|
موظف الـ800 قليل ادب وغير محترم .. نص المكالمة
السلام عليكم ورحمة الله ...
الله يعيننا واياكم على ماابتلانا من البلاك بورد الكل شآيف الوضع اللي له يومين وهو خربان واخر مهلة يوم الاثنين حسبي الله ونعم الوكيل انا الصباح اتصلت بالموظف 800 طبعا بعد مايأست من رد الشعيبي والنجار سلّمت وتكلمت معه بكل هدوء وادب واحترام .. وقلت له يآخي كيف كذا اخر مهله الاثنين وانتم اللحين معطلين البلاك بورد له يومين لازم الدعم الفني تشوفون صرفه وتحلون المشكلة قال لي بكل وقاحة وقلة حيا : وراكم توكم تتفطنون تحلون وتحملون محاضرات :064: قلت سواء حليتها اول الترم والا اخر الترم هذا شي مايخصك ، انتم حاطين موعد نهائي لرصد الدرجات وحنا احترمناه ، لكن انتم مااحترمتونا والبلاك عطلان وماصلحتوه وجلست اشرح له ظروفي اني موظف ومااطلع الا 8 بالليل واني عندي التزامات بيت واطفال بالبيت وعندي اب معاق ... بكل بجاحة قال لي : ياخي طيب ليش تدرس :eek: وش دخلك ادرس ماادرس .. مالك دخل انا دافع فلوس وجالس اكافح وادرس ولا جيت اطالبك بتمديد فترة او اطالبك بشي خارج قوانين الجامعة اللي حددتوها انا اقول صلحوا العطل اللي منكم .. ماغلطت بشي .. انا عندي وقت من حقي اني استغله وانتم حارميني منه .. مو من حقك تجي تقول ليش تدرس .. قال: شف للمعلومية ترا البلاك بيفتح بس ترا تحميل المحاضرات ماراح ينحسب لك ... وماراح ينحسب لك اخر شي .. على اي اساس قال هذا الكلام مادري .. شلون يتوقف رصد الدرجات قبل الاثنين وهم قالوا الاثين !!! ولما قلتله ياخي ليه ماينزل القرار الا متأخر .. مانزل الاعلان بالموقع الا يوم الخميس .. ولا ارسلتوا رسايل ولا شي .. قال لا الاعلان نازل من شهر 2 :eek: باختصار شديد ليش التعامل السسسسسسيء جدا من موظفين الجامعة .. هو متوظف ببلاش يعني ويكّد علينا والا وش السالفة ؟؟ ليش وقت الدفع يشغلوننا ويعذبوننا بالرسايل والتنبهيات والتحذيرات والتهديدات والاشياء اللي فيها مصلحة الطالب ماتهمهم :Cry111: حسبي الله ونعم الوكيل في كل من ظلمنا ... |
رد: موظف الـ800 قليل ادب وغير محترم .. نص المكالمة
لاتفكر فيهم متعودين على حركاتهم
ماعندك الا حل وحيد مداهمتهم بكره الصبح في وكرهم بالجامعة بوابة رقم 4 مبنى رقم 50 عمادة التعليم عن بعد :cool: |
رد: موظف الـ800 قليل ادب وغير محترم .. نص المكالمة
حسبي يالله ونعم الوكيل عليهم يبغون يجننونا بفترة الامتحانات :mh12:
|
رد: موظف الـ800 قليل ادب وغير محترم .. نص المكالمة
حسبي الله ونعم الوكيل ...من آمن العقوبه ساء الادب
اصلآ هدف التعليم عن بعد شيء واحد وهو الماده ماهو عشان وجيهنا واكبر دليل ان شهادتة التعليم عن بعد مو معترفه فيها وزارة التربيه والتعليم يعني الله يسلمك لاتفكر يتنازلون ويرسلولك رساله وينبهونك بشيء لانه مو من صالحهم هم بالعكس ينبسطون اذا الواحد حمل ماده معه عشان يدفع اكثر .... تفكير مادي بحت الله ياخذ حقنا منهم يارب |
رد: موظف الـ800 قليل ادب وغير محترم .. نص المكالمة
فعلا قلة حياء واستهتار بالطلاب
ماراح يوقف ذا المهزلة الا الطلاب أنفسهم . وفُقتم. |
رد: موظف الـ800 قليل ادب وغير محترم .. نص المكالمة
أنا لا يوجد لدي أي تسمية أو توصيف لما يحدث إلا شيء واحد هو "إبتزاز وإستغلال" لأموال الطلاب والطالبات الضعفاء:Cry111: العزل من كل شيء إلا الدعاء على كل شخص تسبب في هذا الأحداث الإستفزازية... فحسبنا الله ونعم الوكيل عليهم.. حسبنا الله ونعم الوكيل عليهم.. حسبنا الله ونعم الوكيل عليهم.. |
رد: موظف الـ800 قليل ادب وغير محترم .. نص المكالمة
اصلآ هدف التعليم عن بعد شيء واحد وهو الماده ماهو عشان وجيهنا واكبر دليل ان شهادتة التعليم عن بعد مو معترفه فيها وزارة التربيه والتعليم يعني الله يسلمك لاتفكر يتنازلون ويرسلولك رساله وينبهونك بشيء لانه مو من صالحهم هم بالعكس ينبسطون اذا الواحد حمل ماده معه عشان يدفع اكثر ....
تفكير مادي بحت الله ياخذ حقنا منهم يارب الشهاده معترف فيها نحو ندرس في جامعه حكومية معترف فيها من وزارة التعليم العالي وزقنا مش عليهم على الله من هاليوم الى ذاك اليوم طلع مليون قرار .... الله يسهل على الجميع:(284): |
رد: موظف الـ800 قليل ادب وغير محترم .. نص المكالمة
اقتباس:
كلامك صحيح هذه هي الحقيقة والله فرج عنا جميعاً |
رد: موظف الـ800 قليل ادب وغير محترم .. نص المكالمة
حسبي الله ونعم الوكيل في كل من ظلمنا ...
:Cry111::Cry111::Cry111::Cry111::Cry111::Cry111::C ry111::Cry111::Cry111::Cry111::Cry111::Cry111::Cry 111::Cry111::Cry111::Cry111::Cry111: |
رد: موظف الـ800 قليل ادب وغير محترم .. نص المكالمة
خبر الان ارسلت للدكتور احمد الشعيبي تو سكر من عنده دق علي يقول الافتراضي فاتحه لجميع الطلبه يقول داق على الدكتور وبنسبه لوضعي اللي توسددو لازم 24ساعه بعد السداد ويفتح ويقول البلاك الناس تشتغل من الصباح ويواصلون بالليل وضغط من الكم الهائل للطلبه يعني الله يجزاه خير ويوفقه ريحني انا ماقدرت اكتب الموضوع لازم بعد 24ساعه مشاركه الله ماعنده شي ينسخ الموضوع باسمي ويكتبه للافاده |
| All times are GMT +3. الوقت الآن حسب توقيت السعودية: 02:00 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه