ملتقى طلاب وطالبات جامعة الملك فيصل,جامعة الدمام - جميع التخصصات إلى كل من تريد الإلتحاق بقسم ( المكتبات ونظم المعلومات)

بسم الله الرحمن الرحيم

السلام عليكم ورحمة الله وبركاته ..

اكمل ما بدأت به دروب هوني :004: ، وحتى يكون مرجع للي يبون يتخصصون مكتبات .. :rose::004::rose:

المعدل
على دفعتنا كان 3 ونص وفيه بنات اقل من كذا ودخلوا ~> على حسب المقاعد يعني يقبلون الآعلى من معدلات الراغبات في دخول القسم ثم الأقل حتى تمتلي المقاعد ، اظن دفعتنا 200 طالبة ..

تقسيم الدرجات عند ككككل دكاترة القسم مووووحد تقريباً
( 25 > شهري / 40 > نهائي والباقي يتصرفون فيهم بين واجبات وابحاث ومشاركة )

الدكاترة > مو من كثرهم .. :sm5:

عددهم 4 بالاضافة إلى 2 معيدات والقسم بحاجة إلى اعضاء هيئة تدريس فاللي داخلته على هالأساس قدامها فرصة كبييييييييرة .. :58545::(204):

د. عماد عبد الحليم > هذا الدكتور :hhheeeart4: ، يعطي المنهج كاااامل بدون مايحذف شي واذا حذف صفحتين يحفظ ارقامهم ويرددهم كل شوي ( يذلنا فيهم ) ، اسئلته الشهري كللله مقالي ( عددي ، اشرحي ، تحدثي ، عددي مع الشرح ، فراغات ( بس للأمانه اسئلته واضحححة ، يعني باين انها موضع سؤال ، اشرحي وتحدثي اكثثثر شي 7 اسطر ، حححاولي قد ماتقدرين ماتعتذرين عن الامتحان لأن امتحاان المعتذرات عنده صععععععععب ( فرق بينه وبين الامتحان الأصلي ) > حلوة الأصلي ، النهائي داااااائما تقسيم الدرجة عنده وااحد 24 > مقالي 16 > موضوعي

د . حنان فرج > هذي الدكتورة حليوة ، تشرح من العروض وتحدد المهم وتقول عنه مهم ركزوا عليه وتجيب اسئلة في بعض العروض تبين ان هذي الفقرة مهمة ، صراااحة يمديك في مادتها تجيبين A ، بس واجباتها تقههههر مدري وش تبي لكن اسئلتها عموما النهائي والشهري حلووة واقعدي قدام عشان صوتها شوي واطي > بسسس سمعت انها آخر سنه لها بالسعودية .. :bawling:

د. عواطف المكاوي > هذي الأراء متضاربة حولها ..:sm5: انا اشوفها حليوووه ، تشرح من العروض بعد وتركز على الشي المهم وماتحاسب على الحضور والغياب ابددد وتقوله هي بنفسها ، تعطي واجبات ككثييرة ولو تقدمين بعضها عطتك الدرجة كاااملة ( اهم شي انك قدمتي شي ) قدااام عيني سلمت لها الواجب بدون ماتشوفه حطت صح ولكل البنات مو بس أنا ، اسئلتها اغلبها موضوعي والاختيارات شوي دقيقة ، وسؤال مقالي سهل >> هي تدرس تحضيري اكيد بعضكم جربها

د. ايمان نسيت عايلتها ..:cheese: > درستني الترم الأول بسس ، الترم الثاني ماسجلت عندها والحممدلله اني ماسجلت لأن الترم الأول كانت حامل ومالها خلق تمخمخ على الأسئلة وهي قالته بنفسها قالت هذي مو اسئلتي ولا طريقتي بعد بس عشاني احامل ، والترم الثاني يقولون البنات تغيييرت في التخطيط والأسئلة تبي البنت المتمكنة من القسم واحنا دوبنا تخصصنا ، المهم انا ماكنت مرتاحة لها من الأول بس تشششرح زين ..

م. منى الشمري > حليوة ، مبتدئة شوي شوي وتتمكن ان شاء الله ..:(204):

المواد
السمستر الأول
(4 مواد تخصص / 2 مواد عامة )

1- مقدمة في علم المعلومات > عماد عبد الحليم / تتكلم عن دور المعلومات في خدمة المجتمع والباحثين وعلاقتها بالعلوم الأخرى ومصادر المعلومات وانواعها ومؤسسات المعلومات ودورها .. الخ

2- نظم المعلومات والحاسب الإلكتروني > حنان فرج / تتكلم عن الانظمة التي تختزن المعلومات وكيفية أدائها ومعالجتها للمعلومات و كيفية تصميم هذه النظم > مع حنان حلووة المادة وواضحة

3- مصادر المعلومات > ايمان أن شاء الله تحمل بوقتكم ..:biggrin: / تتكلم عن مصادر المعلومات انواعها التقليدية والغير تقليدية ( الكتب ، الدوريات ومميزاتها ...الخ ,مصادر المعلومات الإلكترونية وكيفية تقييمها اذا تنفع القراء أو لآ )

4- اسس تنظيم المعلومات > عواطف / حلوووة هالمادة فيها رموز لآزم تتعرفين عليها عشان تسوين بطاقة فهرسة لمصادر المعلومات ، تتكلم عن الفهرسة والتصنيف )

(عمووووماً الترم الأول سههههههل بكثيييير عن الترم الثاني)

السمستر الثاني
( 5 مواد تخصص / 2 مواد عامة )
1- خدمات المعلومات في ظل البيئة الإلكترونية > عماد عبد الحليم / من اسمها تتكلم عن الخدمات اللي تقدمها المكتبات ومؤسسات المعلومات من خلال الحاسب الآلي بشكل مفصل وكيفية جذب القراء من خلال عملية التسويق والانتاج والتوزيع والترويج > عموما المادة دسسممة ويبيلها أول بأول .

2- استرجاع المعلومات > نظري مقسومة بين د.عماد ود. عواطف والعملي مع م . منى الشمري / شوي معقدة المادة تتكلم عن انشاء نظام لآسترجاع المعلومات وكيفية البحث في النظام بشكل جيد يضمن لك الحصول على المعلومات المناسبة بدون تضييع وقت وجهد ، ( العملي )فيه شوي من علوم الحاسب مثل : الرموز اللي نستخدمها عند البحث في قوقل مثل علامة التنصيص والرابط (و / أو ) وتكشيف الوثائق وانواعه بععد يبيلها هذي المادة ..

3- ادارة وتنمية المجموعات المكتبية > حنان / تتكلم عن كيف المكتبة تختار الكتب والدوريات والطرق التي تزود فيها مجموعتها عن طريق الشراء ولآ التبادل ولآ الإهداء ولآ الإيداع ..الخ ، و اختيار الكتب العربية والاجنبية .. الخ

4- الوعي المعلوماتي > عواطف / تتكلم عن الإنترنت وكيفية البحث فيه وأمثلة لمواقع عربية واجنبية مررررره حلوووة هالمادة اصلآ كتابها كأنه مجلة ( احس فيها كثيييير من اتصالات وانترنت )

وعموماً ترى اغلب المواااااد فيها إعادة ، يعني المعلومات في هذي المادة تشبه معلومات المادة الثانية ..

الوظايف

اذا كملتي دراسات عليا > معيدة في الجامعة > وهذا المطلوب .
مدرسة مكتبة ، أمينة مكتبة ، اخصائية معلومات في الأرشيفات بمستشفى + بمؤسسات ادارية .. الخ > هذا اللي اعرفه .. :sm5:

حاليا الشهادة مو تربوية ، لكن الطلب عليها جااااااري لأن القسم تربوي ..:wink:

وفي هذا الموضوع الخطة الدراية للقسم .. :rose:

http://www.ckfu.org/vb/t339923.html

وهذي طريقة الأستخارة .. :rose:

http://www.ckfu.org/vb/t339917.html

واهلآ وسهلآ بكم روحاً وجسد :biggrin: > استغفر الله يعني بيدرسون روح بس > يممممه .. :bawling:

وأوجه خطاااااب للشعب العربي
نحن قاااااااادمون أيها الشعب العربي ياللي ماتقرأ ولآ كلمة ولآ نقطة حرف ..:mad: > امحق خطااب :sm5:

وتذكروا مادخلنا هالقسم إلآ انه المعلومات اصبحت في العصر الحالي هي قوة المجتمعات و قياس رقيّها ..

والله يووووفقكم يااارب وين ماكنتوا ، ويكتب اللي فيه خير وصلاح لكم .. :rose::004::rose:

سوف اكون بالقرب ان شاء الله ..:cheese: :sm5: