ملتقى طلاب وطالبات جامعة الملك فيصل,جامعة الدمام

بسم الله الرحمن الرحيم ,
السلام عليكم ورحمة الله وبركاته ..

,
كيف اختار تخصصي ؟

هذا السؤال محيير لطلاب وطالبات الثانوي جدآ , وبعضهم مافكر اصلا :/
كيف اعرف انا وش احب ؟ كيف اعرف قدرآتي ؟ كيف اقرر ؟ ومين استشير ؟ و كثير من الاسئله اللي تجي ب عقل الطالب ..
ف عشان كذا حبيت اقدم مساعده بسيطه لخريجي الثانويه ممكن ترتب افكاركم وتساعد في اختيار التخصص المناسب ..
رآح اعطيكم فكره عن الموضوع والمحاور اللي راح نتكلم فيها :
عشان تختار القرار السليم اسأل نفسك هالاسئله:
1/ انا وش احب ؟ وش هوآيآتي ؟
2/ ماهي قدراتي ؟ ورغباتي ؟
3/ كيف اختار فرصتي الذهبيه ؟
4/ مين احتآج لكي يدعمني ويساعدني ؟
في البدآيه خلونا نعرف مين المسؤول او اللي ممكن ياثر في عمليه اختيار التخصص ؟
المدرسه , الوآلدين , الشخص نفسه ..
المدرسه : ممكن تساعد الطلاب بحملات , وتوعيهم بأسس اختيار التخصص وتعطيهم نبذه عن كل تخصص ..
الوآلدين : لهم تآثير كبير على اولادهم فـ هم ممكن يساعدنوهم باختيار التخصص لا " الضغط عليهم " !!
الشخص نفسه: لما يعرف ويحدد خياراته ورغباته راح يسهل عليه كثير . .
نبدآ بطرح المحاور :
1/ الهوآيآت :
يحدد الطالب وش هي هواياته , الاعمال اللي يحبهـآ .. كثير مايعرف هو وش يحب ؟ وش اللي يسعده .؟
لما تحدد هوآيآتك , ابدا فكر فيهـآ كـ درآسه ممكن تتعمق فيهـآ .. وكـ وظيفه تستمع فيهـآ قبل لاتفكر بالمكسب من ورآهـآ ..
عندنا مثال : ستيف جوبز مؤسس شركه آبل المشهوره .. على انه دخله الشهري عالي ججدآ ..
وثروته ممكن تعيشه وعياله لباقي حياته بدون لايحتاج لاحد .. الا انه اكثر الاشخاص نشآطآ في الشركه ..
سألوه فأجآب :" لانني استمتع بعملي ! واشعر انني اذهب لـ العب لا لـ اعمل ".. فكر مثله وشوف وش تستمع فيه ؟

2/ الرغبه :
اذا توفر عند الطالب الرغبه بتخصص معيـن , فهو عنده الحافز الداخلي اللي راح يخليه مبدع في مجاله والأحسن بعد ,,
فيه مقوله تقول " لن تحقق حلمك الا عندما تمر بـ 10 اشخاص يقولون لك لا "
يعني انو لما تكون عندك فكره او هدف وطرحتها على شخص وماوافقك عليها !
قل له " شكرآ " انت الحين عطيتني 10 بالميه من تحقيق حلمي ..

3/ القدرة :
عشان اوصل لكم الفكره نبدا بآية من القران وكلام الله عز وجل " لايكلف الله نفسا الا وسعهـآ " ..
لازم تكون حاط في بالك ان قدراتك غير عن قدرات غيرك ممكن انت تتفوق على فلان بشي ولكنه يتفوق عليك بشي اخر ! !
عشان كذا لازم تعرف انت وش ممكن تتحمله وايش اللي ماتقدر عليه !
طيب فيه سؤال : الحين لما انا مااقدر على هاذا التخصص هل معناه اني ماراح انجح فيه ؟
لا طبعا ممكن تنجح لكن راح تحتاج جهد مضآعف اكثر لو انك دخلت تخصص برغبتك راح تنجح
بتفوق وبسهوله وميه بالميه راح تبدع فيه ..
4/ الفرصه :
اختار مجال مناسب لك وكمان تستطيع تنافس فيه , اختار مجال المنافسه تكون فيه قليله وممكن تتغلب عليهم
كذا انت اخترت فرصتك الصح واللي راح تخليك الاشهر والابرز في مجالك ..
عندنا امثله كثييره لناس مشهورين اتبعوا هالطريقه
مثل مارثا ستيورت ,, في البدايه حددت هي وش تحب واللي هو تصميم الديكور والمطابخ والطبخ والانشطه المنزليه ..
بدت عملها كـ هوآيه ثم بدت تفكر فيه بطريقه تجاريه .. واخذت فرصتها و وقتها ماكان هناك منافسين في مجالها
فـ اشتهرت به واصبحت سيده اعمال ممتازه ! !
5/ الدعم :
راح ابداها بقصه اليس المعروفه( اليس في بلاد العجآئب )
لما كانت عند تقاطع طرق حيرانة ماتعرف وين تروح ! فجاها القط وفرحت مره بوجوده وقالت له ابيك انت تساعدني اي طريق اختار
, فقال لها : انتي وش تبين ؟ فقالت : مدري
.. فقال لها : اذا كنتي ما تعرفين فانا ما اقدر اساعدك !
اما اذا عرفتي انتي وش تبين وقتها اقدر اساعدك !
هينا نستفيد انه لما تبي مساعده من اي شخص ! لازم تكون قد اخترت رغبتك ! وعرفت قدرتك ! وحددت فرصتك !
عندها ممكن الشخص اللي تساله راح يساعدك ويدلك صح !
بكذآ نكون انتهينآ من المحآور الرئيسيه ..

بس فيه كم نقطه حبيت اقولكم عنها ولازم الكل يحطها بباله !
النقطة الاولى :
مشكلة الدراسةالجامعيه ومتطلبات سوق العمل :
تكمن مشكلة الدراسة الجامعيه في عدم تواؤم مخرجات التعليم العالي مع سوق العمل، و انتشار البطالة نتيجة قلة الاهتمام بالتخصصات العلمية
كالعلوم الطبية والهندسية والمعلوماتية مع كثرة التخصصات في العلوم الإنسانية والنظرية، والتي بالنتيجة لا ترى مكاناً لها في سوق العمل
فتتحول من طاقة إنتاجية رافدة إلى عبء على الدولة والمجتمع.
حيث لا يزال الخريجين غير مقبولين في قطاع العمل الخاص لأن تخصصاتهم لا وجود لها في سوق العمل الذي يحتاج إلى المهنيين والفنيين
ممن يجيدون التعامل مع التقنيات الحديثة ويتقنون اللغة الإنجليزية والحاسب الآلي ( مقتبس من dr-saud-a.com)
هالكلام يخليك تفكر انك يفضل تختار تخصص مطلوب بسوق العمل , ! اذا كان من اهم اهدافك الوظيفه !
لازم ترسم لك خطه مستقبليه لنفسك بعد 10 سنوات وين بتكون ؟ ووش وضيفتك ؟
ابحث عن كل تخصص ومسماه الوظيفي هالشي راح يساعدك على القرار ..
احنا ممكن نعالج هالمشكله بالحلول التاليه :
توصية للجامعات و الكليات السعودية بضرورة دراسة واقع البرامج التعليمية اللي تقدمها و تطويرها بما يتلاءم و احتياجات سوق العمل، من خلال الآتي:
أ‌-تكثيف المقررات التي تركز على الجانب التطبيقي العملي الذي يسهم في إخراج طالب ملامس لواقع سوق العمل.
ب‌-تقليل نسبة من المقررات النظرية البحتة.
ج- التطوير الدائم للمناهج التعليمية بما يتواكب مع التطورات في المعارف العلمية المختلفة.
د-الاهتمام بتطوير العلاقة بين مؤسسات القطاع الخاص و المؤسسات التعليمية السعودية،
لمساعدة الجامعات و الكليات السعودية التفهم لاحتياجات سوق العمل.

النقطه الثانيه : هي معرفه التخصصات!
التخصصات فيه كثير مننا مايعرف الا الكليات بس ! مايعرف اقسامها مايعرف كل تخصص و وش اقسامه
.. كثير مننا يجهل تخصصات جيده ومطلوبه في سوق العمل واللي ممكن نميل لها كثير
. ولكننا خلينا اختياراتنا على المعروف منها بس !

جبت لكم رآبط لاختبار تجاوب ع الاسئله وتطلع لك التخصصات المقترحه عليك
الاختبار جمميل و ممتع جدا .. انصحكم به
وقد ساعدني على تحديد تخصصي سابقاً ..

http://www.college-help.org/page.aspx?PageID=2878

http://www.youtube.com/watch?v=xeip3...layer_embedded
وبعد فيه فيديو مميز جدا للرائع : علا المكتوم ..
رآح يفيدكم كثيرآ باذن الله .. مشآهده متتعه :")

بالنهآيه احب اشكركم على قرائتكم لموضوعي , اتمنى اني افدتكم وخريجي الثانويه خصوصا ولو بالقليل ..
واتمنى بعد اكون ساعدتكم للتخطيط بشكل افضل ,
الله يوفقكم ويسر اموركم .. كل التقدير مني لسموكم

,
منقولـ للفائدة

محبتكم
ريــــزاhttp://www.7kawina.com/vb/images/smilies/flw.png