|
مااقدر احظر اختباراتي الله يسعدكم ابي حل
السلام عليكم
بالمستوى الثاني محد فادني يمكن لانو لسى جداد وماقد تعرضو للي تعرضت له بس انتو بما انكم مستوى 7 يارب تفيدوني انا حاليا مشكلتي باختصار مااقدر اختبر نفس المقر الي اختبرت فيه السمستر الي فات ايقونه تحديد المركز اغلقت وانا ف مدينه غير المدينه الي فيها مركز اختبار ولظروف خاصه ججججدا ماااقدر اسافر عشان اختبر حصلت ايقونه الاعتذار تبع الاختبار طيب متى تفتح الايقونه و ايش الاعذار الي تقبلها الجامعه الله يسعدكم اسعدوني برد يوضح المتهاهه الي انا فيها ^ تعبت اكتب ومحد يررد يارب تعبروني |
رد: مااقدر احظر اختباراتي الله يسعدكم ابي حل
الظروف الخاصه اذا لها عذر مقبول للجامعه كعذر طبي مثلا لمن تفتح ايقونة الاعتذار تحطين عذرك
وممكن تروحين لمركز موجود بالمدينه المتواجده فيها حاليا وتقولين لهم ويختبرونك وان شاء الله يفيدونك البقيه |
رد: مااقدر احظر اختباراتي الله يسعدكم ابي حل
عادي تختبر في المقر المدينه اللي فيها حاليا ويكتبون انك من خارج المركز مو شرط تسافر للمدينه اللي فيها المقر الاصلي
|
رد: مااقدر احظر اختباراتي الله يسعدكم ابي حل
تفتح ايقونة الاعتذار اتوقع بعد ما نخلص اختبار
|
رد: مااقدر احظر اختباراتي الله يسعدكم ابي حل
روحي لمركز المدينه الي انتي فيها الحين وقولي لهم ظروفك
وان شاء الله يتفهمون وتختبرين عندهم |
رد: مااقدر احظر اختباراتي الله يسعدكم ابي حل
في الاختبارات الماضيه يختبرون معانا من خارج المركز والامور طيبه
|
رد: مااقدر احظر اختباراتي الله يسعدكم ابي حل
لا تعتذري ولا شي
راسلي الشعيبي ع تويتر وقولي له ظرفك وبيحطك بالمركز القريب منك واذا مارد عليك ولا تاخر ادخلي ايقونة اسئله متكرره وحطي مشكلتك وايش المدرسه اللي تبينها عشان ينقلونك لها انا الترم اللي راح تعاونوا معي موفقه اختي :) |
رد: مااقدر احظر اختباراتي الله يسعدكم ابي حل
وعليكم السلام
راسلي الشعيبي والفريدان على ايميلاتهم وعلى تويتر صح مشددين على حكاية الاختبارات في غير مركزك عشان لخبطة الاوراق وممكن مايكون فيه اوراق زيادة بس ولو راسليهم وازعجيهم حتى وتبدأ الاختبارات وروحي اقرب مركز لك وحاولي فيهم يختبروك لو مدينة صغيرة ممكن اهون شويه لان المدن الكبيرة فيه صعوبة تحصلي متاح الحين مافيه اعتذار وحتى الغياب لازم بعذر طبي وتعيدي الترم كامل بس بدون رسوم لاتضيعي الترم عليك وبالتوفيق يارب |
رد: مااقدر احظر اختباراتي الله يسعدكم ابي حل
مثل ما تفضلوا الاخوان
راسلي الشعيبي او الفريدان واذا ما قدرتي تتوصلين لنتيجة روحي لمركز المدينة اللي انتي فيها واشرحيلهم ظروفك وان شاء الله يتفهمون وبعدين بيكون هناك موجهات ومسؤلات عن الجامعه على الاقل بيوصلون صوتك ويحلون لك المشكلة بإذن الله على الاقل اضعف الايمان راح تغيبين اختبار واحد لين نتنحل مشكلتك وتعيدين اول اختبار في الترم الجاي مجاناً ولا يأثر على معدلك لا تخلين نفسك وانا اخوك ولا يصعبها عليك الشيطان راسليهم او كلميهم على المجاني من الصبح واذا مافيه فايده روحي لمركز الاختبار وعلطووول على الموجهه و المسؤوله واشرحيها كامل ظروفك وخلي كل اوراقك الثبوتية معك وربي يكون في عونك |
رد: مااقدر احظر اختباراتي الله يسعدكم ابي حل
مثل ماقالوآ أخواني راسلي الجامعه وأذا ماردو روحي لاقرب مركز وأختبري فيه قولي للمشرفة الموضوع وهي تتواصل مع الجامعة وبختبرونك أن شاءالله وأذا مشرفة المركز غير متعاونه أطلعي وروحي مركز ثاني أهم شي لاتخلين الاختبار .
|
| All times are GMT +3. الوقت الآن حسب توقيت السعودية: 09:15 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه