|
تعالو تعرفو على الكلية << للمستجدات
السلام عليكم ورحمة الله وبركاته كيفكم يامستجدات ؟ وكيف التفكير بالكلية ؟ حبيت اضيف لكم هالموضوع لكثر تساؤلات العضوات عن الكلية وعن المبنى وعن الموقع وغيرها من الأسئله قبل كل شئ مبروك على القبول:D << تو الناس طبعا هذا الموضوع راح يفيد بنات العلوم اكثر من بنات الاداب << لاني انا علوم;) بس لاتتضايقون يابنات الأداب في معلومات بسيييييطه ان شاء الله انها تفيدكم:) أولا : موقع الكلية في حي التصالات ، قريبه من مجمع ابن خلدون بلازا ، وقريبه من مجمع الامير محمد بن فهد التعليمي للبنات ثانيا : مبنى الكليه العلوم : المبنى القديم اللي مصبوغ بالبني الفاتج الأداب : المبنى الجديد اللي مصبوغ بالأبيض والأزرق ثالثا : الزي الرسمي في الكلية العلوم : تنوره جينز أزرق ، او تنوره لونها كحلي ..وماتكون فيها فتحه من ورى او من قدام ( فتحه طويلة مره ) والحين صارو يسمحون بالتنوره السودا البلايز : نص كم او كم طويل ممنوع الحفر والبلايز الشفافة او اللي تجيك مخرمه بحيث يطلع لون بشرتها من داخل ومن ناحية الالوان جميع الألوان عادي ماعدا الاسود والأحمر والالوان الفاقعه <<< بس ماأحد يلتزم من الطالبات من ناحية ألوان البلايز يعني نلبس اللي يحلى لنا من الألوان <<< وانا منهم . في حال مخالفتك لهذه القوانين ماهو مصيرك ؟ 1/ اما انهم يكتبونك تعهد ويقولون لك لاعاد تلبسينها . يعني انذار لك 2/ أو انهم يفصخونك اياها وياخذونها عندهم ويلبسونك بلوزه من عندهم طيب وش شكل هالبلوزه حقتهم ؟؟؟ فنيله بيضاء زي حقت ابوك وكبيره وواااااااااااااسعه ومكتوب فيها من منطقة الصدر كلية العلوم للبنات بالدمام عاد يامحلا شكلك وانتي تمشين بين البنات كل الانظار عليك:D 3/ ومن ناحية التنوره نفس الحاله يلبوسك تنوره من عندهم اللي يكون فيها زي الحبل اللي نشده من ناحية الخصر يعني تناسب كللللللللللل الطالبات السمينه والضعيفه عكس البلايز في بعض الدكتورات يقيدون الطالبات بزي واحد يعني تقول لهم انتو في محاضرتي ابيكم تلبسون بلايز بيضاء << هذي الدكتوره في بنات اداب قسم تاريخ سنه أولى وبعض الدكتورات تقول ماأبي اشوف ولا طالبه في محاضرتي لابسه كم قصير يعني لازم كم طويل او فيها فتحه من قدام بحيث ان صدرها يبان ( يطلع) وبعضهم عادي بس يكون لبس محترم .. وهذا زي ماقلت لكم البعض يعني ينعدون على الأصابع .. الأداب : تنوره سودا ، والحين سمعت يقولون انو حتى الجينز ازرق عادي بس من ناحية الوان البلايز ماأعرف بالضبط اللي اشوفه في بنات اداب يلبسون كل الألوان عادي ومن ناحية شكل البلوزه نفس الحال اما كم قصير او كم طويل ، الحفر ( الكت ) ممنوع والشفاف ممنوع والمخرمه ممنوع . واللي تخالف يكون العقاب بنفس بنات العلوم بالضبط . رابعا :البطاقه الجامعيه العلوم : كل طالبة تصرف لها بطاقه جامعية (مجانيه) عليها : الاسم ، القسم ، رقم السجل المدني ، رقم الجلوس ( الرقم الجامعي ، الرقم الأكاديمي ) ، تاريخ الاصدار ، الجنسية . طبعا كل قسم له صوره مختلفة يعني انا نبات حاطيتي لي زهرة على يمن بطاقتي فهمتو وحيوان يختلف وحاسب يختلف وكل قسم يختلف عن الثاني الأداب : نفس الحال كل طالبة تصرف لها بطاقة جامعية (مجانيه) لكل للأسف ماأعرف وش محتوياتها طيب وش فايده هالبطاقه ؟:confused: لازم تكون البطاقة موجوده في شنطتك ولاتنزل منها ابد ابد ابد ولاتحاولين تنسينها ابد ( انسي نفسك ولاتنسينها):D فائدتها : 1/ تدخلك للكلية يعني اذاماجبتيها معك يوقفونك عند الباب الخارجي في عز الشمس او البرد عقاب لك ولايدخلونك الا بعد نص ساعه او نص ساعه وبعض الاحيان يمكن يدخلونك ويمكن لا او انهم يكتبون اسمك . 2/ ما تدخلين الامتحان النهائي الا فيها . 3/ مايعطونك نتيجتك الا فيها مع ان الحين النتايج تطلع بالنت بس سابقا كانو مايعطونا النتيجه الا بالبطاقة بعض الاحيان اذا كنتي تتمشين بالكلية يوقفونك الامن ويقولك عطينا بطاقتك <<< يمكن يكونون شاكين فيك هل انتي طالبة بالكلية والا زائره؟ واذا عطتيهم البطاقه وعرفو انك بالكليه رجعوها لك وقالو لك مع السلامه:p 4/ ماتطلعين من الكلية الا بالبطاقة يعني مثلا كانت عندك محاضره وحده باليوم بس يعني مثلا من الساعه 8 الى الساعه 10 وش تسوين باقي الوقت ؟ بعض الطالبات يستأذنون يعني يطلعون من الكلية بس مايطلعون الا بهالبطاقه لان الامن والاداره يشوفون اسمك وايش سبب خروجك هل انتي مريضه ، فيك شئ والا شئ زي كذا ، يعني دقيقين مو كل من هب ودب طلع ودخل من الكلية من على كيفه طيب اذا ضاعت البطاقة وش تسوين ؟ تروحين لعند شؤون الطالبات مبنى علوم 1 الدور الارضي وتقولين لهم بطاقتي ضاعت اما ان هم يسوون لك اعلان بالكلية او انهم يطلعون لك بطاقة ثانيه بس بـ 50 ريال <<< طبعا هذا لبنات علوم خامسا: اوقات الدوام من الساعه 8 الى الساعه 12 او 2 الظهر أو الى الساعه 3 يعني اول محاضره تبتدئ في الكلية الساعه 8 واخر محاضره تنتهي في الكلية الساعه 3 من الساعه 8 وربع او 8ونص يتقفل الباب الكبير ( العام ) اللي يدخلون ويطلعون منه كل البنات ويفتح باب الامن النسائي الخارجي وفي هذي الحاله ماتدخلين وتطلعين الا لازم شايفين الامن بطاقتك لبنات العلوم : من الساعه 8 الى الساعه 12 ممنوع الخروج من الكلية الا بعذر يستدعي للخروج يعني ولاده ، مرض لاسمح الله ، المهم ان فيك شئ يستدعي للخروج ، وطبعا ماتطلعين الا بالبطاقة أما بنات أداب : عادي يطلعون في أي وقت ومن دون عذر عاااااااادي جدا ، وطبعا ماتطلعين الا بالبطاقة . اما في ايام الامتحانات النهائيه الباب الكبير مفتووووووووح اللي تمتحن تطلع لان اوقات الامتحانات مو وحده .. بنات يمتحنون الساعه 8 الصباح وبنات يمتحنون الساعه 10 الصباح وبنات الساعه 11 الظهر وهكذا فعلشان كذا يخلون الباب مفتوح .. << طبعا هذا عام لبنات اداب وبنات علوم . سادسا: المكافأه قبل ماتنصرف لك المكافأه لازم يكون عندك حساب بالبنك ( بطاقة صراف ) لبنات علوم : واللي ماعندها تروح مبنى علوم 5 الدور الارضي اول غرفة على يدك اليمين وتقولين لهم ابي افتح حساب ويعطونك ورقه فيها اسمك والسنه وفيها اسماء البنوك ويقولون لك اختاري البنك اللي تبين وروحي له ويفتحون لك حساب وبعدين اذا رحتي البنك زافتحو لك حساب ، ودي رقم حسابك للغرفة اللي رحتي لها بالبدايه اما أداب : ماأعرف والله :( كم يصرفون لك ؟ بنات العلوم : يصرف لك 1000 ريال كل شهر حتى في ايام العطله يعطونك يعني زينا الحين يصرفون لنا في العطله في كل سنه ياخذون منك 100 ريال يعني ياخذون في السنه مره 100 ريال لصندوق الطالبات ايش يعني صندوق الطالبات ؟ اما انهم يسوون لكم مهرجانات او حفلات او اي شئ بـهالـ 100 ريال عاد تخيلي عدد الطالبات في الكلية واضربيهم في 100 واجباري ياخذون منك الـ100 وزي ماقلت لكم في السنه مره وحده بس بنات الاداب : يصرف لك 800 ريال كل شهر حتى في ايام العطله سابعا:اللوكر اللوكر هذا صندوق خاص فيك تحطين فيه أغراضك من كتبك وعباتك وغيرها له مفتاح خاص فيك انتي يكون عندك انتي بس آجار الصندوق في الـ 4 سنوات 100 ريال مدري 200 ريال <<< والله نسيت كم عطيتهم :D ثامنا : الأقسام الموجوده في الكليه العلوم : علم رياضيات ، علم الفيزياء ، علم الحيوان ، علم النبات والأحياء الدقيقه ، علم الحاسب الآلي ، علم الكيمياء . الآداب : جفرافيا ، تاريخ ، دراسات اسلاميه ، لغة عربيه ، مكتبات ، ادب انجليزي والحين اللي بكتبة خاص لبنات علوم : أولا : شكل المبني طبعا في 5 أجنحه في الكلية وكل جناح ينقسم الى دورين دور ارضي ، ودور اول ، ودور ثاني .. أول جناح اسمه (علوم1) واختصاره (ع1): الدور الارضي :يشمل قسم الكيمياء من معامل واعضاء هيئة تدريس ورئيسة القسم الدور الأول: يشمل قسم الفيزياء من معامل واعضاء هيئة تدريس ورئيسة القسم . الدور الثاني: يشمل قسمرالنبات والأحياء الدقيقه من معامل واعضاء هيئة تدريس ورئيسة القسم . ثاني جناح اسمه ( علوم 2 ) واختصاره (ع2) : الدور الارضي ينقسم الا نصفين : النصف الاول يشمل الاداره من شؤون الطالبات ، التسجيل ، مكتب الوكيله ، وغيرها بس يعني كله في يخص الاداره ، ، ، والنصف الثاني : يتبع تكملة لمعامل لقسم الكيمياء الدور الاول : ينقسم الا نصفين : النصف الاول يتبع قسم الأداره بس مو اداره اداره يعني مثلا : الجهاز الفني ( اللي يعدلون البروجكتر اللاب توبات و....) ، ، ، النصف الثاني: يتبع تكلمة لمعامل لقسم النبات والأحياء الدقيقه الدور الثاني : خاص لقسم علم الحيوان من معامل واعضاء هيئة تدريس ورئيسة القسم ثالث جناح اسمه علوم3 واختصاره (ع3) : الدور الارضي : فيه مدرجات وليس معامل وفيه غرفتين تخص ادارة قسم الحاسب الألي الدور الأول : في مدرجات وليس معامل وفية قسم الرياضيات من اعضاء هيئة تدريس ورئيسة القسم . الدور الثاني : فيه مدرجات وفيه معامل قسم الحاسب وفيه أعضاء هيئة تدريس قسم الحاسب رابع جناح اسمه علوم4 واختصاره (ع4): وهذا بعيد عن المباني الأخرى فوق الكافتريا فيه دور واحد بس يشمل على 5مدرجات فقط خامس جناح اسمه علوم5 واختصاره (ع5): وهذا يشمل 3 ادوار الدور الارضي : يشمل مدرجات فقط وغرفتين لأعضاء هئية تدريس قسم الكيماء والدور الاول والثاني : خاص لقسم التاريخ شفتو كيف الكلية عفسه مو مرتبه :( في قسم بره عند الكفتيريا اسمه ( الملحق) واختصاره (م) طبعا هذا فيه 3 ادوار الدور الارضي : يشمل معهد ، مرسم ، قسم التصوير الخاص لبنات العلوم الدور الاول : يشمل مدرجات والدور الثاني: يشمل مدرجات ايضا طبعا توجد عياده طبيه في الكلية تشمل 3 اسره ودكتوره وطبيبتين وتوجد كافتيريا تشمل مطاعم عده منها : كنتاكي ، ماكدونالدز ،صب واي ، كودو ، كانتون ، وتاكو هت ، ومعجنات وورق عنب روابي الشام ومعجنات وورق عنب الجندول ، ومعجنات وورق عنب بسمه<<< بس تجي الوجبات جاهزه من المطاعم هذي اللي قلتها . ودربي ( هذا حق المشروبات الساخنه ) . وبقاله ( بس بقالة غاااااليه ) :D. ومشروبات بارده من عصيرات وماء ومشروبات غازيه . ومطعم ومشويات الليوان : يبيع فلافل وكباب دجاج وكباب لحم وشاورما وشيش طاووق ومسحب وورق عنب . ومطعم كرسبي بس وجباته تغليها جنبك يبيع زنجر وبطاطس كرسبي وسناك. وسندويشات دقايق : هذا بس سندويشات ( وتسويها جنبك ) . وفي اشياء بس يعني مو من مطاعم لا يعني وحده تطبخ في البيت وتجي الكلية تبيع :( ثانيا : الدكتورات (اعضاء هيئة التدريس) طبعا لازم تكونين محترمه للدكتورات اشد الاحترام ولاترفعين صوتك عليهم وتطولين لسانك عليهم ابد ابد ابد والا مصيرك حمل الماده ( الرسوب):D ولازم تتمصلحين مع الدكتوره يعني روحي اسأليها أي شئ حتى لو شئ فاهمتة ولازم تبينين لها انك مهتمه في المحاضره اكتبي وراها كل شئ تقوله لان بعض الدكتورات يجيبون من شرحهم اللي بالمحاضره ولازم تحطين في بالك ان في دكتورات زينات وعسل ويهبلون واسئلتهم سهله :)وفي دكتورات شينات وشزات ويرفعون الضغط واسألتهم صعبه:( ثالثا: من ناحية بنات الكلية في كل مكان راح تلاقين الزين والشين خذي الحذر من البنات ولاتصادقين أي بنت الا عارفتها زيييييييين مازييييييييييين وخلي شغلك الشاغل الدراسة ونيل شهادة البكالوريوس وليس الكشخه والهرب من المحاضرات ملاحظات خاصه لك :حاولي تصادقين بنت اكبر منك بسنه بنفس قسمك وتكون شاطره علشان تستفيدين منها تعطيك اسأله او معلومات وشيلي من بالك ان هذي الدكتوره اسألتها صعبها وماتعرف تشرح او شئ زي كذا ترى اللي يذاكر ويشد حيلة مافي شئ علي صعب خلاص فهمتو كل شئ؟ توصون شئ والا شئ ؟ عندكم سؤال عن اي شئ ؟ حياكم هنا اسألو كل اللي تبون عن هذا الموضوع بس وانا ان شاء الله اجاوب عليكم يالله سي يو :) لاتنسوني من خالص دعائكم :) |
رد: تعالو تعرفو على الكلية << للمستجدات
شـكــ وبارك الله فيك ـــرا لك ... لك مني أجمل تحية .
|
رد: تعالو تعرفو على الكلية << للمستجدات
اقتباس:
:119: |
رد: تعالو تعرفو على الكلية << للمستجدات
مشكووووووووره وربي يعطيك الف عافيه وما قصرتي
بس عندي سؤال صغيرون انتي قلتي ان في الاجازه في مكافئات والحين نزلت لنا مكافئة شعبان ورمضان مع بعض لاكن هل بتنزل لنا مكافئات الشهور الجايه ولا بتوقف سمعت البنات يقولوا ان توقف المكافئات كل سنه 3 شهور ؟؟؟؟؟؟؟؟؟؟؟؟؟؟؟؟؟؟؟؟؟ |
رد: تعالو تعرفو على الكلية << للمستجدات
مشكوره ماقصرتي يالغاليه
والله يوفق لك |
رد: تعالو تعرفو على الكلية << للمستجدات
مشكووره اختي ربي يوووفقك دنيا واخرهـ
وموضووعك رووووووووعه خيتووو بس حبيت اسال اللوكر شلون احجز لي واحد يعني وين ارووح واقدر من اول يوم اخذ لي واحد ولا لا ؟.؟؟ |
رد: تعالو تعرفو على الكلية << للمستجدات
يعطيك الف عآفيـــــــه عالموضوع مآقصرتي ~
|
رد: تعالو تعرفو على الكلية << للمستجدات
مشكوره ياعسل ذكرتينا بالذي مضى
|
رد: تعالو تعرفو على الكلية << للمستجدات
اختي فيلسوفه عذرا على الغلط اللي صار <<< جد بتتكفخين
الحين صار عادي لبنات علوم يطلون من دون عذر من الكليه بس لازم اللي جاي ماخذك يكون أبوك ، أو أخوك ، أو زوجك ، واذا كان السواق لازم يشوفون اقامته او شئ يثبت ان اللي كافله ابوك عذرا للجميع :c8: |
رد: تعالو تعرفو على الكلية << للمستجدات
اقتباس:
اي راح تنزل لكم ماكافئة الشهور الجاية بس بعض الأحيان ينزلونها بوقتها وبعض الأحيان ينزلونها بعد شهرين وبعض اتلأحيان بعد 3 شهور بس ماتطول اكثر من كذا ليه يسون كذا بداية كل سنة ؟ علشان لو في طالبه بعد شهرين او ثلاث شهور تبي تسحب ملفها او شئ ماينزلون لها مكافئه فهمتي يعني اذا انزلت مكافئة بتنزل للكل واساسا بداية كل سنة تصير لخبطة وعفسه وحاله علشان كذا ينزلونها متأخر اصلا حلو تاخذينها 3000 او 2000 ولاتاخذينها 1000 << صح :tongue: ربي يوفقك ويوفق الجميع |
| All times are GMT +3. الوقت الآن حسب توقيت السعودية: 09:38 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه