|
بخصوص مواد مستوى ( 7 ) ابي شوركم
" صبحكم الله بالخير .. ان شاء الله انكم كلكم في القطار اللي بيروح لمستوى 8 ( :cheese: ) وفالكم التوفيق .. ابي شوركم بخصوص المواد اللي مريتو فيها بهالترم على حسب الخطة المقررة من الجامعه للمواد التاليه : نظرية المنظمات الإدارة الإستراتيجية ادارة التغيير إدارة الأعمال الصغيرة المحاسبة الادارية بحوث الاعمال ي ليت تفيدوني بحكم انكم تجربه بهالترم ينسخ المواد ويكتب بس بجنبها سهله - صعبه - متوسطه علشان تساعدني وتساعد غيري في اعداد جدول الترم :(204): طبعا التقييم بوجهه نظركم من خلال الدكتور - التبويبات - الاسئلة اللي جتكم بالاختبار انطباعكم بشكل مجمل .. وجعل الـ A+ ماتفارقكمم تنشب بكم نشب بكل اختباراتكم :cheese: " |
رد: بخصوص مواد مستوى ( 7 ) ابي شوركم
صباح النور والسرور ياهلا بك سواء بنت او ولد
نظرية المنظمات اجلتها للمستوى الثامن وسحبت بدالها ادارة الجودة الإدارة الإستراتيجية صعبه ادارة التغيير متوسطه إدارة الأعمال الصغيرة متوسطه الصعوبه ودكتورها جديد وجاب فينا العيد المحاسبة الادارية متوسطه الصعوبة بحوث الاعمال سهله |
رد: بخصوص مواد مستوى ( 7 ) ابي شوركم
|
رد: بخصوص مواد مستوى ( 7 ) ابي شوركم
بحوث الاعمال سهلة
المحاسبة الادارية تبي فهم مع حفظ وباقي المواد تبي حفظ ودكاترها صعبين على راسهم محمد دليم القحطاني. ادارة الاعمال الصغيرة يحضة سملالي.ادارة التغيير حيرش. استراتيجية |
رد: بخصوص مواد مستوى ( 7 ) ابي شوركم
بالنسبة لي عندك بحوث الاعمال سهله
ونظرية المنظمات متوسطة مائلة شوي للسهولة وادارة التغيير باقي اختبارها اليوم المغرب أما الباقي الله يعينكم عجنونا عجججن .... شو صار ع الخبزات يا بششششششير Sent from my iPhone using ملتقى فيصل |
رد: بخصوص مواد مستوى ( 7 ) ابي شوركم
الادارة الاستراتيجية وادارة الاعمال الصغيرة والمحاسبة الادارية ، تقريبا أصعب اختبارات شفتها من دخلت الجامعه،وكل دكتور اسوء واخبث من الثاني..
اما بحوث الاعمال الله يبيض وجهه كان اختبار حلو ونظرية المنظمات كان وسط والسبب صعوبة المادة وكثرة الحفظ فيها.. وباقي ادارة التغيير نختبرها اليوم والله يوفق الجميع |
رد: بخصوص مواد مستوى ( 7 ) ابي شوركم
اشوف كل مواد الترم ماتصنف الا انها تحتاج تركيز قوي قوي وفهم ثم حفظ
لانها تحتوي ع معلومات كثيره + الفقرات متشابهه جداً المحاسبه الاداريه اذا بتدرسها مع شهاب الدين ذاكرها من بدايه الترم لان طريقته في المسائل فيها فلسفه ويطولها وهي قصيره الماده حسب تبويب الدكتور السابق كانت بسيطه وممتعه لكن مع ذا تفلسف كثير الله يوفقنا جميعاً |
رد: بخصوص مواد مستوى ( 7 ) ابي شوركم
المشكلة مو بالمواد سهله وتنحفظ وتنفهم
المشكلة بالدكاترة الي اسألتهم تجيب الضغط ركز ع اسلوب كل دكتور خصوصا القحطاني وحيرش :) |
رد: بخصوص مواد مستوى ( 7 ) ابي شوركم
نظرية المنظمات والمحاسبه الاداريه هي اللي تحسها صعبه وتبي مذاكره من بداية الترم
الباقي سهلات .. |
رد: بخصوص مواد مستوى ( 7 ) ابي شوركم
حيرش ودليم والباقي يهون والله يوفقنا وياك
|
رد: بخصوص مواد مستوى ( 7 ) ابي شوركم
بجد مواد المستوى السابع يبيلها مذاكرة قوية
ضاعف مذاكرتك ٣ مرات لأن مثل ماقالوا الشباب المواد ماهي صعبة مرة لكن دكاترة يرفعون الضغط من سوء اسلوبهم لو يسألونك عن اسمك ماتعرف تجاوب من جهازي SM-N960F بواسطة تطبيق ملتقى فيصل |
رد: بخصوص مواد مستوى ( 7 ) ابي شوركم
المواد في مجملها سهلة ولكن الدكتور هو من يصنع صعوبة مادته
والمواد تعتمد بشكل كبير على الحفظ المستوى السادس أسهل من السابع بلا شك والمستوى الثامن أسهل منهم جميعاً |
رد: بخصوص مواد مستوى ( 7 ) ابي شوركم
الاعمال الصغيره والمحاسبة الادارية بالنسبة للسابع الباقي حلو تبي تضمن النجاح ذاكر قبل الاختبارات بشهر لجميع المواد واقولك مبروك |
رد: بخصوص مواد مستوى ( 7 ) ابي شوركم
" الله يعطيكم العافيه جميعا على الردود ومحاولة توصيل انطباع ملموس عن المستوى السابع الان اعتقد واضحه الصورة للمواد اللي في المستوى السابع ومدى سهوله او صعوبه كل مادة ولفت انتباهي بأن أحد الدكاترة توة يدرس مادة واول ترم يمر عليكم لذلك من الحين بشيل المادة من بالي بمشي بمبدا ( عط سدآح فرصه :cheese: ) .. والله يوفق الجميع " |
رد: بخصوص مواد مستوى ( 7 ) ابي شوركم
المواد سهله وصدقني ساعتين بالكثير تنفض الملخص وانت تضحك
لكن انحش عن دليم حق الاعمال لعب فينا لعب اذا تقدر تاخر مواده اخرها يمكن ينقلع وتفتك منه وكذلك حيرش نفس خباثت دليم |
رد: بخصوص مواد مستوى ( 7 ) ابي شوركم
كان عندي
ادارة استراتيجية رغم إني مخلص المنهج قبل الاختبار بأكثر من شهر ونصف ..وقبل الاختبار بيومين خلصت الملخص والتبويب لكن بالاختبار ما أدري وش حصل..حسيت الأسئلة غامضة أقرأ السؤال مرتين وثلاث ما أدري عن أي نقطة يسئل<<< ما أدري المشكلة من تركيزي وصدمتني الاسئلة أو طريقة الدكتور بالاشئلة كذا..تجد في السؤال كلمة (المواد) وهو يقصد الموارد ..وبدل في يكتب على ..تكون حافظ وعارف لكن تجاوب خطأ لأن السؤال صيغته غريبة كأنه يسأل عن أمر آخر ,,,شكيييت إن السبب مني في البداية ..قلت ممكن أنا توترت وقل تركيزي..لكن يوم طلعت من الامتحان لقيت الجميع متضايق وينتقد طريقة الاسئلة..ترى كنت داخل الاختبار زأنا واثق من a+ ,,طلعت وانا أول c ممكن النظم المتكاملة منهج متوسط الصعوبة إلى صعب اختباره مايكرر من التبويب يلخمك في الاسئلة إن أغلب الاسئلة تجد خيار أو خيارين مصطلحات انجليزية يعني لازم تعرف المصطلحات لأن حتى وأنت عارف الخيار اللي مكتوب بالعربي لازم تعرف المصطلحات الانجليزية عشان تستبعدها وأنت متأكد..الاختبار صعب لكن افضل من الاستراتيجية بمراحل خصوصاً أن المنهح فيه صعوبة إدارة اعمال صغيرة (دليم) وإدارة التغيير ( الدكاترة يخترعون في الاسئلة..دليم زعل لأن أحد الطلبة سأله هل تكرر من التبيويب..واستقعد وجاب اسئلة جديدة .. التغيير يحضيه سملالي ..رغم سهولة المنهج الكن يحضيه اسئلته كان فيها تشتيت وتقرأ السؤال مرتين إلى 3 عشان تعرف وش المطلوب المحاسبة الادارية كا فيها صعوبة وجلد للطلاب ..لكن المحاسبة أصلاً منهجها صعب ودكتورها جديد فيكون الأمر عادي... بمذاكرة المنهج ( الملخص) قبل الاختبار بفترة و في فترة الامتحانات تذاكر الملخص والتبويب ..يكون وضعت سهلة إنك تنجح..لكن معدل ..تحس الدكاترة في هذا المستوى يتعمدون إن ما أحد ياخذ معدل عالي مهما كانت مذاكرتك..لأن صيغة الاسئلة واللف والدوران وتعمد التشتيت بيكون عائق قبل صعوبة بعض المناهج << باقي مواد المستوى السابع مخلصها الترم الماضي |
رد: بخصوص مواد مستوى ( 7 ) ابي شوركم
نظرية المنظمات متوسطة الصعوبه
الإدارة الإستراتيجية متوسطة الصعوبه ومائله للأسهل ادارة التغيير سهلة جدا إدارة الأعمال الصغيرة سهله المحاسبة الادارية صعبه جدا بحوث الاعمال سهله جدا |
رد: بخصوص مواد مستوى ( 7 ) ابي شوركم
اقتباس:
بالنسبه لدليم يوم تقول سئله احد الطلبه وستقعد له -سلامات مسخره بجد اوكيه سألك الطالب جاوبه وبس حركت استقعد وماادري ايش كمان وع فعلا عطينا الدكاتره وجه مسخره والله والله هم كاتبين الاسئله من زمان ونيتهم وسخه من قبل لا استقعاد ولا شي حسبي الله عليهم ونعم الوكيل |
| All times are GMT +3. الوقت الآن حسب توقيت السعودية: 10:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام