ملتقى طلاب وطالبات جامعة الملك فيصل,جامعة الدمام - خاص للطلاب والطالبات اللي أنتقلوا للمستوى الثاني أن شاء الله ضروي تدخل أذا انت واثق أنك ناجح

بسم الله والصلاة والسلام على رسول الله صلى الله وسلم وعلى آله وصحبه أجمعين ..
السلام عليكم ورحمة الله وبركاته ،،،

يسرني ويسعدني أن أبارك لكم –مقدماً- بالنجاح سائلاً المولى عز وجل لي ولكم ولجميع المسلمين التوفيق والنجاح في الدارين "اللهم آمين" وأن يسعدنا أجمعين ,, ياسلام كلها سويعات وتلع النتائج ... الف الف مبروك للجميع .. يالله متى تطلع عشان تنجحني أمي آي فووون أسفووور أسفوور والأ أس حمامه :(284): أدري فور أس 4s
طبعا هذا الكلام للي واثق من نفسه وخلاص عدل المستوى في وصفه وحطه المستوى الثاني ...ويااارب الكل يكون ناجح..
أنا أن شاء الله أني عديت المستوى الأول وبإذن الله، -ولو لا قدر الله- ممكن احمل معاي الرياضيات – عادي الحمد لله ماني أول واحد يحمل بمادة !! وحنا بعد لسى في بداية الطريق - وبالعكس والله حتى استفدت كثير من شكي أن بحمل الرياضيات لأني رجعت اسمع المحاضرات بعد الاختبارات ولحد الحين بين فترة وفترة ادخل على اليوتيوب وأتفرج على حنفي :53:.. تحضير لولا لا قدر الله وحملت ، وبنفس الوقت أكون صدق استفدت من المادة وعرفت القوانين المهمة، وبصراحة أحس أنه سهل مرره لكن أنا أخطيت و ما عطيت نفسي فرصة وذاكرته من بدري ....
وعندي بعض الأفكار اللي ودي أشارككم فيها طبعا بحكم أنا صرنا قروب واحد (أخوة وأخوات عن بعد) :d5:وفي مستوى واحد وتخصص واحد..
هذا الكلام للأخوة والأخوات اللي خلصوا من المستوى الأول هذا العام وانتقلوا أن شاء الله إلى المستوى الثاني ..
بما أنه حصل أخطاء وتقصير منا ( بشكل مقصود منا أو غير مقصود الواحد يمقن كان ما يعرف أو تكاسل منه .الخ ) خلال الفصل الماضي، أنا أقترح انه تكون مواضيعنا -طبعا في منتدى المستوى الثاني أن شاء الله- في بداية الدارسة للفصل الثاني تكون أفضل من المواضيع السابقة وممكن أوضحها لكم بأمثلها .. وطبعا مجرد اقترح ممكن تعدلون عليه ممكن تزيدون عليه ممكن ترفضون الفكرة من أصلها ..أي شيء منكم مقبوووول هذأ الرأي ومنكم المشورة ..
1. أول شيء نسوي موضوع خاص فينا-ونسجل أسماء المشتركين معانا. عشان المتابعة :33_asmilies-com:
2. يتم تحديد أكثر من منسق/ة (اللي تقترحونهم علينا والأنسب لنا ) تكون مسئولية المنسقين تسجيل أسماء المشاركين معانا، لأن راح يكون فيه متابعة لكل الأعضاء ( مثلا لو نزلت محاضرة رقم 1 بالبلاك بورد نفتح موضوع جديد أسمه مثلا محاضرة واحد قانون يفتح الموضوع من قبل أحد المنسقين ويتم متابعة الأعضاء هل هم نزلوا وشافوا المحاضرة أو لا) عشان نذكر بعض ، وبنفس الوقت نشجع بعض ، ونتنافس مع بعض ..بيكون لها جوو أن شاء الله ( أنا نزلت المحاضرة الثاني يقول أن شفتها كاملة الثالث يقول أنا فهمتها .. وهكذا عشان نتافس ونفهم المادة حبة حبة محاضرة محاضرة طالب طالب ...:)
3. متابعة المحاضرات: اعتقد واضح بالمثال السابق لكن بكون لكل المحاضرات، كل ما تنزل محاضرة نسوي فيها مثل المثال السابق .. وبصراحة المحاضرات هي الأساس !! ( أساس بيتكم فين ؟؟!! خليك فاكرر :lllolll:) لا جد إذا فهمت المحاضرات صدقني بتفهم كل شيء بتعرف تحل الواجب وتعرف تحل المناقشة وتعرف تحل الاختبارات النهائية ومن نفسك طبعا بعد ما تفهم المحاضرات اللي شفتها والوقت بيكون معااك لأنه راح نبدأ أن شاء الله بعد إعلان النتائج إذا اتفقنا على هذه الأفكار!!!
4. متابعة حل الواجب : الإعلان عن نزول الواجب بالبلاك بورد، المحاولة الأولى تكون من نفس الطالب وفهمه للمحاضرات اللي شاهدها وعادي لو يخطي بالمحاولة الأولى، فقط يسمح له بالمحاولة الأولى يحلها من نفسه ويمديه يرجع للمحاضرات اللي سؤال بيكون يتكلم عنها، وتقريبا تقسيم الأسئلة كالتالي : السؤال الأول بيكون عن المحاضرات (من 1 إلى 4) السؤال الثاني بيكون عن المحاضرات (من 5 إلى 8) والسؤال الثالث بيكون عن المحاضرات (من 9 إلى14) طبعا تقسيم تقريبا! وإذا جواب الطالب بالمحاولة الأولى (خطأ) يرجع للأعضاء والمنتديات ويبحث عنها( طبعا بتكون أمانه وما أحد يكذب علينا يقول حملت المحاضرة وهو ما حملها مثلاَ أو أنه يقول حصل بالواجب و3 من 3 وهو ناسخ السؤال وحاطه بقوقل وطالعته الأجوبة ويمقن تكون بعد نفس أسئلة العام ويمقن لا .. أهم شيء الأمانة هنا لأنه هدفنا نستفيد وننجح مو بس شهادة فقط .. نبغا نستفيد من المواد ونتعلمها مدام الفرصة متاحة لنا والمدرس على كيفنا نشوفه متى مانبغا ونخليه يعيد اللي قال وما فهمنا الالاالاف المرات :oao: بحكم انه مسجل ومقطع انت تتحكم فيه ..تقدم ترجع توقف اللي تبي مدرس علي كيفك لا تقول استحي ما أسئله!! أو أنتي تقولين أنك تستحين ماتسئلين ..:)...
5. منتدى الحوار "حق البلاك بورد" مجرد اغلبنا كان ينسخ ويلصق، أهم شيء الدرجة:(107): وهذا حق مشروع.. لكن ما أحس أنه يستفاد منه بشكل صحيح، وترا المناقشة مهمة لفهم المادة، أنا أقترح أنه ننسخ المناقشة ونطرحها هنا ونناقشها في ما بيينا ...
وبعد لازم يكون الواحد يشارك بمنتدى الحوار"حق البلاك بورد" بحل من نفسه لا يعتمد على أحد وينسخ (واقسم بالله أني أضمن لك أنك تأخذ الدرجة كاملة إذا شاركت برأيك طبعا بعد ما تكون شفت المحاضرات وعرفت عن أيش تتكلم المناقشة ،وحتى لو تكون محاولتك خطأ صدقني راح تحسب لك لأنك شاركت حسب معلوماتك اللي أخذتها من المحاضرة وأكيد ما راح تكون خطأ خطأ :mh12: لكن بتدل على أن صدق شاهدت المحاضرات وهذا الهدف المرجو. وبعد لازم نغير الصورة اللي يمقن تكون أخذتها الجامعة عنا لأني بصراحة أنا أشوف أن أغلب المناقشات نسخ ولص ..والجامعة كثير متساهلة معنا وخاصة بالمناقشات بمجرد مشاركتك أي كانت حتى لو السلام عليكم تحسب ..الله يجزاهم خير لكن لأزم نبين للجامعة أنه صدق نبغا نستفيد وفعلا استنفدنا ونشارك بمناقشات اللي كتبنها بأنفسنا.ويطلعون عليها الأستاذة وتتغير الصورة .

هذا والله أعلم ورد العلم إليه اسلم ..

وصلى الله وسلم على نبيا محمد وعلى آله وصحبة أجمعين

أخوكم
أبو الوليد
الرياض

أسف على الإطالة !!! بس والله من المغرب وأنا جالس أكتبها يعني تعبت بالكتابة وتجميع الأفكار ومحاولة تنسيق الكلمات والفقرات وأسف على الأخطاء الإملائية والإنشائية والنحوية ..:) لكن لأجل عين تكرم مدينة ، وبصراحة وبما أني واحد منكم حبيت أشارككم في هذا الرأي ..

تنويه:
هذا الموضوع خااص فقط بطلاب وطالبات الانتساب بجامعة الملك فيصل أعضاء منتدى ، مع حرية النقل والتعديل والنسخ والنقل وبدون الإشارة للكاتب .. فقط دعواتكم أي كانت لي بظهر الغيب لا أكثر ( وأن دعيتي لي فأبشر بالمثل)عَنْ أَبِي الدَّرْدَاءَ رَضِيَ اللَّهُ عَنْهُ، أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ". أخرجه مسلم (4/2094 ، رقم 2732). وأخرجه أيضًا : أبو داود (2/89 ، رقم 1534)