|
نطالب الجامعه بالتالي :
السلام عليكم ورحمة الله وبركاته اسعد الله اوقاتكم جميعا واقدر اقولكم كل عام وانتم بخير انا احس انه عيد انا خلصنا اختبارات واسأل الله سبحانه ان ينجحنا جميعا دنيا واخره نلاحظ جميعا مشكلة كل سمستر اوقات غير دقيقه - محاضرات مره تنلغي وغالبا غير واضحه بلاك بورد يعلق - محاضرات بروابط خربانه المطالبه بحل الواجبات بفتره زمنيه غير محدده وهذا فيه ظلم على الجميع لانه مو كل الطلاب متابعين للمنتديات اول بأول فنحن نطالب ادارة الجامعه الكريمه ومنعا للمهاترات ورمي التهم ونشر فضائح الجامعه في الجرائد والمجلات " خاصة و اننا بالنهايه سوف نتخرج من هذه الجامعه وسمعتها تهمنا " بالآتي : 1- الجامعه تحدد مشكوره ومن خلال الخطه الزمنيه موعد محدد لاغلاق البلاك بورد كما هو الحال مع موعد الاختبارات وعلى الطلاب والطالبات الالتزام بالوقت المحدد 2- على الجامعه الالتزام بفتح البلاك بورد خلال السمستر بشكل مستمر ومناسب للضغط الحاصل من الطلاب والطالبات بكل وقت وكل ساعه حتى يتناسب مع اوقات جميع المنتسبين 3- على الجامعه الالتزام بوضع روابط صحيحه للمحاضرات على عدة صيغ كما هو الحال ,, والتأكد بأنها تعمل بشكل جيد وصوت واضح 4 - على الجامعه تنبيه الطلبه والطالبات بالتحديثات الحاصله ونزول المحاضرات والواجبات والمناقشات عن طريق الرسائل الخاصه 5 - عند عرض المحاضرات المباشره الرجاء ان تكون بصوت واضح بدون تشويش ويستطيع الطلبه الدخول في نقاش مع الدكتور بشكل ممتاز 6- وضع رقم هاتف مباشر يخص مشاكل الطلاب عموما وحل اي مشكله فنيه تعيق تقدمهم الجامعي 7- التزام الجامعه بوقت محدد لصدور النتائج ,, وخاصة النتائج الخاصه بالواجبات والمناقشات والمحاضرات هذا يعطي نوع من التشجيع للطلاب وراحه ان علاماتهم ممتازه او ينقصهم الحرص اكثر في المرات القادمه ,, مع حرص الطالب على عدم المطالبه بالتمديد في حال اهماله عمدا او سهوا لان الاوقات ثابته 8- بناءا على تلبية الجامعه والتزامها المطلق بهذه البنود .. على الطلاب والطالبات الالتزام بالاوقات التزاما تاما وعدم مطالبة الجامعه بالتمديد نهائيا ,, والحرص كل الحرص على متابعة موقع الجامعه لحضور المحاضرات وحل الواجبات بشكل يليق ومكانتهم كطلاب جامعيين اتمنى التعليق من الطلاب والطالبات على الموضوع واضافة اقتراحاتهم بشكل منطقي بدون المساس بأي شخص فليس من الأدب ونحن آباء وأمهات وطلاب جامعات ان نقوم بقذف أيا كان بألفاظ لا تليق ولا تناسب مكانتنا الاجتماعيه ,, حتى وان قوبلنا بالعكس ,, فنحن هنا القدوه وعلى منهج حبيبنا محمد صلى الله عليه وسلم نسير |
رد: نطالب الجامعه بالتالي :
كلام سليم
ولكن من الي بيوصله للمسؤلين البلاك قفلوه بدون مايرسلون على الجوال مثل كل مستوى والمشكله ماخذين عشره ريال حقت رسايل مادري وين هالرسايل ماشفت شي بعض المحاضرات ادخلها المجلد فارغ واحيانا التحميل ضعيف جدا عندي محاضرات ضليت شهر احاول احملها او افتحها مو راضي لا يفتح ولا يتحمل على العموم كلامك واقتراحاتك ممتازه وياليت لو توصل للمسؤلين وبالتوفيق للجميع:rose: |
رد: نطالب الجامعه بالتالي :
كفيت ووفيت خيو بس ناقصنا اترام صيفيه العالم خلصت اللي معنى بالجامعات الثانيه واحنا الى الحين
|
رد: نطالب الجامعه بالتالي :
ياليت احد الاخوان الي يقدر يتواصل مع الجامعه بشكل مباشر ينقل الموضوع لهم
وانا باعتقادي هو واصل لهم بس عندهم قلة تنظيم والصيفي ياليت والله لو.يفتحوا مجال ماده بس يهونوا عالعالم شكرا على مروركم |
رد: نطالب الجامعه بالتالي :
:(204)::(204)::(204)::(204)::(204):
بس ميين الي بيوصلها وهل بالفعل بيلتزمون فيها !! |
رد: نطالب الجامعه بالتالي :
صحيح الضغط على الموقع وصعوبة الدخول له واني ادور الملف او المحاضرةو ما احصلها وغيري موجود في بلاكهم :icon120:
انا عن نفسي انها تحط مقر بالمدينه اللي انا ساكنه فيها وتسالني عن تبينها بشمال بغرب المدينة اللي انا ساكنه فيها هذا يكفيني مسهله علينا.. جامعة الملك عبد العزيز السنه الاولى بمدينتك يحطون لك مقر والباقي تروحين انتي لجده .. من جد صعبه .. مو الكل ضروفهم تسمح. يعني نقول الحمد لله على كل حال |
رد: نطالب الجامعه بالتالي :
والله نتمنى ان تعطي الجامعه وقت محدد لكل شئ هذا من مصلحتهم ومصلحتنا
بالصدفه دخلت المنتديات بعد طول غياب قلت بشوف الملازم والمراجعات كان هذا الكلام قبل اقفال البلاك بورد بثلاث ايام يمكن واكتشفت بالصدفه ان البلاك بورد راح يقفل ولولا تقادير رب العالمين كان الان ماحملت ولا محاضره ولا انحسب لي اي درجه لا وتذكرت بعد ماحليت وحملت وسويت كل شي ان المحاضرات المباشره غير موجوده بالافتراضي هذا سوى عندي ربكه ويادوب حملت المحاضرات لان الروابط تحميلها بطئ جدا نحن نطالب بالتنظيم فقط يريحهم ويريحنا وينهي اسئلة واتهامات كل سمستر |
| All times are GMT +3. الوقت الآن حسب توقيت السعودية: 05:01 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه