|
يوميات فيصل (الجزء الثالث ) قصة حقيقية
بسم الله الرحمن الرحيم فيصل طالب الصف الرابع .........بمدارس التربية الخاصة........ هذه القصة قديمة............قبل خمس سنوات تقريبا ذلك اليوم لن انساه كان فيصل في الروضة ...........عمرة تقريبا 5 سنوات كان يوم جمعة استيقظنا مبكرين .........وقررنا ان نخرج في نزهه صباحية........... كانت ايام امطار.......... والسماء ملبدة بالغيوم.........على ان نعود قبل صلاة الجمعة بوقت كاف ......... انتهى الوقت وعدنا الى البيت مسرورين...........استقبلتنا عمتي (ام زوجي وجدة فيصل)........جائت من بيتها مسرعة...........وهي تنظر الى فيصل.........ووجهها ينذر بوجود مشكله احد اطرافها فيصل............ لم تلقي علينا السلام كعادتها.........بل سمرت عينيها في فيصل حتى وقفت بجوارة ...............وانثنت عليه .........وقالت له......... وهي تشير بسبابتها الى بيتها .........وش سويت بسيارة عمك.........(قالتها بصوت خافت).......وكأنها لا تريد ان يسمعها احد .......... قلت لها باستغراب : عسى ما شر؟ فأمسكت بيد فيصل وقالت ......ادخلوا البيت وبقول لكم السالفه ............ وفي طريقنا لبيتنا............كنت أتساءل سيارة عمه؟.........الجديدة؟(موديل تلك السنة).......... بداء يتضح لي خطورة الموقف..........صحيح ان عمه طيب لكن اذا غضب فلن يستطيع احد ان يقف في وجهه.......... وللمعومية : هذه السيارة بذات هي اول سيارة يمتلكها من ماله الخاص..........هذه السيارة التي فضلها على الزواج..........اشتراها بالاقصاد قبل شهرين فقط......... وصرح للجميع انها عروسة............فتارة يتصور معها ...........وتارة يغسلها........... وتارة يركبها ويتمشى بها في الشوارع بهدوء وكأنه يزفها..........وتارة يكتفي بالوقوف جوار باب البيت ليغازلها من بعيد......... حاولت ان اخرج من هذه الدوامه وقلت لعمتي..........وش بها سيارة عمه؟ ...........وش ممكن يسويلها طفل مثل فيصل............وبعدين كنا نتمشى يعني مو فيصل................. _كنت اقول هذا الكلام وانا اعرف ان فيصل ممكن يسوي الكثير(ولدي انا اعرفه)..............لكن نويت اخرجه من السالفة.............لان عمه ممكن يرتكب فيه جريمة_...........ومسكت فيصل من ايده وجلسته بجواري(بداء شغل المحاماه).......... قاطعني ابو فيصل وقال وش سوى فيصل............قالت جدته..........اخذ مسمار ولعب بالسيارة لعب ..........البيبان.....والكبوت............حتى الصدام ما سلم..... قال ابو فيصل ايشششششششششش؟ قالت تعال شوف........وراحوا موقع الجريمة.............وانا ماسكه بيد فيصل........... انا شفت ان القضية سهلة ...........وممكن اخرج فيصل بسهولة............وبعدين ماحصل شئ.......... كل السالفة بوية وتنتهي السالفة..............ليش هالازعاج طبعا عرفت فيما بعد -من اخواني- ان هذا العمل شئ عظيم بالنسبة لرجال........ علشان اقرب لنساء.........زي طفل يقص فستانك الفخم (فستان زواجك اوفستان زواج اخوك او اختك ) هذا اقصى وصف ممكن اوصفه الان........لكن ربما اذا اصبح لي سيارة اعرف حجم الموفق..........ههههههههه كان كلام فيصل ذيك الايام قليل جدا............سألته عن الموضوع قال ايه انا ............قلت ليش .......ابتسم فقط..........ابغى افهمه يجحد الموضوع ماني عارفة.............واذا سألوه بيعترف بسهولة.......... قلت احسن شئ اخليه في الغرفة.......اعطيته كراسة والوان (كان موهوب بالرسم)وقلت ........ارسم سيارة عمك ولا تطلع............ خرجت لقيت ابو فيصل معصب...........وسأل عن فيصل............قلت بصوت هادئ: الحساد كثير...........والسيارة برا..........اي احد بياخذ مسمار ويفش غله في السيارة..........وبعدين كل مشكله تحصل لازم فيصل يكون فيها.......... ومسك بأيدي وقال تعالي............ومشى بي حتى وصلنا السيارة(كانت في الحوش)........وقال شوفي...........صراحة هالني ما رأيت...........لكن تمالكت نفسي وحولت القضية.........واخذت اندب حض عم فيصل........... وقال ابو فيصل..........ولدك بينضرب يعني بينضرب..............اوقفت التمثيلية.........وقلت ليش مصرين انه فيصل...........حرام الظلم.......... مسك بيدي وسحبني امام السيارة وقال شوفي...........صراحة شفت شئ ما كان يخطر على بالي ...........خرب علي كل خططي.............تدرون وش شفت............ شفت فوق الكبوت...... رسمة بيت .........وجنبه شجرة .........وتحتها توقيع فيصل.........الاسم الثنائي (كان دائما يغلط ويحذف سنه الصاد)......... كأنه عجبه الوضع وقرر ينثر موهبة الرسم فوق الكبوت.........انا سمعت ان الرسامين يرسمون في ورق ..........في لوحة............مرة مرة في جدار..............اما فوق كبوت .........ماعمري سمعت.........بس فيصل خلاني اشوف مو بس اسمع.......... عاد انا سكت ...........وانسحبت بكل هدوء..........ورحت البيت...........تحديدا غرفة النوم..............وجلست ادور مفتاح البيت..........ولقيته في الشنطة........وقفلت البيبان ..........لان حوشنا واحد.......واذا خرج فيصل ........يمكن ماعاد يرجع......... استمر الحبس الانفرادي اسبوع فقط.............بغى يموت فيصل (ماتعود على الجلسة في البيت)..........وبعدها سافر عمه وصلح سيارته وتناسى السالفة........ الجدير بالذكر ..........ان عمه هذا صدم بهذه السيارة قبل تكمل سنه من عمرها...........ودخل بها تحت شاحنة كبيرة(تريله).........في حادث مروع............دخل على اثره المستشفى شهرين........اما السيارة كان مكانها المناسب (التشليح)......... كان فيصل حزين.............لكن لا اعلم..... على عمه..........او على السيارة..........او على رسمته الثمينة. نستفيد من هذه القصة انهم موهوبون موهبة غير عادية مثل (الرسم - الخط - برمجة الكمبيوتر.......) ولو لاحظتم ان مواهبهم صامتة (لاتحتاج الى كلام) فيجب ان نكشف مواهبهم وننميها لهم قبل ان ينموها هم بطريقتهم الخاصة. وايضا هم لا يعرفون الكذب (يقولون الصدق ولو على انفسهم ) |
رد: يوميات فيصل (الجزء الثالث ) قصة حقيقية
مشكووووووورهـ ...
يعطييج آإلف آإلف عآإفيه ع هيــــك قصه... وربي ماتمنيت آإنهآإ تخلص ... آإلقصه آإبدآإع فديت قلبج... آإلله يخلي لج فصوووول يآإرب ... |
رد: يوميات فيصل (الجزء الثالث ) قصة حقيقية
ربي يحفظ لكم فيصل ويخليه لكم ويمد باأعماركم وتشوفونه عريس:mh001:
اسعدتينا ياأم فيصل بقصص فيصل ومشاكساته ،.:119: وفعلاً هم أذكياء كثييير وأكبر مثال عندي بالحياه وقريب مني أختي مثل فيصل بس نوع الأعاقه أشد من فيصل ومع ذلك كل العالم ملاحظه عندها حدة ذكاء وإنتباه قويه..ماشاءالله تبارك الرحمن.. الحمدلله ربي ياأخذ ويعوض فالحمدلله من قبل ومن بعد على كل حال.. شكراً لكِ أم فيصل على هذه القصص الممتعه..:tongue: :106::106::106: |
رد: يوميات فيصل (الجزء الثالث ) قصة حقيقية
[gdwl] الله يخلي لك فيصل يارب [/gdwl] |
رد: يوميات فيصل (الجزء الثالث ) قصة حقيقية
اقتباس:
الله يعافيك وربي شجعتوني >>>>>>>وصدقت عمري واحسست بالغرور>>>>>>>حتى حدثت نفسي ان اترك كتابة القصة حتى يذهب هذا الغرور لكن تراجعت عن هذه الفكرة بعد ان رأيت الدعاء لفيصل ينهال عليه من اناملكم العطرة |
رد: يوميات فيصل (الجزء الثالث ) قصة حقيقية
اقتباس:
فيصل عريس !!! ما أظن لان الزوجة بالنسبة لفيصل (الان على الاقل) مجرد خسارة فلوس -بخيل- لكن اذا كبر بيغير رأيه هههههههههه بس اختك اذا تنفع معها السماعة حتكون زي فيصل لان سمع فيصل شديد الى شديد جدا الله يسعدك انتي واختك ونشوفها عروسة |
رد: يوميات فيصل (الجزء الثالث ) قصة حقيقية
اقتباس:
الله يسمع منك ويسعدك حبيبتي:106: |
رد: يوميات فيصل (الجزء الثالث ) قصة حقيقية
بسم الله ماشاءالله
الله يحفظه صرآحه تفاجأة من سالفة الرسمه ما شاءالله شي فوق المتوقع بصراحه أغبطك عليه الله يخليه لك :love080: بالله أمتعينا بقصصه من جد شوقتيني أشوووفه:tongue: |
رد: يوميات فيصل (الجزء الثالث ) قصة حقيقية
اقتباس:
الله يسعدك ويوفقك حبيبتي:106: حتى انا ماكنت متوقعه الرسمة ورطني هذيك اليوم الله يصلحه:000: طبعا هذي الموقف لا يمت لذكاء بصله لكن ربما براءة الطفولة>>>>كانت قوية حبتين عند فيصل:biggrin: |
رد: يوميات فيصل (الجزء الثالث ) قصة حقيقية
هههههههههههههههههههههههههه
هههههههههههههههههههههههههههههههه ههههههههههههههههههههههههههههههههههههه هههههههههههههههههههههههههههههههههههههههههه وربي ضحكت الي خلااااااص بطني بطنننننني :hahahahahah::hahahahahah: تذكرت مرة ابوي مزبط سيارته الصغيرة بيبيعها :119: ورحت انا واختي اللي اصغر مني بسنه بالحجر الخرسان نشخمط فيها وحرووووف وقلووووووب :(269): وآخر شيء لعبنا اكس او o x هههههههه:hahahahahah: وربي ياجاني ضرررررب بيدي :Cry111::Cry111: خلاااص لدرجة ماعاد حسيت فيها :bawling: هههههههههه |
| All times are GMT +3. الوقت الآن حسب توقيت السعودية: 11:58 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه