|
السنة التحضيرية في كلية العلوم الإدارية
السلام عليكم ورحمة الله و بركاته مبارك عليكم الشهر بغيت اسأل عن السنة التحضيرية في كلية العلوم الإدارية 1- هل من السنة التحضيرية نبدأ ندرس كل شيء بالانقلش ولا لمن نتخصص ندرس التخصص بالانقلش ؟! 2- هل السنة التحضيرية في كلية العلوم الادارية هي نفسها في كلية الدراسات التطبيقية و خدمة المجتمع يعني يدرسون نفس المواد ؟! 3- و امم عند التحويل من كلية الدراسات التطبيقية و خدمة المجتمع لازم اخلص دراسة سنتين للبرنامج التأهيلي ولا تكفي دراسنة وحدة للتحويل إلى كلية العلوم الإدارية ؟! يعطيكم العافية مقدماً ^___^ |
رد: السنة التحضيرية في كلية العلوم الإدارية
ياليت تردووون ضروري
|
رد: السنة التحضيرية في كلية العلوم الإدارية
السلام عليكم ورحمة الله و بركاته مبارك عليكم الشهر بغيت اسأل عن السنة التحضيرية في كلية العلوم الإدارية 1- هل من السنة التحضيرية نبدأ ندرس كل شيء بالانقلش ولا لمن نتخصص ندرس التخصص بالانقلش ؟! اللى شفته ان فيه مواد انغلش ومواد عربي مو كل المواد عربي ولما تتخصصين تقريبا يصادفك مادتين او 3 انغلش 2- هل السنة التحضيرية في كلية العلوم الادارية هي نفسها في كلية الدراسات التطبيقية و خدمة المجتمع يعني يدرسون نفس المواد ؟! اول ماتدخلين تكونين بكليه الدراسات التطبيقية وبعد ماتجيبين المعدل المطلوب تدخلين بكالوريس لكليه العلوم الاداريو وعلى العموم كلهن بنفس المبنى والدراسة حلوة ومو صعبة انك تجيبين المعدل المطلوب 3- و امم عند التحويل من كلية الدراسات التطبيقية و خدمة المجتمع لازم اخلص دراسة سنتين للبرنامج التأهيلي ولا تكفي دراسنة وحدة للتحويل إلى كلية العلوم الإدارية ؟! هي نفسها مافي فرق الا اذا غيروا عاد الله اعلم يعطيكم العافية مقدماً ^___^ |
رد: السنة التحضيرية في كلية العلوم الإدارية
ومبروك عليك الشهر
|
رد: السنة التحضيرية في كلية العلوم الإدارية
1- هل من السنة التحضيرية نبدأ ندرس كل شيء بالانقلش
كل المواد انجليزي ماعدا مادة مهارات التعلم والبحث بالفصل الاول و في الفصل الثانيه بيكون عندك مهارات اتصال وتربيه بدنيه وصحيه والباقي كله انجليزي ولغة الدراسه بالكليه : انجليييييزيه ! ولا لمن نتخصص ندرس التخصص بالانقلش ؟! اكيد بتدرسي التخصص بالانجليزي لان لغة الدراسه بالكلية انجليزيه .. ممكن مواد الاسلاميك والمواد العامه تُدرس بالعربي فقط ! 2- هل السنة التحضيرية في كلية العلوم الادارية هي نفسها في كلية الدراسات التطبيقية و خدمة المجتمع يعني يدرسون نفس المواد ؟! لا مو نفسها فيه فرق .. لان السنه التحضيريه بكلية العلوم الادارية ( إدارة الأعمال ) تهيأك أن تدرسي بعدين دراسه باللغة الانجليزي اما الدراسات اتوقع لا وماادري عنهم كثير مااقدر افيدك عنها 3- و امم عند التحويل من كلية الدراسات التطبيقية و خدمة المجتمع لازم اخلص دراسة سنتين للبرنامج التأهيلي ولا تكفي دراسنة وحدة للتحويل إلى كلية العلوم الإدارية ؟! تكفي دراسه 24 ساعه في كليتك ومعدل فوق 2.75 شروط التحويل العاديه وراح ترجعي تدرسي تحضيري من جديد لان فيه فرق بينهم ومتطلب للدراسه بكلية العلوم الإدارية انك تعدي التحضيري الخاص بالكلية |
رد: السنة التحضيرية في كلية العلوم الإدارية
يعطيك العافية خيتو جورجيت العرب ما قصرتِ تسلمين ^^
علينا و عليج كل عام و انتِ بخير ^__^ |
رد: السنة التحضيرية في كلية العلوم الإدارية
اقتباس:
هلا احساس ^__^ كيف حالك ؟! يعطيك العافية على المعلومات الوافية انا اليوم رحت سألت في كلية العلوم الإدارية للأسف ما فادتني بشيء و قلت لها لو درست و جبت معدل و جيت بحول عندكم عشان ادرس السنة التحضيرية قالت لي لا ما يصير ابداً ,, و غير كذا تقول عندها طلبات تحويل حوالي 200 ما راح ياخذون منها الا 2 او 3 بس -ــــ-". فـ فكرت في كلية علوم الحاسب و تقنية المعلومات لان كلها بالانقلش بعد و سمعت ان في طالبة حولت من كلية الدراسات التطبيقية إلى كلية علوم الحاسب و تقنية المعلومات . سؤالي لو بحول لأي كلية فيهم : لازم اسوي أول شيء تحويل داخلي من النت ؟! و لا لازم ادرس 24 ساعة و اجيب معدل و بعدين اطلب تحويل و احول ؟! امم و حالات التحويل تكون بواسطة ولا على حسب المعدل ؟! لان ودي انقل لأحد هالكليتين إما الحاسب و تقنية المعلومات او العلوم الإدارية تتوقعين ممكن يكون فيه تحويل ؟! و يعطيك العافية مقدماً ,, معليش على كثرة الاسئلة ^^" بانتظارك |
رد: السنة التحضيرية في كلية العلوم الإدارية
نصيحة لابغيتى تحويل روحى لقسم الرجال يتفهمون اكثر
|
رد: السنة التحضيرية في كلية العلوم الإدارية
هلا احساس ^__^
كيف حالك ؟! هلا فيك انا الحمد لله بخير انتي شلونك ^_^ يعطيك العافية على المعلومات الوافية الله يعافيك يآآرب .. انا اليوم رحت سألت في كلية العلوم الإدارية للأسف ما فادتني بشيء و قلت لها لو درست و جبت معدل و جيت بحول عندكم عشان ادرس السنة التحضيرية قالت لي لا ما يصير ابداً ,, و غير كذا تقول عندها طلبات تحويل حوالي 200 ما راح ياخذون منها الا 2 او 3 بس -ــــ-". ايه لان الكلية انا سمعت ناس كثيرين يبون يحولوا لها .. والعدد فيها محدود يعني دفعتنا 160 طالبه .. ويمكن يقلوا لان بعضهم سحبوا او مايبغوا الكلية اتوقع يكملوا الناقص بطلبات التحويل .. فـ فكرت في كلية علوم الحاسب و تقنية المعلومات لان كلها بالانقلش بعد و سمعت ان في طالبة حولت من كلية الدراسات التطبيقية إلى كلية علوم الحاسب و تقنية المعلومات . سؤالي لو بحول لأي كلية فيهم : لازم اسوي أول شيء تحويل داخلي من النت ؟! و لا لازم ادرس 24 ساعة و اجيب معدل و بعدين اطلب تحويل و احول ؟! امم و حالات التحويل تكون بواسطة ولا على حسب المعدل ؟! لازم اول تدرسي وتنطبق عليك شروط التحويل وتالي تسوي تحويل من النظام ولو عندك واسطه ومتأكده راح تمشي امورك استخدميها مايضرك ^_^ لان ودي انقل لأحد هالكليتين إما الحاسب و تقنية المعلومات او العلوم الإدارية تتوقعين ممكن يكون فيه تحويل ؟! و يعطيك العافية مقدماً ,, معليش على كثرة الاسئلة ^^" بانتظارك انتي اول تنطبق عليك شروط التحويل وجربي تحولي لكن لو بتحولي يكون عندك خبر راح تدرسي تحضيري من جديد وبعدين سنه وبعدين 3 سنوات تخصص مجموعهم 5 سنوات لذلك شوفي .. وماتضمني ان طلبك ينقبل .. لو معدلك عالي وانتي دافوره ممكن تضمني قبول طلبك :biggrin: واستاذ فيصل الحديثي المسؤول الاعلامي عن الكلية رجع من اجازته تقدري تراسليه وهو راح يتجاوب معك وبيفيدك اكثر مني :rose: وخذي راحتك بالاسئله افيدك باللي اعرفه والله يعافيك وموفقه لكل خير |
رد: السنة التحضيرية في كلية العلوم الإدارية
اهلن ي حلوه :004:
شوفي بالنسبه للتحويل اذا انتي انقبلتي بالدراسات هذي السنه ماتقدرين تحولين الحين لازم تدرسين 24 ساعه وتجيبين معدل فوق 3.9 << من تجربه التحويل يتم عن طريق النت اولا واذا قبلو تحويلك يدقون عليك ويعلمونك واذا لاسمح الله مادقو دايركت على قسم الرجال وقدمي طلب تحويل انسي انك تتعاملين مع قسم الحريمم وزي ماقالت احساس راح تدرسين كل شي من جديد وترا عادي انا حولت وعدت وتأقلمت مع الوضع :biggrin::004: |
| All times are GMT +3. الوقت الآن حسب توقيت السعودية: 01:12 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه