|
كل ماتحتاجينه في حقيبة الجامعة #بالصور#
ما تحتاجينه في حقيبة الجامعه الجامعه أو الكليه مختلفه كليا ًعن المدرسة ... فلا تروحين للمكتبه و تشترين أشياء و في الأخير تروحين مره ثانيه تشترين غيرها ... *************************** * إكتبي إللي تحتاجينه بورقه... ترى ذاكرتك مش دجيتال ... عشان ما تنسين شي... 1. الشنطه: لا تشترين شنطه جديده إلا لما تشوفين جو الكليه أو الجامعه حقتك .... عشان كذا في البدايه خذي شنطه عاديه إلى ما تشوفين الجو و كلاساتك ... يمكن كلاساتك يكونون كثار و تحتاجين شنطه كبيره أو شوي فتحتاجين شنطه وسط... أهم شي تكون :1- تكفي لأشياءك 2- شكلها يعجبك 3- مريــحه 2. الأشياء إلي تجيبينها داخل الشنطه : 1. ملف تخريم يُفضل يكون مقسم على عدد المحاضرات إلى تاخذينهم ... قسم لكل ماده ... **************************** 2. تقويم و دفتر تخطيط هذا تكتبين فيه كل يوم إش فيه شيء مهم .... يعني مثلا عندك إختبارين في يوم واحد أو تسليم واجب و إختبار... أشياء يوميه ممكن تلقين حلوه في سنتر بوينت وهذا تحطين فيه أوقات الإختبارات النصفيه ... و تواريخ تسليم الواجبات ... مرررره مهم . يعني هذا ملخص للي قبله تقريباً. **************************** 3. معقم أو مناديل مبلله . تحذير : هذا المعقم و كل باقي المعقمات المشابهة تحتوي على مادة قابلة للإشتعال لذلك فلا تعرض يديك للنار أو تقربها من مصدر حراري مباشرة بعد استعمال هذه المعقمات و إلا فإن يديك سوف تشتعل و تصاب بحروق خطيرة ، و هذا ما حدث لأحد العمال إذ أنه بعد استعمال المعقم ذهب ليدخن و قرب الولاعة من يديه مما أدى إلى إحتراقها. عشان كذا إذا عندك كلاس مختبر ولا شي فيه نار لا تستخدمينه. **************************** 4. مناديل صغيرة للجيب أو تحطينها في الشنطة أهم شي لاتنسينها تراها مره مهمه .. 5. مقلمه تحطين فيها أقلا حبر و رصاص و مساحه و مزيل ... أقلام كتابه لازم تصير تكتب معك بسرعه لأنه بعض الأحيان لازم تكتبين مع الدكتوره بسرررررعه و إكتبي بالألوان عشان يصير لك خلق تذاكرين منها... **************************** 6.أوراق فسفوريه و هذا الشي إلي ما أعرف إش إسمه :011: في بعض المواد تدرسون من كتاب ... بس مش كل الكتاب بس بعض الفصول و الصفحات ... فعشان ما تتخربطين و تذاكرين شي ما درستوه ... إشتري هذي العلامات و حطيها على الصفحات إللي بتدرسوها و عشان لما تشرح الدكتوره على الكتاب و تبين تكتبين ملاحظات معها ... حطي الأوراق الفسفوريه. موجوده في أغلب المكتبات. **************************** 7. مقلمه تدخل في ملف التخريم هذي مو مره مهم ... بس أعجبتني الحركه ... لأن مقلمتي دايم تضيع بالشنطه... **************************** 7. خرامه بخرم واحد أو بثقبين صغيره http://hosting11.imagecross.com/imag...45image020.jpg ---http://hosting11.imagecross.com/imag...88image022.jpg لما توزع الدكتوره ورق أو شي مهم ... ما يضيع عليك و بعدين تدورين أحد تصورين منه .... حليها دايم معك و على طول خرمي الورق و دخليه بالملف. **************************** 8. آله حاسبه هذي مره مهمه .. ماله داعي أشرح.... بس إذا تخصصك أدبي و ماتاخذين رياضيات ... أجل مو لازم **************************** 9. هذا شي مره غريب ... لقيته في أحد المواقع الأجنبيه بس ما أتوقع موجود في السعوديه ... http://hosting11.imagecross.com/imag...95image026.jpg - http://hosting11.imagecross.com/imag...18image028.jpg - http://hosting11.imagecross.com/imag...83image030.jpg أحد يعرف إش هذا ؟ فكروا .... هذا الله يسلمكم عشان إذا تحتاجين أولويز (كوتكس).... ما تحطينها في الشنطه و تخافين أحد يشوفها أو تطيح الشنطه و يطلعون منها... هذا الشي تحطين الأولويز داخله و فيها سحّاب... و إذا طلع بالغلط أو أي شيء ... ما أحد راح يعرف إش هو و ماراح تتفشلين... إذا أي أحد يحب يشتريها من النت ... هذا هو الموقع... **************************** 10. نظاره شمسيه و كريم ضد الشمس. إذا كانت جامعتكم فيها مباني كثيره و لازم تطلعين في الشمس عشان تتنقلين من مبنى إلى مبنى ... فلازم تحطي كريم ضد الشمس ... أنا كنت أحسه شيء مش مهم إلى ما طلعت لي حبوب في وجهي ... و يدي صارت سمرا... فلازم تحطي كريم ضد الشمس ... و طبعاً إختاري نوع يناسب بشرتك ... (جافه/ دهنيه/ نص و نص) و النظاره الشمسيه لازم تصير طبيه عشان لا تؤذي عيونك ... لا تشتريها من محلات الملابس و لا تشتريها عشان شكلها حلو... المهم تكون من محل نظارات و تكون طبـّيَه. **************************** 11. المكياج و العطر المكياج حطيه في البيت و خذي معك للجامعه الأشياء الي ممكن تحطينها مره ثانيه إذا إنمسح , زي : الكحل / الماسكرا/ أحمر الخدود / الروج / القلس. ..... و حطيهم في شنطة مكياج. بس يُفضل ما تحطين أساس كل يوم شان ما تخرب بشرتك. حطي مكياج خفيف. و بالنسبه للعطر ... هو مش شيء أساسي ... بس خذيه. **************************** هذي هي كل الأساسيات ... أتمنى تكونوا إستفدتم....:119::g8: لاتنسون الردود وإدعوا لي بالشفاء ... (للأمانة منقول مع شوية تعديل) |
رد: كل ماتحتاجينه في حقيبة الجامعة #بالصور#
الله يجزاك الف خير كفيتي ووفيتي
الله يشفيك شفاءا لايغاد سقما .. |
رد: كل ماتحتاجينه في حقيبة الجامعة #بالصور#
شـكــ وبارك الله فيك ـــرا لك ... لك مني أجمل تحية .
|
رد: كل ماتحتاجينه في حقيبة الجامعة #بالصور#
[align=center][/align]الله يكتب لك الشفاء العاجل يااااااااارب
بالنسبه ليه نصيييييييييحه انا عشت بالكليه سنه كامله ماأحتجت 1-شنطه وسط تكفي للعبايه مثلا 2-كتاب الماده او ملزمة الماده باشنطه 2-قلم أزرق واحد 3-دفتر نوته وسط مو صغير بسسسسس=فققققققط والله ماتحتاجين اشياء كثيرة انا اشتريت ملف مخرم لحد الحين جديد ماأستخدمته . موفقين خواتي |
رد: كل ماتحتاجينه في حقيبة الجامعة #بالصور#
بالتوفيق للجميع ان شاء الله
وشكرا عالموضوع الرائع والمفيد للبنات المستجدات والله يشفيك ويعافيك ان شاء الله |
رد: كل ماتحتاجينه في حقيبة الجامعة #بالصور#
[align=right]
مشكورين على المرور [/align] |
رد: كل ماتحتاجينه في حقيبة الجامعة #بالصور#
[align=center][/align]يسلمووووووا أقوى شي
وحده من البشر كفيتي ووفيتي مشكوووووورة:(315)::d5: |
رد: كل ماتحتاجينه في حقيبة الجامعة #بالصور#
يعطيك العافيه على الموضوع الروعه ..
مع انه منقول لكنك عرفتي تختاريه راح نستفيد كثير منه .. مشكووره و يعطيك العافيه مره ثانيه :) |
رد: كل ماتحتاجينه في حقيبة الجامعة #بالصور#
حلووووو الترتيييب
|
رد: كل ماتحتاجينه في حقيبة الجامعة #بالصور#
يسسلمووو قلبوو ...,
يعطيگ العافيه ي رب ماقصرتي ..., |
| All times are GMT +3. الوقت الآن حسب توقيت السعودية: 06:59 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه