ملتقى طلاب وطالبات جامعة الملك فيصل,جامعة الدمام

- قصائِدكم و خواطركم [ خاص ] (https://vb.ckfu.org/forumdisplay.php?f=344)

- - البعد اشوفه بأغلب الاوقات زين (https://vb.ckfu.org/showthread.php?t=835266)

البعد اشوفه بأغلب الاوقات زين

صباح الخير

معانقه بسيطه ماتجمل عقب الغيبه ( الله يبارك بالجامعه ووقت الدراسه اللي يجمعنا ونكتب )

مافيه بعيوني كلام ولاسلام
انا كذا ما أحب قرب العالمين

لاتلحقن شرهه ولا يلحق ملام
البعد دايم بأغلب الاوقات زين

اترك مسافه كافيه عن الانام
وعن الوجيه اللي تضر المسلمين

اخترت بعدي عن مشاريه الغرام
وريحت قلبي من معاناة السنين

شريت راحة خاطري في كل عام
يوم ان بعض الناس بلشوا بالحنين

مابين بيت ومسجد وبر ودوام
مبعد بوجهي عن وجيه العابرين

مالي صلاح بقربهم ولا اهتمام
وعندي اكتفاء بداخلي للمخلصين

يامدورتني كان بالقلب احتدام
مالي هوى قربك وبكره راحلين

لاتزعلين الحق مايزعل كرام
وحنا كرام ابناء كرام وطيبين

مانقتفي من يقتفينا بالكلام
وحتى اذا شانوا علينا مانشين

قلوبنا بيضاء مثل لون الغمام
ووجيهنا وحده ولانملك اثنين

ابنصحك لله من قبل الختام
خلي اليسار يسار وامشي لليمين

ماحد بعايش دوم لله الدوام
والمسلمين تخاف رب المسلمين

لاتلحقيني شرهتك والا الملام
البعد اشوفه بأغلب الاوقات زين

محمد الشمري

ولكل من يمر من هنا تحية تقدير