ملتقى طلاب وطالبات جامعة الملك فيصل,جامعة الدمام - انا ماأدري عن شئ بخصوص جامعة الجبيل ممكن تسآعدوني ؟

[align=center]
هلا بك
انا مثلك ومن الرياض بس الملك سعود لأسباب كثيرة بأبعد عنها وبإذن الله يقبلوني الجبيل
بالنسبة لأسئلتك

اقتباس:

هل الجامعة بتوفر لي سكن بسرعه

؟
موجود

اقتباس:

وكم المكآفآة ؟

زيها زي غيرها 990

اقتباس:

ووش افضل التخصصات وأقوآها من ناحية التوظيف ؟

التخصصات الهندسية كلها قوية لكن عليك بالتخصات اللي فيها بكالوريس لانه اكثرها مافيه الا دبلوم
وملحوقة عندك سنة كاملة تفكر وبعدها تختار والاختيار بعد يكون بناء على درجاتك بالتحضيرية

اقتباس:

ووش الفرق بين الجبيل الصناعيه والجبيل الجامعية ؟

الصناعية الدراسية فيها تقنية تطبيقية اما الجامعية مثل الجامعات الثانية دراستها علمية
لكن انا اعرف كثيييير درجاتهم اعلى مايكون ولا انقبلوا بالجامعية السنة الماضية كثير مو واحد ولااثنين
منهم يقول الجامعة واسطات والبعض يقول ان الاولوية لأهل الجبيل واعتقد انه كذا اما واسطات ماعتقد هي الشغلة الكلية ولها سياستها بعد مافيها سكن لذلك لاتحطها براسك لكن مايمنع تحطها رغبة ثانية وهي ممتازة كلها كليات الجبيل لكن مثل ماقلت لك

اقتباس:

وانا اقوم بتسجيل سألوني آدآري وتقني ؟ وش الفرق ووش الافضل

الاداري اذا بغيت تدخل تخصصات مو هندسية أي آدارية مثل محاسبة تسويق مثل كذا
اما تقني تخصصات هندسية والهندسية افضل اذا بتشد حيلك

هاذي بعض من المعلومات اللي جمعتها حول كليات الجبيل
قبل ما اقدم اني افكر بالتقديم فيها

بالتوفيق لك
[/align]