السلا عليكم ورحمة الله وبركاته

تم افتتاح المدونه في يوم الخميس

بحضوري لحالي مع الاسف كلمت ناس يجون بس ماحد جى يقولون زحمه وهيك عالعموم

الهديا فوريه وبطايق شحن وفله وشراب( سن توب طبعا ) لاحد يفهم غلط الله يبعدنا عنه

المهم والله انا مدري وش اسوي واول مره في حياتي افتح مدونه وشكله ماحد بيدخل فيها

نبدا بالبطاقه الشخصيه ياشيني وانا مسوي ذوق


الاسم . اكيد خالد يعني امثل عليكم مثلا

العمر . 25 سنه يارب احفضني ههههههههههههههههه

الحاله الاجتماعيه . عزوبي ملحط

المواصفات . مودب خلوق مدخن محشش بياع مدمن مروج هههههههههههههههه مدري وش اقول
صعب اوصف نفسي احتاج معلقات ( حسيت اني افلاطون )

الهواايات . جمع الطوابع وركوب الخيل والسباحه والرمايه بالنبيطات

تذكرت المواقع حق الزواج كل واحد كاتب في البراوفيل حقه

شاب اسمر وسيم يقدر الحياه الزوجيه كلهم نفس المواصفات سبحان الله:lllolll:

بما اني جديد في المنتدى وطفشان وماعرف احد ويقولون هاذي زاويه حره واقدر اسوي اي شي من حقي الله

يعينكم تحملو اليوم حاب اقولكم سالفتي يوم كنت صغير تعرفون توني صغير ومكثر مسلسلات رومنسيه

المهم مالكم بطول السالفه كنت انا واخوي فوق السطح جالسين في امان الله وحر وحالتنا حاله

وجالس معاي بيبسي ابو نص قاروره ومنسدح وخااااااااااااق مع الجو الحر واناضر في الشارع والزحمه

(ابو المنضر الخايس ) المهم وتطلع بنت جيراننا الهنديه السطح ماعانا ....


ويجينا الشيطان الكلب الملعون ويقولي ياخالد دام انك رومنسي وهيك وش رايك تسوي قصة حب مع هالهنديه

وانا عاد منفلت رومنسي وحالتي حاله كنت اداوم مسكر القلاب حق الثوب وكبك ذهبي خايس وورده حمرا فجيبي


المهم قلت لازم انا اغوي البنت هاذي المهم وطلبت اخوي التي شيرت حقه لانه كشخه احسن من حقي

المهم واطلع فوق عند الخزان حق المويه واجلس يعنني ماشفتها واغني ( والصوت خايس وكله نشاز )

حتى رابح لو شافني انتحر من الصوت المهم واخر شي التفت عليها وسويت نفسي استحيت وانصدمت

>>>عايش الدور المهم والصراحه هي تفاعلت معاي بكل امانه ماضلم البنت وانا عاد صدقت نفسي

وتهورت وفسخت التي شيرت قلت بوريها عضلاتي وانا والله منتف حالتي حاله وهي بعد تحمست مازعلت

وجاني الشيطان قالي خربها قلت له على تبن لايكثر خلني استمر في الهيام المهم وشوي وانا قاعد اغني

وهيك الا طلعت لي امها دبه وسوده انا صراحه تفاجئت مو من الام لا حشا تافجئت من قلبت عشيقتي سبحان

الله كانت مستناسه ومتحمسه معي وتعطيني بوسات وهيك لين ماجت امها وبكت اناضر فيها ماني مصدق

يلعن شكلها اوم القلبه ياعيال وترميني امها بزنوبه خضرا كبيره مقاس الف اشوفها تطير قدامي جاي صوبي

وانا من قوة التركيز حفضت المقاس حقها حسبي الله ونعم الوكيل فيها وتجي عندنا البيت وتقول لامي

جت امي تقولي صدق جحدت قلت يارجال جحيد حتى يوم الوعيد >>>> مسوي قوي مادريت ان اخوي قد اعترف

ووثق اقوله وبصم ياني تكفخت وتشوت وبغيت انطرد من البيت امي فهمت الموضوع غلط ماتدري انه بس مشاعر

لين ماكون نفسي هههههههههههههههههههههههههههههههههههه والله اني كرهت اوم المشاعر والمسلسلات

وكرهت الرومنسيه كلها انا ووجهي جاي اسوي علاقه رومنسيه مع البنت سويت علاقه مع زنوبة امها

أڷآ يـ اڷڷـہ . .
گآن اڷڷي بقى ـآ ڷي ~ْ
فـ اڷعمر ( ڷيڷـہ )

عسى ـآ آخر چَڷۉسي :
يگۉن بـ حضن
{سچَآدـہ ْ~