ملتقى طلاب وطالبات جامعة الملك فيصل,جامعة الدمام - اذا خشيت وماصرت ملياردير , لاتسلم علي !

- ملتقى المواضيع العامة (https://vb.ckfu.org/forumdisplay.php?f=3)

- - اذا خشيت وماصرت ملياردير , لاتسلم علي ! (https://vb.ckfu.org/showthread.php?t=86145)

اذا خشيت وماصرت ملياردير , لاتسلم علي !

[align=center]
السلام عليكم ورحمة الله وبركاته !

(تستغرق قرائة هذ1 الموضوع اقل من دقيقه وتفيدك العمر كله )

من منبر سريري الموقر وكالعاده الاب في حظيني وكوب النسكافيه على الكومدينه الي يميني
قمت افكر كيف اصير غني بسرعه الحين وانا على السرير وابشركم اني لقيت حل وصرت
امتلك ثروه تقدر بأكثر من عشره مليار ريال والحين انا من اغنياء العالم والحمد لله !<< احد يبي سلف؟
الفكره كالتالي :
تخيل اني جبتك عندي واعطيتك شيك بمبلغ 10مليار ريال !
وقلت لك :هذي الفلوس حلال عليك بس عندي شرط زغنطوط ؟
عندي برنامج ضرائب راح تمر عليه الشي الي تبيه تدفع ضريبته والشي الي مستغني عنه لاتدفع ضريبته اوكي ؟؟
بتقول :اوكي غصب عنك !
نخش بالبرنامج :
اول شي يابو الحبيب نبيك تدفع لنا ضريبة النظر ولا بنفقع عيونك ونخليك اعمىا !
وضريبة النظر 100مليون ريال !
بتدفع ولا لا ؟ >> جاوب بينك وبين نفسك !
وبعدها اجيك واقول عندنا يابو الحبيب ضريبة العقل وهذي غاليه شوي الي جمبنا يطلبون 300 مليون
بس حنا بنسويلك دسكاونت وبنخلي الضريبه 100 مليون تخبر العقل نعمه !
بتدفع ولا بنضربك بأبره تخليك تلعب بثيابك ؟
وبعد كذ1 يابو الحبيب عندك ضريبة الايادي وهذي بنخليها لك عشانك غالي علينا 50 مليون بس وعندك
السوق روح سعر عند غيرنا !
بتدفع ولا جبنا المنشار الحين وقطعناهم لك وخليناك تقول عمود كهرب مالك يدين عاد دبر نفسك كيف تمسك
الاشياء كيف تاكل كيف تلبس بطريقتك مالنا شغل فيك !
وبعد كذ1 يابو الحبيب عندك ضريبة الخشم 50 مليون ريال < ماجابت راس مالها بس تستاهل !
بتدفع ولا نشيل خشمك ؟ عاد كيف تتنفس مو شغلي !
وبعد كذ1 يابو الحبيب عندك ضريبة القلب وهذ1 ضريبته عند غيرنا 100 مليااار بس حنا بنخليها
500 مليون بس بتدفع ولا نمصع قلبك من صدرك ؟
وروح دورلك احد يحرك الدم في جسمك !

وبعد كذا بنجيب لك وحده من الغاليااات مره وهي نعمة الاسلام وهذي عشانكم بس بخليها لكم بـ2 مليااار بس !
بتدفع ولا الله لايهينك شفلك بقره تعبدها ولا شمس ولا قمر تعبده ولا اعبد ابوك ولا امك مو شغلي !
هاه بتدفع ولا لا ؟؟

وغيرها الارجل وغيرها المعده وغيرها البنكرياس وغيرها الغدد
وغيرها الرئتين وغيرها الاكسجين الي في الهوى
وغيرها الماء وغيرها الارض الي تمشي عليها وغيرها النوم وغيرها الصحه وغيرها الشم وغيرها الاحساس وغيرها الغدد وغيرها جهاز المناعه وغيرها الخلايا العصبيه
وغيرها الحبال الصوتيه وغيرها الحنجره وغيرها النسيان وغيرها الكبد وغيرها الامعاء وغيرهاالكلىا وغيرها الدم وغيرها الجهاز التناسلي وغيرها الجهاز الهضمي
وغيرها الاكل وغيرها الشرب وغيرها البحر وغيرها النباتات وغيرها الشمس
وغيرها الوقت وغيرها وغيرها وغيره وغيرها وغيرها وغيرها
وغيرها وغيرها وغيرها وغيرها وغيرها وغيرها !
لو نجلس يومين وحنا نعد ماخلصنا !
احسبها كلها وشوف كم تلريون عندك ؟
اتحدى احد يقدر يحصيها !
وهذ1 تصديق لقوله تعالي

[glow=cc0000]وان تعدو نعمة الله لاتحصوها [/glow] !

الله اكرم مني بملااايين ملايين ملايين المرات !
اعطانا ها التلريونات ولا طلب ضريبه غير انا نعبده وحده وبس !
بعد ها الكلام حسيت اني غبي يوم اني اطلب مليون ولا مليونين وها التلريونات عندي !
وقلت احمد ربك على العافيه الي غيرك ناقصه شي منها وخل عنك بعض الخبال الي ماله لزووم!
ومن الغباء اني عندي ها الثروه وروح احسد فلان على سياره ولا علىا فله ولا علىا منصب !
<< بالله ماني غبي يوم افكر في زي كذ1 !
اتمنىا يكون الموضوع وصل قلوبككم قبل يوصل مسامعكم وعيونكم !
واتمنىا مايكون فيه احد غبي زيي وينقهر عشان ماعنده مليون وينسىا ها المليارات االي عنده !
<< ولو اني تنازلت عن العقل كان مافكرت بهيك موزوع !
<<بمرسمة اخوكم الملياااردير علاااجوه وشكراً ! :150:
[motr]

رجاء خاص الي ماقرااها زين لايرد !
[/motr]
[/align]