتطبيق وكيف اعرف اذا مع التطبيق مادة او لا وكيف طريقة التطبيق خارج الكلية ومتى اجيهم ووش اقول لهم ووو الزبده ابي واحد يفسرلي من البدايه الى ما بعد التطبيق وكيف دوام التطبيق انا احتمال يمقن يكون الترم الجاي اخر شيء وحاب اعرف كل شيء ومن متى اراجع الادارة لاني سمعت ان لازم تراجعهم قبل نهاية الترم باكثر من ثلاث اسابيع المهم اللي يعرف يعلمناااا ادري ان الموضوع بدري شوي بس علشان ياخذ قدر كافي من الردود ومن الاستفسارات وكمان من المشاهدات .. الخ مراسلكم من قلب الحدث طفش, :biggrin: |
رد: استفسار للمتخرجين ؟؟
وعليكم السلام ورحمة الله وبركاته
ياهلا والله بطلاب الكلية < طالعً منها ايه اخوي بما اني انتظر الوثيقه الاسبوع القادم وتوي مخلص تطبيق ياطويل العمر قبل نهاية الترم باسبوعين او ثلاث اسابيع تروح للمكان الي تبي تطبق فيه الي انت مختاره وتقولهم هل في إمكانية اني اطبق عندكم اذا قالو مافي مانع تطبق عندنا .. تروح للكلية لـ مكتب المسؤل عن التطبيق بقسمكم وتقوله انا جبت موافقه من المكان الفلاني وابي اطبق عندهم .. وراح يعطيك خطاب فيه اسمك وتخصص ورقمك الاكاديمي ويقولك رحلهم وعطهم الورقه .. بعد ماتعطيهم الورقه إما انهم يرسلون فاكس للكلية بالموافقه وهذي الشي يتآخر وراح يجي عند نواف المطيري .. واذا مابغو يصعبونها والافضل انهم يعطونك الخطاب وتاخذه بأيدك للكلية .. وبعدها اسبوع التهيئه الي هو اول اسبوع بترم التطبيق تداوم كم يوم بمبنى الانشطه تحضر المحاضره الي يسويها العميد والشله .. وبعدها المحاضره يوزعون اوراق الحضور والانصراف وتقييم الدرجات وورقة البيانات وتاخذها معك لمكآن التطبيق وكل يوم توقع حضور وانصراف .. وبعد نهاية التطبيق يحطلك المسؤل عن تدريبك الدرجه ويحط الورقة بضرف مختوم وتاخذها للكلية ويحطون لك الدرجه .. وطبعاً قبل لاتخلص تطبيق تسوي تقرير عن الاعمال الي قمت فيها بفترة تدريبك وهذي لها ورقة تاخذها من نواف المطيري وفيها الخطوات الي تمشي فيهن .. وفترة التطبيق تقريباً 12 اسبوع او 11 بعض الاحيان .. وان شاء الله اني وضحت كل النقاط واذا في شي مو عارفينه انا موجود مع العلم اني بالشهر ادخل هالمنتدى مره وحده واذا في شي يصعب فهمه نقدر انوضحه ان شاء الله .. فمآن الله فيصل العنزي ! |
رد: استفسار للمتخرجين ؟؟
بالتوفيق ياارب وآلف آلف آلف مبروووك التخرج وعقبال الوظيفه منو المسئول عن التطبيق هل هو رئيس القسم ؟؟ تخصصي ألكترونيات ومنو نواف المطيري وانا ان شاء الله ودي اطبق بالمطار يمدحونه :biggrin: وكيف اعرف اني مرشح للتطبيق اخاف اروح اجيب الموافقه واخرتها شايل معي كم ماده تراي ما انجح الا بمادتين والباقي :biggrin: بس الترم هذا حققت انجاز غير مسبوق عديت بكل المواد :004::004::004: وكيف دوام التطبيق ومتى اخذ ورقه التقرير من بدايه الترم ولا قبل نهايته باسبوع او باسبوعين وشاكر لك مرورك يالغالي |
رد: استفسار للمتخرجين ؟؟
المسؤل تروح تسئل عنه بقسمك
ونواف المطيري ياطويل العمر لادخلت مبنى العماده ورحت يمين بعدين يسار اخر مكتب على يدك اليمين جمب مكتب ابو بدر .. التطبيق في ناس عندهم ماده وحده مع التطبيق اغصبوهم يطبقون بالكلية ونظام دوام كامل و14 اسبوع وقلت حيئ وانت تقدر تاخذ ورقة من مرشدك بالمواد المتبقية لك وراح تلقى مادة اسمها تدريب تعاوني ودوام التطبيق يجيك المشرف من الكلية ثلاث مرات على مدار الترم وانت ووضعك بالدوام يعني على حسب الي تطبق عندهم ورقة التقرير هي خطوات تمشي عليهن وتسوي التقرير بمجلد وورد وتطبعه ياطويل العمر واجباري تسلمه بالاسبوع الـ 12 واكيد انك راح تكتبه بالاسبوع 11 لاكن راح تكون مارست العمل وتعرف عن شنو تكتب ولاتشيل هم وانا اخوك كل شي بسسسيطه ان شاء الله وبأذن الله غير تشوف الوثيقة ومعليش مسستعجل ابروح للكلية من الحين ابنتضرهم للصباح يفتحون علشان اخذ الوثيقة :) هع اي آستفسار ازهمني :$ |
| All times are GMT +3. الوقت الآن حسب توقيت السعودية: 02:19 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه