ملتقى طلاب وطالبات جامعة الملك فيصل,جامعة الدمام - عامة تجربتي للتسجيل في كلية الغد..منذ سنتين..

تجربتي للتسجيل في كلية الغد...منذ سنتين...واهم النتايج اللي انا طلعتها..

اخواني واخواتي حابة اكتب واشارك تجربتي للتسجيل في كلية الغد

انا متخرجة من الثانوي عام 1432-2011 اول سنتي راحت علي بسسبب ظروف خاص خلاني اسافر برره واجلس 5-6 شهور...المهم
بعد مارجعت من براا قررت اني اول شغل هساوي اني اقدم لكلية الغد...طبعا وانا زي كل وحدة كنت ابحث واستفسر عن كل التخصصات في البداية كان نفسي في طب الطوارئ بس طبعا انخدعت بالاسم وبحثت انو تخصص متعب جدا ولكن له اجر كتيررر... في يوم 16-07-2012 ..جهزت اوراقي ووديت الكلية اخدو اوراقي وكتبوا اسمي,وكتبوا رقم جوالي,مررة كنت متحمسة وفرحانة..وكنت كل اسبوع اتصل عليهم من رقم الجوال اللي اعطوني لانكم تعرفو كيف معاملتهم معاكم..ومايردو على رقمهم الثابت..المهم قالولي احنا نفكر نساوي مقابلة شخصية بس ماحددنا اليوم قولت طيب وقت ماتحددوا اتصلو علي في نفس اليوم الليلة الساعه 10 اتصلوا علي قالولي بكرة مقابلتك..قولت طيب وطبعا زي اي وحدة وانا اتابع المنتدى واشوف تجارب البنات في المقابلة الشخصية واش يسالوا ويسالوا انجليزي وهكذا.. طبعا دخلوني اول مجموعة كل مجموعة تتالف من خمسة اشخاص..روحت وسالتلي ليش تختاري التخصص واسمك وجنسيتك..وماسالولي سؤال بالانجليزي ...المهم استنيتهم كمان تقريبا بعد شهر اتصلت عليهم.قالولي للاسف السنة دي ماهنفتح التسجيل..طبعا صدمة قويا جداا ...طول السنة فرحانة وتستني يقبلوكي الكلية وزي غيرك تبغي تتخصصي وتشتغلي وتالفي في مخك احلام وخطط للمستقبل..طبعا انصدمت..جلست افكر اش اساوي وحسيت نفسي خلاص ماقدر اعيش تخيلو وصلت لهدرجة يعني..وغلطتي اني على الفاضي زعلت وحزنت..وكل وحده كانت تقولي كل تاخيره لها خير..كنت بصراحة مانتبه كلامهم وماكنت اقول الحمد لله وحصل خير..وطبعا بعد مددة من الزمن قالولي ادخلي جامعة تانية قولت لا ما هدخل وبعد شهر طبعا دخلت بدوون نفس للجامعة العربية المفتوحة رغم كل السلبيات..

ودرست سنة ...وقبل شهر.نشرت على المنتدى انو التسجيل هينقتح في بداية شهر شعبان..لان صحبتي كانت هتتسجل ...وانا قولت خلليني انشر على االمنتدى والكل يستفيد..والله يعطيه الف عافية الاخ انسان انا..قللي قدمي ماتخسري حاجة..قولت خلليني اقدم ازا في نصيب ادرس وازا مافي نصيب هرجع للجامعه واكمل..روحت قالولي نسبتك قليلة قولتلهم طيب حطوني على الاحتياط..وطبعا كالعادة انا سويت اللي علي..قولت اكيد هما يخبرولي بعد العيد..يوم 15
-7_2013 يعني يوم الاثنين جاني رسالة مكتوبة لقد تم قبول طلبك بكليات الغد بالمدينة الرجاء مراجعة مقر الكلية...وكالعادة في المنتدى سالت الاخ انسان انا الله يخلي لنا سار زي اخونا وابونا نستشير كل شي يحصل فينا وناخد رايوا.:34:..:))))قاللي الظاهر انه تم قبولك..اتصلت الطهر قالولي سددي وجيبي الايصال والاوراق المطلوبة..روحت البنك..واخدت الايصال..وروحت الكلية..وطبعا عبيت الاستمارة..قالولي روحي المقابلة والحمد لله الدكتورة عجبتها كلامي و ثقتي بنفسي و بلغتي..واخدت الرقم الاكاديمي باقيلي الكشف الطبي استنى النتيجة ..والحمد لله اني وصلتي الى هدفي..وربي يسهللي انشاء الله في الدراسة و بعد التخرج..

اهم النتايج يااخوان ويااخوات الي انا استنتج من تجربتي للتسجيل في كلية الغد :

1-عدم فقد الامل..
2-عدم التمرد..
3-التوكل على الله والثقة بالله..وكثرة العبادات والدعاء لان الله يحب العبد الذي يطلب منه..وخاصة اثناء الليل..وانا نجحت هكذا..:21:
4-كل تاخيرة لها خير..ربنا يفكرنا اكتر من احنا نفكر في نفسنا..
5-ربنا يرزق لعباده الافضل والاحسن طالما نحن نشكره ونحمده..
6-النجاح في الشي اللي انت تبغاه تمتلكو عشان تقدر توصله بسهولة طبعا بازن الله..
8-الصبر..
واتمنى للكل النجاح والتوفيق..
والكل اللي في المنتدى يسامحني ازا غلطت عليه ...ومعليش نفخت راسكم بكلامي

:29::29::17:

ارجو ان يستقل موضوعي في المنتدى عشان الكل يستفيد..