الوظايف
 

السلام عليكم
الي تخرجو من الاكاديمية وتوظفوا ماشاء الله ياليت يقوولولنا فين قدموا وايش الاوراق المطلوبه عشان نجهزها من بدري خصوصا الي زي حالتي ماعندنا وزارة الخدمة المدنية يعني لازم نسافر عشان نقدم
وكم الرواتب الي نستلمها بعد إذنكم

رد: الوظايف
 

في التشغيل الذاتي بي الصحه يفتح كل ثلاث شهور

وفي مستشفى الحرس الوطني افضل بس يبي لك اجتياز اللغه حقهم فقط

وفي مستشفيات اخرى مثل التخصصي والمستشفيات الخاصه

الافضل انك تقدمي على مستشفى خاصه تشتغلي ابو خمس شهور او ستة شهور او سنه

وتقدمي على الصحه تشغيل ذاتي ويكون ملفك فيه خبرة بعد التخرج وراح تكون من نصيبك باذن الله

رد: الوظايف
 

الف شكر يعطيك العافية ع المعلومات
بس ما قلتولي كم تكون الرواتب سواء فالمستشفى الخاص او الوظيفة الحكومية
وايش افضل التشغيل الذاتي والا الخدمة المدنية وكم رواتب الخدمة المدنية سمعت انها حلووووه
لأني خريجة جديدة وماعندي احد فالعائله او المعارف فالتمريض او الصحة وماعندي خلفية او معلومات عن اي شي

رد: الوظايف
 

رواتب مستشفيات الخاصه مابين 3500 ال 4000

اما الوظائف الحكوميه في المستشفيات = 6000 الي 8000

اما التشغيل الذاتي من 7000 الي 9000

يعني بحدود بين هالارقام

التشغيل الذاتي عقود تتجدد سنويا وراتبه اعلى بقليل

الوظائف الحكوميه بي الصحه يبي لك تسجلي في الخدمه المدنيه معلوماتك من درجتك وامور ثانيه بس انها تطول على بال ماتجيك الوظيفه

الافضل ياانك تمسكي وظيفه في مستشفى خاص واذا جاء تسجيل في مستشفى تشغيل ذاتي حسب المدينة اللي انتي فيها

وقدمي اذا قبلوك اسحبي من الوظيفه الخاصه وخليك بي التشغيل الذاتي لين تجيك الترسيم اللي هي تحولي حكومي

اي استفسار تفضلي خيتو:icon19:

رد: الوظايف
 

الف شكر ع التوضيح اخوي
وفهمت من كلامك انه افضل شي الوظيفه الحكومية عن طريق الخدمة المدنية
الله يكتب الي فيه الخير لي وللجمييييع يارب
الله يوفقك ويسعدك