|
دردش ـــي هنا :)
السلام عليكم و رحمة الله و بركاته تحية طيبة و بعد .. أحببت أن أطرح هذا الموضوع للسوالف و التعارف فيما بينكم يا طلبة و يا طالبات الطب .. :119: إلي في خاطره يسولف , يسأل , يستفسر .. يتفضل .. :mh19: ببدأ أنا أسولف لكم عن أول يوم جامعة لي >>>> قبل ثلاث سنوات كان يا مكان :cheese: قبل ثلاث سنوات من الان .. كنت تو مقبولة في كلية الطب بالاحساء ! داومت اول يوم ,, و ما شفت الكلية حقتي وين مقرها :Cry111: جلست افتر يمكن 4 ساعات , امشي و ادور ولاني لايقتها :hahahahahah: لين اخذت خريطة الجامعة :cheese: وشوي شوي , وصلت للمكان , لكنه كان محجوز ببوابة ! و غير مفتوحه :c8: انا انصدمت و شوي و اصيح :cheese: >>> حسيت نفسي بأولى ابتدائي ,, المهم لقيت وحده من تبع الامن و سألتها قلت لها وين كلية الطب :mh19: ؟؟ >>> قالت لي ما في هنا كلية طب ,, بالدمام مش هنا :s12: انا انصدمت قلت لو يدري ابوي انه بالدمام => ما في طب !! , <<< لاني ما قلت له قبل عشان يحسب حسابه في المشاوير ,, المهم حسيت نفسي ضايعه :Cry111: لاني ما كنت اعرف حد بالجامعه بتاتا , و بالغلط شفت بنت من بنات مدرستي كان انبسط كثير :cheese: و على طول الصق فيها و اقول لها على قصتي , قالت لي ايــــــــــــــــــــه >> انا شفت بنت من بنات مدرستنا مقبولة في الطب و راحت هناك تستلم جدولها كان اشكر هالبنت و اروح للمكان الي قالت لي عليه و شوي شوي الحمد لله تعودت ع الجامعة :cheese: اتمنى لكم قضاء وقت ممتع في اول يوم بالجامعه :119: تحياتي |
رد: دردش ـــي هنا :)
اهلا بالغالية ارجوان مموضع مميز لان طبعا اول يوم بالجامعة لازم يكون معاناه:Cry111::Cry111: انا اول يوم بالجامعة رحنا الكلية وطبعا تحوسي ولا تدري عن شي ،، قاعدة مستانسة ولا يصدموني ويقولوا لي انتوا سنة اولى بتدرسوا هالسنة في مبنى المجتمع القديم:Cry111::Cry111: ،، وبتكونوا تابعين اكثر إلى كلية العلوم >> انقهرت:017::017: ( انا طب شلون اتبع علوم:017: ) وشلت شلايلي :017:،، ووقفت بالشمس استنى الباص عشان اروح الجامعة ( لان كانت كليتنا والجامعة مابعد يفتحوا البوابة الي بينهم:Cry111: ) وبعد عناء رحت الجامعة واحوس احوس اني احصل هالمبنى ( المجتمع القديم ) مااحصلة:Cry111: شفت بنات اعرف انهم معي بالدفعة رايحين عمادة القبول واروح معهم ( مع الخيل ياشقرا:cheese:) والصدمة ان عمادة القبول تقول روحوا المبنى الاول الدور الثاني اول مكتب هم بيعلموكم عن كل شي ( طبعا ماكنا ندري انه مبنى الزراعة وشكلهم عمادة القبول بس يبون يفتكون منا:017: ) ورحنا المبنى زي ماقالوا والابتسامة البريـءـة على وجهنا وندخل المكتب ونقول للإدارية ( احنا بنات الطب وقالو لنا تعالو هنا :sdfgdsf::sdfgdsf:) ولا الادارية قامت وعصبت وقالت -----------------------------:017::017: ،، وطبعا رجعنا نجر اذيال الخيبة:c8::c8: ،،، والله حكاوي اول يوم ماتخلص بس الحمدلله على كل حاال:119:، والدو عليكم يادفعة 2010 تذوقوا الي ذقتاه >>> شــريرة:hahahahahah: شكرا اختي ارجوان ومع بداة السنة ان شاء الله ابي اتعرف عليك فيس تو فيس :praying: >> قاطة وجه:cheese: |
رد: دردش ـــي هنا :)
اهلا اختاي
انا افكر في هاللقطة اشلون بتصرف خصوصا ما معي احد اعرفه ابدا بالطب خصوصا لما سمعت انهم راح يخلونا قروبات يعني ما راح اشوف صقيقاتي <<< ابتدائي ورا المسجد يعني لما تشوفون وحدة تطالع يمين يسار في الجامعة لاتضحكون تراني مضيعة امي:hahahahahah::hahahahahah: الله يستر موفقين :s12: |
رد: دردش ـــي هنا :)
اختي الدكتورة اسراء
شكرا لك ع المشاركة و يسرني التعرف عليك :119: ,, بس شكلك بتقولين اذا شفتيني >>> يووووووووه عرفتك بس ما كنت ادري انك اورجوان :cheese: :119: دلوعه غير ,, ولو حنا موجودات :cheese: ممكن نكون امك بأول يوم :hahahahahah: ,, ان شاء الله اذا ما درسنا أول يوم بروح اتطمن عليكم يا سنة اولى :cheese: <<< خبرك سنة ثانية و فوق => دراسة من اول يوم :000: الله يعينا ان شاء الله بالتوفيق لكم يا رب |
رد: دردش ـــي هنا :)
هههههههه اختي دلوعة لاتعبي نفسك اول ماتجي خلي احد يدلك عالكلية وبتلاقي كل دفعتكم التايهه هناك وبعدين بصرفونكم:cheese::cheese:
اختي ارجوان والله اني شاكة اني اعرفك بس ياخبر اليوم بفلوس بعد 3 اسابيع ان شاء الله يصير ببلاش:cheese::cheese::cheese: دمتم بخير |
رد: دردش ـــي هنا :)
اقتباس:
:cheese: بس باقي 3 اسابيع و تخلص العطلة :c8: لو يزيدونا شهر <<<< :hahahahahah: :119: مضت العطلة بسرعة |
رد: دردش ـــي هنا :)
يووهـ ذكروتني بالعام :000:
كنت مع ابووي بالسياره ولمه قربنا للجامعه قال هاااه بشري كيفك الحين انا :sdfgdsf: احس قلبي شوي ويطيح من مكانه خاصه اني مااعرف احد اول مادخلت مبنى الطب شفت بنات يتهامسون بس سمعتهم :Cry111: يقولون ياحياتي سنه اولى مايدرون عن شي :Cry111: يالله احس اني كنت مثل الاطرش بالزفه ثم محد عطانا وجه :bawling: اليوم اللي بعده تعبنا واحنا نحووس وطبعا ضايعين مو عارفين شي والجامعه فاضيه مافيها الا شوي بنات والاغلب طب ومااحنا بدراين شسالفه :Cry111: بعدها قالوا تعالوا بكره ورحنا لكلية الطب وعطونا وجه واشين شي انهم مو معترفين فينا :cheese: خاصه ان احنا ماندرس بالمبنى معاهم فضعنا ازيد وازيد :Cry111: |
رد: دردش ـــي هنا :)
ههههههههههههههه
حرام عليك يا مزعوجه ترانا نعطي وجه بس بيني و بينك :cheese: لأن الدكاتره يدرسونا من اول يوم و من صباح الله خير <<< يضيق خلقنا و نبدأ نكشر ههههههههه بس الي يحتاج اي شي ,, :cheese: انا موجوده ان شاء الله أول يوم >>>>>> سبيل :hahahahahah: بدلي كل الي ما يدلون |
رد: دردش ـــي هنا :)
هههههههههههههههه فللللللللله والله مشكوره بالبداية اورجوان على فتح هالدردشه الحلوه..
اانا عني امممم اتوقع معروفه لااني شيطونة الدفعه مثل ماسمتني الدكتورة اميرة :cheese: مع اني والله هاديه بس لااتكلم وشوي كلا اتحرك والضحك عندي شي :t1:..كنت بقروب 2 ..اطلقوا علي بعض البنات لقب جالكسي لااني من قبل ماابدأ اي اختبار صكيت هذاك الجالكسي وجلست آآآكل خخخخخخ:hahahahahah: اخفف التوتر ينقال لي... اول يوم حالي حالكم طبعا لازم الخووووف وغير كذا كنت واثقه من نفسي جد >>برا :cheese: دخلت اذكر المبنى لااني كنت مع ابوي ياحياتي هذاك اليوم ماراح شغله عشان بس يتطمن ويوصلني بدل امي هع :cheese: امممم كنت معصبه بهاليوم فكان شعور الخوف رايح شوي أذكر الحلو بعد ان كانت معي وحده شفتها كان واضح من وجهها انها ضايعه فعرفت انها من اولى وصرنا مع بعض وووبس والحلو بعد صارت معي بالقروب خخخخ :119:..اممم اساسا تعهدت لنفسي اني اساعد اساسا بنات هالسنه عشان مايخافون يعني لاتخافون بكون موجوده :cheese: على قولة اورجوان بنصير الماما..فللله على الاقل كبرت وععع ياشينها لاقالوا لي اي سنه اقول اولى اووووه احس اني صغيرونه...:hahahahahah: أذكر اي صح بااول يوم لي اذكر لما وقفونا عشان الباص بعدين كنسلوها كنت معصبة ووقفت انتظر السايق وأذكر صح صح مروا علينا بنات سنة ثاني وعرفت انهم سنة ثانيه لااني ناظرتهم وخزيتهم قاموا يقولون ياحليلاتكم سنة اولى برئين انا :017: ثرت وخاصة انا كنا بالثانوي الكل بالكل ثالث :hahahahahah:.. امممم يلا الله يوفق الجمييييييييييع :praying: |
رد: دردش ـــي هنا :)
الا صح عنـــــي بالعكس كنت مبسوطه انهم ماخلونا بالمبنى لااني جد أذكر اول مادخلته اول يوم جاني مثل شعور الاكتئاب مااحبه كثييير يمكن احبه مع الايام ..امممم بالعكس كان وناااسه هناك عجبني وضع انهم حطونا هناك مع العالم ..>>تحب تدور بااأرجاء الجامعه خخخخخ:cheese:
ولااني كنت اقرب لصديقاتي هناك فيمكن بالعكس كان معطينا دافع للتأقلم مع الجامعه انا عني تجربة كانت ناجحه معي كونهم نقلونا لهذاك المبنى ..:mh19: |
| All times are GMT +3. الوقت الآن حسب توقيت السعودية: 11:24 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه