|
ياليت ارائكم بجدول مستوى سابع تربيه خاصه
السلام عليكم ورحمة الله وبركاته
الحمد لله وصلنا بفضل من الله وتوفيقه لمستوى سابع ومابقى الا القليل ربي يسهلها ونجيب معدل زين صراحه انصدمت من جدول هالمستوى حاشرينا بست ايام واليوم الرابع عندي مادتين بنفس اليوم والمشكله الكبيره انه بنفس اليوم عندي التعليم الالكتروني اجلته بسبب عدم كفاية الساعات ولا انا ماشيه على الخطه ولو اجلت ماده راح تلاحقني نفس المشكله يعني لازم اخذ المادتين الي بنفس اليوم وموادي كالاتي اليوم الاول/ منهج الانشطه لذوي الاحتياجات الخاصه/ فتره اولى اليوم الثالث/ صعوبات التعلم الاكاديميه/ فتره اولى اليوم الرابع/ علم النفس الفسيولوجي + التعليم الالكتروني/فتره اولى + تصميم وتطوير الدروس / فتره ثانيه اليوم الخامس/ استراتيجيات تعليم ذوي صعوبات التعلم/ فتره اولى اليوم الثامن/ الموهوبون ذوي صعوبات التعلم/فتره اولى اليوم التاسع/ الرياضيات لمعلم التربيه الخاصه/ فتره ثانيه هذا جدولي وبجد محتاره ياليت الي جدولها مثلي تشاركني الله يسهلها على الجميع انتظر ارائكم موفقين لكل خير |
رد: ياليت ارائكم بجدول مستوى سابع تربيه خاصه
وعليكم السلام ورحمة الله وبركاته .. هلا والله وغلاا ..اشتقنا لقسمناا ... فعلا هالمستوى جدول مضغوط بالمره جدولك فيه تعارض مالك الاتأجلين ماده انا عندي ماده فقه السيرة ماجلتها لانه ماكان عندي مجال ولما رتبت الجدول طلع معاي اليوم الثالث مادتين واليوم الرابع مادتين ضغط بالمره ما فيه مجال على الاقل لو كان فيه يوم بينهم تنحل الامور وما اتوقع رح يغيرون فيه شي عسى الله ييسر امورنا يارب وموفقين لكل خير ... |
رد: ياليت ارائكم بجدول مستوى سابع تربيه خاصه
هلا بك زود نجمه نورتي
وبجد مستوانا ماله حس ابد ايوه عندي تعارض وهذا الي قاهرني لو كان مادتين بيوم واحد اهون من التعارض يعني الحين وراي هالماده واجباري اخذ المادتين الي بمستوى سابع ماقدر اجلها لانها بتقعد بنفس اليوم وماندري وش بيطلع لنا في مستوى ثامن والله محتاره حرام ماشين على الخطه ومو خالصين والله يعينك اذا مادتين مادتين والمشكله ضاغطينا في هالايام وباقي الايام فاضيه شاكره مرورك ياغاليه ربي يوفقنا لكل مافيه خير |
رد: ياليت ارائكم بجدول مستوى سابع تربيه خاصه
و عليكم السلام و رحمة الله و بركاته أولا الحمد لله مثل ما قلتي أختي أم رغد و وعد وصلنا لهذا المستوى بعد تعب , و زي ماقلتي فعلا فيه ضغط كبيراً علينا مع أنه فيه أيام زيادة ليتهم وزعو المواد عليها .. وأنا جدولي نفس جدولك بالضبط بس أنا كنت حاذفة مادة القضايا الثقافية المعاصرة و راح أخذها هذا الترم لأنه الحمد لله ماعندي تعارض و الأترام السابقة كان فيه تعارض مع المادة عشان كذا ما أخذتها , و نفس الشيء بالنسبة للتعليم الالكتروني ما أخذتها و كنت بأخذها هذا الترم بس برضو طلع عندي تعارض .. يعني هذا الترم بأخذ 8 مواد . و أنا ماشيه على الخطة و ما عندي إلا هذي المادتين اللي كنت ماجلتها , و طلعت لنا مشكلة التعارض هذي و مثل ما قلتي ما ندري وش بيصير في المستوى الثامن إذا كنا نقدر ندرسها و لا لا ,و حرام ندرس ترم كامل عشان مادة وحده بس .. طيب أيش رأيك هل نأخذ هذا الترم التعليم الإلكتروني لان الطلاب قد درسوه من قبل و ممكن نلقى أسئلة و نأخذ فكره عن المادة بما أننا بنختبر معها مادة ثانية في نفس اليوم جديدة علينا بدل من علم النفس الفيسولوجي لأنه مادة جديدة و خايفة تصير المادتين مع بعض صعبه .. أنتظر رأيك .. و موفقين يارب و أن شاء الله بدايات مليئة بالتوفيق للجميع |
رد: ياليت ارائكم بجدول مستوى سابع تربيه خاصه
انا عندي نفس المشكله جدولي نفس جدولك اجلت التعليم الالكتروني واخذت فقه السيره ولكن بصراحه محتار لان الشباب اللي اختبروا مادة التعليم الالكتروني خوفوني من هالماده وصعوبة اسئلة الاختبار علشان كذا يمكن امشي على الخطه الترم هذا واخذ علم النفس الفيسيولوجي واجل التعليم الالكتروني والله يستر
|
رد: ياليت ارائكم بجدول مستوى سابع تربيه خاصه
اقتباس:
والله الظاهر ماحولنا احد امس قدمت اعتراض في ايقونة اسئله واجوبه والمفروض الكل يعترض وهي مواد مشتركه بين التخصصات لان هالمشكله مو من عندنا هم الي منزلين لنا الخطه والجدول بس مازال عندي امل وربك كريم وبالنسبه لي تمنيت اخذ مادتين بيوم واحد ولا يصير تعارض لاني خايفه وش بيطلع لنا في مستوى ثامن واحنا مثل الي يمشي على عماه ماندري وش بيصير ولحد ذاك الوقت راح امشي على الخطه اولاً/لأن التعليم الالكتروني كل الي اختبروه ابد ماطلعوا مبسوطين فما حبيته ولا ارتحت له بأجله ثانياً/اطلعت على توصيف المقررات لقيت تطوير وتصميم الدروس تقريباً نفس محتوى طرق تدريس يعني ان شاء الله مو صعبه وعلم النفس الفسيولوجي محتواه مو كثير واحسه مهضوم وعسى ان تكرهوا شيءً وهو خيرً لكم وقولوا يالله ان كان احنا ظلمنا بهالجدول ان ربي يوفقنا بأعلا الدرجات وتكون المواد سهله والاختبارات اسهل قولوا آمين شاكره مرورك الكريم ومشاركتك وفقنا الله واياكم لكل خير |
رد: ياليت ارائكم بجدول مستوى سابع تربيه خاصه
اقتباس:
والتعليم الالكتروني بأجله لاني ماراح اجازف وانا عارفه الماده واسلوب الدكتور واتمنى الكل يكتب ويرسل للعماده لان هالجدول ابد مو في صالحنا والله يكتب كل مافيه خير للجميع موفقين لكل خير |
رد: ياليت ارائكم بجدول مستوى سابع تربيه خاصه
خلوكم على الجدول ونزلو المقرارات الي متعارضة وحاول لو تحذفو وحد ه من المتعارضة ولاتنسو الترم الثامن في معانا ساعات متاحة باخذ نظرة على الجدول وارجعلكم |
رد: ياليت ارائكم بجدول مستوى سابع تربيه خاصه
هلا ام وعد ورغد ..........الحمد لله نزل الجدول بسسس فييه ظلم للطلاب لانه حاشرين مادتين مع بعض ويخلصون يوم الاحد في حين يوم الاثنين والثلاثاء فاضية مافيها شيء وبقية الاقساام يختبرون وش يضر الجامعة لو تحط مادة من المادتين في يوم الثلاثاء مثلا مو يقولون اهم شيء مصلحة الطلاب طيب ليش كذا:mh12:
انا اقول لو تكلمون احد يروح الجامعة ويغيرونه لكم عشان مايكون ضغط على الطلاب وفي نفس الوقت التغيير لن يضر الجامعة بشيء ولن يسرع من عملية التصحيح وظهور النتائج لان الاقسام الباقية لم تنتهي من الاختبارات !!! بالنسبة لي .........ناوية اخذ مواد مع التطبيق لاني سألت طالب جامعي منتسب وقالي عادي تقدرين تكملين عدد الساعات بالترم الثامن وهم 8ساعات ويمكن اخذ 3مواد او 4 واخفف على نفسي الترمين هذولي لكن نصيحة قبل تسجيل المقررات ابذلو جهدكم علهم يشيلون مادة من المادتين اللي مع بعض لاني اراها ضد الطلاب وليست في مصلحتهم الله يوفق الجميع:rose: |
رد: ياليت ارائكم بجدول مستوى سابع تربيه خاصه
اقتباس:
هلا فيك .. أجل شورك و هداية الله بأجل التعليم الالكتروني و أخذ علم النفس الفيسولوجي و الله ييسرها و نقدر نأخذ هذي المادة بالمستوى الثامن .. و الله يجزاك خير كنت أفكر كثير بالموضوع هذا وش أخذ و أيش أجل و الله يسهل علينا و يوفقنا |
| All times are GMT +3. الوقت الآن حسب توقيت السعودية: 08:26 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه