|
ماهي الخطوات لتسجيل المواد ومتى ستبدأ الدراسة...
السلام عليكم والورد ورحمة الله وبركاته
لو تكرمتم أنا في حيرة من أمري ولم يسبق لي أن قد تعاملت مع البلاك بورد والبانر وقد يسر الله بمنه وكرمه أن قبلت في الجامعة تخصص لغة أنجليزية: وقد أنتهيت بفضل من الله من جميع ألامور من تسديد رسوم وأرسال وثائق: المشكلة أن بعض الطلاب والطالبات وفقهم الله قالوا يجب عليك تسجيل المحاضرات عن طريق البانر والسؤال كيف أستطيع ان أسجل المواد ماهي الخطوات لتسجيل المواد ومتى ستبدأ الدراسة... وشكرا لكم.... |
رد: طلب مساعدة يا أهل الخبرة
اقتباس:
هلابك اخوي والحمدالله على تيسير الامور وبالتوفيق ان شاء الله .... الله يسلمك لازم تسجل المواد هذا اول شي عن طريق البانرمن هنا اضغط <> الدخول على نظام البانر واذا تبي شرح لطريقة التسجيل اكتب بقوقل بوابة الانتساب المطور جامعة الملك فيصل وابحث تطلعلك موقع الجامعه اختار ايقونة تسجيل المقررات وبعدها أختار ايقونة الدليل المصور لتسجيل على نظام البانر وتفرج عليه عدل وبعدين طبق الشرح |
رد: طلب مساعدة يا أهل الخبرة
السبت
23/10/1431 2/10/2010 ونظام البلاك بورد هذا للمحاضرات المسجله وهذا بدري عليه الحين.... اتمنى افدتك |
رد: طلب مساعدة يا أهل الخبرة
انا الي اعرفه يا اخوي مواد السمستر الاول لانك مستجد وانت طالب سنه اولى موادك بتكون مواد اجباريه وهي من نفسها بتنزل تلقائيا وهذا الي صار معي ومع الكل
بس ماادري كيف حبيبتي رنجه تقول تروح تسجلها ممكن اكون انا الغلطانه بس اتمنى لو كنت غلط احد يقولي بس لو كنت طالب مستوى ثاني اي صح لازم تسجل موادك ع حسب معدلك والطريقه زي ماقالت حبيبتي رنجه والله يوفق الجميع واتمنى اني انا ورنجه والكل فادك يارب وزي ماقالت بدري عليهااا والله يوفقنااااااااااااااااا لا اله الا الله محمد رسول الله الله يحمييينا من كل شر ويجعلنا من اهل جنتـهـ يااارب |
رد: طلب مساعدة يا أهل الخبرة
أختي ضحكه مواد المستوى الاول مواد اجباريه صحيح بس لازم لازم تسجلينها بنفسج وتاكدين التسجيل عشان تنزلج المحاضرات بالبلاك بورد ...
|
رد: طلب مساعدة يا أهل الخبرة
اقتباس:
أقولك رنجه لو تكرمتي لنفرض أني تأحرت عن تسجيل المحاضرات عن تاريخ23\10 \ايش اللي يصير ... يروح الترم علي ولا كيف الامور.... |
رد: طلب مساعدة يا أهل الخبرة
اقتباس:
لاكم مثل ما انتي سامعه رنجه من جد أحترت.... الشكوى لله بنتظر وبشوف ... |
رد: طلب مساعدة يا أهل الخبرة
اخوي انا ماجبت شي من عندي واكدلك ان فيه موضوع مثبت لطريقة تسجيل المواد للمستجدين << تمنى مايفوتكم شي...
وبالنسبه للمحاضرات تنزل كل مواد محاضراتها بيوم محدد من الجامعه وتقعد لك مدة اسبوع وتتغير بعدها يعني يمديك تشوف المحاضره المسجله وقت ماتبي لمدة اسبوع وبعده ينزل شي جديد وهي عباره عن فيديو لدكتور يشرح الماده وتقدر تحملها على جهازك وتطبع الماد من المحتوى اممممم عسى الخير بوجيهكم ويسر لنا ولكم الدراسه |
رد: طلب مساعدة يا أهل الخبرة
اقتباس:
بعدين مشكورة ماقصرتي والله أفدتيني كثير تصدقين والله لو كان عندي بستان ورد لجمعت كل انواع الورد من جوري وفل وكادي وياسمين وأهديته لك بمناسبة مساعدتك وبمناسبة العيد... الف شكر.... |
رد: طلب مساعدة يا أهل الخبرة
مشششكور اخووي عبد الله ع الكلام الرائع وهذا من طيب اصلك يا ابن الاجااويد
بس انا حابه اقول شغله اعتذر منك لاني حيرتك وانت احترت مابين كلامي ومابين كلام رنجه عشان كذا لا تعليــــــــــق وشكرا في شغله انا ماوضحتها لك كلام رنجه صح وكلامي صح بس وين الاختلاف هو احنا ع وقتنا كانت عندنا ماده نحو 1 محذوفه بسبب غياب الدكتور لظروف معينه وقتها وش صار الي صار البنات والشباب نزلو ماده بدل عن النحو1 وفي هذي الحاله كانو مجبورين ينزلونها عالبلاك بورد لانها ماده اخياريه مو اجباريه عالعموم انا خلص ماابي ارد ع هالموضوع مدام فيه حيره وشك لاني ماابي اضرك بالعكس حابه اسساعدك بس هذا الي اعرفه انا وكثير من صديقاااتي ويسلموو حبيبتي رنجه وكلامك ع رااسي |
رد: طلب مساعدة يا أهل الخبرة
السلام عليكم ضحكة القمر وصباح الورد .
الله يسلمك ماقصرتي دائما توضحين ما كان غامض ... مشكورة ماقصرتي الله ايسر أمورك.. |
رد: ماهي الخطوات لتسجيل المواد ومتى ستبدأ الدراسة...
وعليكم السسلام ورحمه الله وبركاااته
صباح النووووور تسلم اخووووووووووي والله يسلمك ويحميك ولو ماسويت شي واجبنا التعاون والمسساعده وكلنا هنا اهل ورنجه ع راسي من فوق وكلامها صح 100%100 بس وضحت ماكان غامض وهو ممكن الي كان سبب النكشه البسيطه واتمنى حبيبتي رنجه ماتزعل مني والله يسر امرك ويحميك يارب ويوفقك |
رد: ماهي الخطوات لتسجيل المواد ومتى ستبدأ الدراسة...
وياااااااااااارب إنك توفق الكل ...
|
رد: ماهي الخطوات لتسجيل المواد ومتى ستبدأ الدراسة...
أخت ضحكة قمر الله يعطيك العافيه000 بس كلام الاخت رنجه هو الصحيح أناسجلت جميع المواد في السمستر الاول عن طريق البانر رغم انها مواد أجباريه لكن لابد من تسجيلها000 لذا يأخ عبدالله يجب عليك تسجيل المواد عن طريق البانر أنا متأكد من كلامي هذا الا اذا النظام اتغير هذا الترم000والله أعلم
|
رد: ماهي الخطوات لتسجيل المواد ومتى ستبدأ الدراسة...
اقتباس:
كلامك وكلام رنجه ع رااسي من فوق وانا ماقلت غلط بالعكس قلت كلنا صح عالعموم مشششكور اخوووووي وانا اعتذر لو قلت شي غلط بالنسبه لكم بس انا لما سجلت مارحت اسجل عالبانر الجامعه نفسسها نزلتهم لي تلقائيا عالعموم خلص اخوووي عبدالله مو خسران شي سجل المواد عالبانر والله يوفق الجميع ................. |
رد: ماهي الخطوات لتسجيل المواد ومتى ستبدأ الدراسة...
بلعكس أخت ضحكة قمر والله مقدري مجهودك للجميع في هذا المنتدى الاكاديمي الرائع وعلى روسنامن فوق ولكن ما نقول الا جزاك الله خير ولكي دعوات أن شاء الله بظهر الغيب
|
| All times are GMT +3. الوقت الآن حسب توقيت السعودية: 07:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام