ملتقى طلاب وطالبات جامعة الملك فيصل,جامعة الدمام - مجموعــة أسئلــة أتمنــى الإجابة عليها ! الإجازة ...

- إدارة أعمال 1 (https://vb.ckfu.org/forumdisplay.php?f=310)

مجموعــة أسئلــة أتمنــى الإجابة عليها ! الإجازة ...

[align=center]

تشوفون أسم الموضوع إجازة تسوون كذا :(109):

:(164):
ماحب أطرح مواضيع بالقســم وياريت المشرفين على القسم يرتبوهـ أحسه فوضى والمواضيع المثبتـه مالها داعي تجمعـات كثيرة .. وموضوعين للإميلات للإساتذه بأمكانكم تدمجوهم .. تصفحت أقسـام ثانية مالقيت زي كذا .. عذراً على التدخل ولكن حبيت يكون قسمنـا مرتب ومنظم

لو يكون موضوع واحد مثبت لأسئلة الأعضاء وفيه مشرفين أو أعضاء متابعين له أول بأول بالرد أفضل من المواضيع الكثيرة ومن حق الأعضاء يكتبون موضوع جديد لأني الاحظ أن الجواب يكون أسرع بالموضوع المستقل بعكس المواضيع الكثيرة المثبتـه بعضها تتهمش ..

نرجع للموضوع المهــم :(164):

1- السؤال الأول .. هل راح يعطونـا إجازة الشهر القادم ولا لا ؟

2- أسئلة الإختبار للي عندهم خبرة سابقة إختيارات ولا اسئلة تحتاج حلول ؟

3- اللي أشترى الكتب هل ذاكر فيهم وأحتاج لهم كثير وطلع منهم اسئلة بكثرة ولا عادي وأعتمد على الملخصات والمحاضرات لأني أشوف غالبية الأعضاء اللي قبل يقولون مافتحنـا الكتب..؟

4- هذا الأسبوع أعتقد أنهم مراح ينزلون لنا محاضرات بكون أنهم نزلو لنا ثنتين بكل مادة أحد عنده علم مسبق ؟

5- التقويم الدراسي بالجدول مكتـوب
بداية اختيار مراكز الاختبارات النهائية للفصل الدراسي الاول من العام الجامعي 1431/1432هـ

بحثت عن رابط إختيار المركز مالقيتــه ؟

وهذا رد أعجبني إلى أم خالد الله يخليها برفقـه بنفس الموضوع للإستفادة ..

شوفوا استاذ حنفي (( رياضيات )).. فديت قلبه .. ترى اسألته بالامتحان كلها نفس الي بالمحاضره نسخ ولصق .. وماجاب شي من الكتاب ..

الدكتور علي الزهراني (( قانون )) .. انا كنت بنتحر بسبة مادته .. لاكن كانسان قمة بالروعه .. هو الوحيد الي يعطينا وجه بمنتدى الحوار الي في البلاك بورد ويرد على اسألتنا اول باول ..
اسألته كلها فهم بفهم .. يعني الي بتحفظ قولوا عليها السلام .. ولعلمكم تابعو منتدى الحوار اول باول لانه يحط اسأله مفيده جدا .. وجات لنا بالامتحان ..

افتحي موضوع بمنتدى الحوار الي بالبلاك .. عن اسألة مادة القانون .. صدقيني بتلقين تفاعل منه .. وراح يخلي الكل يحط اسأله والي بعده يجاوب .. رهيييييييييييييييييييب .

مادة الاقتصاد .. وما ادراكم ماقتصاد .. نادر الي نجح فيها ........>>> نجحت الحمدالله
اسألته كانت معقده جدا .. كل الي عليكم تحفظون التعليقات الي تحت الرسوم البيانيه .. طبعا تفهمونها قبل لاتحفظونها .. مهمه جدا .

الادراه كانت رهيبه .. واسألتها رهيبه .. ماتخوف هالماده

المحاسبه .. جاب لنا اسألة مراجعه نهاية الترم .. تخيلوا نسخه ورقة الامتحان .. يعني اذا جاب لكم اسألة احفظوها نسخه ..

وقبل كل شي ترى المواد تعتمد على الفهم اول والحفظ ثانيا ..

احنا مشكلتنا تعودنا على الحفظ والتسميع من مدارسنا .. وطبعا هذا غلط ..

ترى الجامعه تختلف اختلاف كلي عن المدرسه .. ماراح تعرفون هالشي الا بامتحان اول ترم .. الله يكون بعونكم من جد ..

وهذا رد بعـد أعجبني ..

1 - مادة الادارة : تحتاج متابعة وسماع المحاضرة وكتابة النقاط الجانبية اللي يقولها الدكتور لان في اسألة جات من الشرح اللي يشرحه الدكتور وفي محتوى المادة كامل موجود تقدروا تطبعوه وهو ملخص الاح فهد الشمري هو عبارة عن محتوى المقرر مكتوب على شكل ووورد ومنسق المادة شكلها سهل بس تحتاج تركيز شوي
2- مادة القانون : يدرسها الدكتور علي الزهراني هي شكلها طويلة بس الدكتور ما يدقق كثير يعني اسألته واضحة ذاكروا بس الشرايح المعروضة في البلاك بورك وايضا الكتاب مهم جدا هو يحدد لكم ايش هي الاجزاء المطلوبة من الكتاب والمادة ما تخوف بس فيها مصطلحات جديدة اول مرة تمر على الطلات تقريب.

3- مادة الرياضيات : المادة سهلة وسلسلة بس الدكتور الحبوب الدكترو اسامة حنفي مسهل المادة كل ماعليك هو متابعة المحاضرات اول باول وكتابة المحاضرة بخط يدك لكي تتعود عليها و التدريب على حل التمارين وكل الاسألة في الاختبارهي نفس اللي يشرحها لك في المحاضرة .

4- مادة الاقتصاد الجزئي : هي مادة جديدة نوعا ما على الطلاب وتعتمد على الفهم شوي والتحليل لان الحفظ يؤدي على صعوبة المادة لدى الطالب ، اهم شيء التركيز الشديد على شرح الدكتور وتحتاج الى جهد اكثر من المواد الثانية وعند المذاكرة يجب ربط الافكار بالفهم من خلال حياتنا اليومية الاقتصادية وعدم الاعتماد بشكل كلي على الملخصات بالذات هالمادة .

:)

[/align]