|
مواد المستوى الرابع
السلام عليكم ورحمة الله
صباح الخير للجميع شباب اعطونا انطباعكم عن المستوي الرابع وايش المواد الصعبة ورايكم في الدكاتره شكرا |
رد: مواد المستوى الرابع
|
رد: مواد المستوى الرابع
غلطان ياحبيبي هالمستوى تم شخلنا بنجاح خصوصاَ ادارة مالية 2
|
رد: مواد المستوى الرابع
الموارد البشرية اخذتها المستوي الثالث
ادارة التسويق -عادلة المادة شكلي بضيف مواد من المستويات الثانيه . اشوف الشباب يشكون من اساسيات البحث و الادارة المالية 2 |
رد: مواد المستوى الرابع
موارد بشرية ماده دسمه يبغالها تركيز والاختبار كان جميل والدكتور اسئلته يبيلها تركييييييز
اساسيات البحث العلمي ماده سهله لكن اسئلة الدكتور فيها مراوغه واللي مذاكر مضبوط سهل عليه يحل ويجيب a+ الاساليب الكمية افضل اختبار مر علي الحمدلله ماده جميله والدكتور جدددددا اسئلته روعه ماقصر وانصحكم بمتابعة شروحات الاخت امجاد سهلت علينا الماده مره ادارة التسويق اسوء اختبار مر علي وللامانه الخطأ مني ما ذاكرت لكن انصحكم بمذاكرتها من وقت لانها حفظ ويبيلها تركيز قوي لان اسئلة الدكتور لف ودوران غير طبيعي التحليل الاحصائي اشوف ان اسئلة الدكتور واضحه لكن كان فيه اسئله اجاباتها مو موجوده بس بشكل عام الماده سهله بس لازم تذاكرونها قبل الاختبار بمده واحفظوووووا القوانين حتى لو قال بجيبها لكم في الورقه والله ماتعرفون تستخدمونها اذا ماحفظتوها من اول وعرفتو رموزها اصعب مادتين ادارة التسويق واساسيات البحث من ناحية الدكاتره واسلوب اسئلتهم ♥️ ودعواتي لكم بالتوفيق Sent from my iPhone using ملتقى فيصل |
رد: مواد المستوى الرابع
الحكم على المستوى الرابع صعب وكان اصعب ترم مقارنة باللي قبله وقبل لا نبدأ فيه كان الانطباع جيد وبالذات لما تأكدنا أن السهلاوي راح يدرسنا ادارة ماليه-2 بس صار اللي صار وأما بالنسبة لأ سياسيات البحث العلمي المادة مش مستاهله سهله وكلها عليها ساعة بس الدكتور يلف ويدور بالاسئلة ممكن مع دكتور ثاني يكون افضل والله اعلم
أنا اخذت من مستوى ثامن قضايا ثقافية معاصرة تشبه لحد ما فقه السيرة اللي اخذناه من مستوى الخامس أما باقي مقررات مستوى رابع بشكل عام لا هي سهله ولا هي صعبة متوسطة فيها السهل وفيها الصعب والتوفيق كله بالله |
رد: مواد المستوى الرابع
انا اشوف ان المستوى الرابع اصعب بكثير من المستويات اللي قبل
يبي له مذاااااكرة وتركيز عالي ان شاء الله نعديه ونرتاح ياكريم |
رد: مواد المستوى الرابع
الله يجزاكم خير.
اذ احد يذكر لنا اسماء الدكاتره؟. السهلاوي -- ادارة مالية 2 ؟ |
رد: مواد المستوى الرابع
بالنسبة لي مستوى راااابع اصعب مستوى مرر علي ضغطط موطبيعي وقهررررمن ماليه 2
حسبي الله على من ظلمنا وضييع تعبنا وسهرنا |
رد: مواد المستوى الرابع
بالنسبة من اصعب السمسترات اللي مرت علي وقد يكون اصعبها للظروف اللي مرت فينا خصوصا في الاداره الماليه وتغيير الاسئلة الاساسيه بأسئلة دكتور ثاني بالنسبة لباقي المقررات كانت مابين البين
|
رد: مواد المستوى الرابع
أخذت 4 مواد من مستوى رابع
إدارة التسويق فهم وحفظ ما فيها مشكلة الأساليب الكمية مادة جميلة والدكتور واضع نموذج وتقسيمات لموضوعات المادة والإختبار بدون مفاجأت التحليل الإحصائي تحتاج متابعة من البداية وحفظ قوانينها وعدم الإعتماد على القوانين في الإختبار الإدارة المالية (2) مادة دسمة جداً وأصعب بمراحل من مالية 1 قوانينها كثيرة وصعبة ومجال أسألتها كبير والإختبار كان صدمة بمعنى الكلمة السهلاوي على قده في الشرح ضعيف ومتسرع وبس يشرب مويه انتبهوا |
رد: مواد المستوى الرابع
التحليل الاحصائي
لاعبةً فيني لعب حملنها الترم الماضي والله يستر منها هالترم ابي اعديها ناشبةً في حلقي الله يوفقني فيها Sent from my iPhone using ملتقى فيصل |
رد: مواد المستوى الرابع
المستوى ماكان هذيك الصعوبه معقول نوعا ما وبيكون جميل للي بيجتهد
لكن انظلمنا بموضوع تسريب الاسئله ولحقنا ضرر وظلم الله بس اللي يعلمه برغم ان مالنا اي ذنب لذالك انصحكم تبتعدون تماما عن هالامور وتتقون الله بانفسكم وباللي معاكم ولا اللي براسه علم وحب لتنمية الذات بيتعب ع نفسه وبيسعى بكل مافيه عشان يثبت لنفسه وللكل انه قد اي تحدي باذن الله |
رد: مواد المستوى الرابع
الله يستر من موضوع المالية 2
الكثير يشكي منها. وخاصه بعد ما تغيرت الاسالة وقت الاخبار وهل شرحة في المحاضرات كويس ينفهم . |
رد: مواد المستوى الرابع
شدوا حيلكم
الحق حق هذا اصعب مستوى مر علي من دخولي الجامعة |
رد: مواد المستوى الرابع
مساء الخير
بسالكم هل في مواد حفظ كامل مثل تقنية معلومات ولا كلها عملي كيف اقدر اخذ مواد من مستويات ثانيه بحيث اخفف من المواد العمليه |
رد: مواد المستوى الرابع
الضغط النفسي في ادارة مالية 2 يكفي
|
رد: مواد المستوى الرابع
|
رد: مواد المستوى الرابع
اقتباس:
اي فيه الموارد البشرية وادارة التسويق واساسيات البحث هذي كلها حفظ كاااامل اساليب الكمية في الاداره هذي فيه حفظ كثير وفيها عملي بعد كثير انصحك المالية 2 خذها صيفي لانهم يسهلون الاختبارات في الصيفي وغالبا تجي من اسئلة الاعوام السابقة والباقي خلك ع نفس المواد ما انصحك تزيد مواد ثانيه لان هالمستوى مواده يبيلها تركييييييز Sent from my iPhone using ملتقى فيصل |
رد: مواد المستوى الرابع
مستوى رابع
آخر مستوى بتحتاج فيه الآله الحاسبة الذكية جدا. 1-الأساليب الكمية في الإدارة نظري حفظ + عملي آله حاسبة fx-991ES PLUS تبي تاخذ فيه A+ ماعليك الا تقرا المحاضرة عشان تفهم الموضوع ثم تفتح التبويب الواضح + الكنز أمجاد (مقاطع امجاد وهي تحل التبويب بطرق مختصرة) والاختبار جانا من التبويب . 2-إدارة الموارد البشرية = نظري بدون مسائل او الحاجة لآلة حاسبة تبي تاخذ فيها A+ ماعليك الا تخصص يومين تحفظ و يوم لمراجعة ما حفظت و الاختبار جانا من التبويب. 3-أساسيات البحث العلمي =نظري بدون مسائل او الحاجة لآلة حاسبة تبي تاخذ فيها A+ ماعليك الا تخصص يومين تحفظ و يوم لمراجعة ما حفظت و الاختبار جانا من التبويب لكن بنظام مابين السطور يعني لازم تفهم محتويات المحاضرات. فهم فهم فهم 4-التحليل الإحصائي = نظري حفظ + عملي آله حاسبة fx-991ES PLUS تبي تاخذ فيه A+ ماعليك الا تقرا المحاضرة عشان تفهم الموضوع ثم تفتح التبويب الواضح + الكنز هنوش(مقاطع هنوش وهي تحل التبويب بطرق مختصرة بقناتها بالتليقرام) والاختبار جانا من التبويب . والمقرر كل محاضرتين عن محاضرة وحده يعني تجيط محاضرة اسمها مفدمه عن... وبعدها محاضرة اللي عنه. او محاضرة عن التوزيعات (المنفصله) ثم بعدها محاضرة عن التوزيعات(المتصله) و كذا. 5-إدارة مالية 2 = نظري حفظ + عملي آله حاسبة fx-991ES PLUS تبي تاخذ فيه A+ ماعليك الا تقرا المحاضرة عشان تفهم الموضوع ثم تفتح التبويب الواضح و شفلك قروب يوزع مقاطع شرح لحل المسائل. نستثني هذا الترم-الدكتور اضطر لحذف الاختبار و الجامعة سدحتلنا اختبار من ارشيف الدكتور السابق بعد ان ابلغ احد الدوافير منسوبي الجامعه عن تسرب الاختبار. ولكن الترم الجاي باذن الله المالية 2 ستكون كما توقعنا ومن تبويب السهلاوي. 6-إدارة التسويق = نظري بدون مسائل او الحاجة لآلة حاسبة تبي تاخذ فيها A+ ماعليك الا تخصص يومين تحفظ و يوم لمراجعة ما حفظت و الاختبار جانا من التبويب. بشكل عام .. المستوى النظري فيه واضح و سهل الحفظ ماعدا اساليب البحث العلمي و العملي فيه مرتبط بمستوى ثالث و لو ماعرفت طريقة الحل لاي مساله بتضيع عليك 3 الى 5 اساله بالاختبار لانه يحط سؤال و يقول حل الاساله التاليه من مثلا سؤال 20 الة سؤال 25 و كذا... طريقة الحل يبيلها تمرن نفسك و تتابع مقاطع و بتثبت معك الطريقة. بالتوفيق |
رد: مواد المستوى الرابع
أشوفه أصعب وأدسم ترم مر علي
ترم كبيس |
رد: مواد المستوى الرابع
يعطيكم العافيه
|
رد: مواد المستوى الرابع
طبعا انا في كل مرة اقول ان ضروف الطلاب تختلف من طالب لثاني وكذالك تختلف قدرات الطلاب من طالب الى طالب ثاني يعني اللي سهل عيك ممكن يكون صعب على غيرك والعكس صحيح وممكن تكون ضروفك في هالترم افضل من ضروف غيرك وتكون المقررات من اسهل المقررات اللي راح تمر عليك ويمكن يكون العكس فما يمنع ان كل طالب يقول وجهة نظرة او ينقل للدفعة القادمة تجربتة مع مقررات هذا الترم.. للفائدة والطلاب اللي بدفعة القادمة تكون عندهم نظرة تصورية عن مقررات السمستر.. لكن لايخذها بشكل اساسي ويقيسها على نفسه عموماً 1- مقرر ( موارد بشريه ) الدكتور عبدالله الجعفري.. سبق ودرسنا عنده في السمستر الاول مادة ( الإدارة العامة ).. شرحه عادي مافيه اي تعقيد.. اغلبه قراءة للمكتوب في المحتوى.. وشرح لبعض النقاط.. اسئلته في الاختبار كانت واضحة ومتوسطة الى سهلة.. المقرر جميل يتكلم عن الموارد البشريه ومفهومه وتطورها في الاسلام والمدارس اللتي اتت بعده وعن نشاطاتها واهدافها واستراتيجياتها.. وعن تحيليل وتوصيف الوظائف وكيف كتابة بطاقة الوظيفه.. وكيفية تحديد الاحتياجات المطلوبه داخل اقسام المنظمة من ناحية الافراد وكيفية استقطابهم وتدريبهم.. وتقييم اداء الموظفين والوظيفه وكيفية تحديد المُرتب..بشكل عام المقرر جميل ومُفيد جدا جدا وخصوصا لموظفين الموارد البشريه.. او اللي راح يكمل دراست الماستر في هالتخصص ( موارد بشريه ) المقرر يحتاج شوية تركيز وفهم وحفظ 2- مقرر الاساليب الكمية الدكتور ملفي الرشيدي.. سبق واخذتو عنده في السمستر الماضي مادة (الإحصاء في الادارة).. شرحة كان متوسط.. لكن اسئلة الاختبار كانت جدا سهله لشخص اللي اعتمد على تبويب (ام جهاد).. لان الدكتور مايغير طريقة الاسئلة.. فقط يغير مُعطيات السؤال.. يعني اذا عرفت طريقة الحل وفهمتها من تبويب (ام جهاد) راح يكون الاختبار جدا جدا جدا سهل المقرر طبعا رياضيات يتكلم عن ( النماذج.. البرمجه الخطيه.. طرق التخصيص.. شبكات الاعمال )وكيف نستخدمها في اتخاذ القرارات الادارية وحل المشاكل الادارية بشكل رياضي.. المقرر مقسم الى اربع مواضيع.. كل موضوع راح يكون في ثلاث مُحاظرات او اربع على حسب.. والمقرر دسم.. لكن مع تبويب (ام جهاد) باذن الله راح يكون سهل و مُيسر عليكم.. 3- مقرر ادارة مالية2 الدكتور عبدالعزيز السهلاوي المقرر هو طبعا استكمال للمقرر ادارة مالية1.. واكثر تعمق في مجال الادارة المالية وقرارات الاستثمار والتمويل وربطها بمفهوم العائد والمخاطرة.. وتعريف الطالب بطرق واساليب تحديد السياسة المالية للمنشاة.. و في اسقاطات لبعض الامثله على سوق الاسهم السعودي والبورصه العالمية طبعا الاختبار تبع هالمقرر صارت لنا معاه سالفة .. يقولون الاسئلة تسربت قبل الاختبار بنص ساعة.. والجامعة جاها علم بالموضوع.. واعطو تعليمات للمقرات انهم يعتمدون الاختبار البديل الاحتياطي.. وللاسف اللي كان حاط اسئلة الاختبار البديل الاحتياطي دكتور اخر غير السهلاوي.. والكل طلع ماااا حل شي ابد .. والموضوع تطور والكل تكلم فيه حتى وصل الهاشتاق تريند بتويتر وعموما لااازم تركزون زين ع المقرر لانه دسم وفيه قوانين كثيرة مع ان السهلاوي قال انه بيجيب لنا القوانين باخر الصفحة.. وللامانة قال ركزو على الاسئلة اللي بالمحاضرة المباشرة الرابعة.. وفعلا لما تسربت الاسئلة ونزلت هنا في المنتدى وبعض القروبات بالواتس.. لقينا ان الاسئلة اللي كانت بتجينا في الاختبار كانت نفس الاسئلة اللي جابها لنا في المحاضرة الرابعة المباشرة.. لكن للاسف الاختبار تغير كااامل.. 4- ادارة التسويق لمقرر يتكلم عن مبادئ واسس التسويق, والتسويق الحديث وتطوره وتحيليل البيئة التسويقية والعوامل الموثرة عليها.. ونظام المعلومات التسويقية.. المقرر كان جدا جدا دسن ونظري ويحتوي على نقااط كثييرة يعني حفظ وتعداد ( عن نفسي ما احب مثل هالمقررات ).. الدكتور احمد عبدالرحمن بلالي تونسي الجنسية او مغربي .. للامانة الدفعة اللي قبل مايمدحون هالدكتور ابد.. وهالشي شفته في الاسئلة اللي كان حاطها في الاختبارات السابقة.. لكن بنسبة لاختبارنا كان سهل عند الاغلبية لانه كان مكرر من اسئلة سابقة.. يعني اللي اعتمد على التبويب تبع الاخت ( سوسو ) وحفظه زي ماهو.. ضمن النجاح ويمكن ضمن درجة عالية.. لانه كان مكرر.. لكن هالشي ممكن يتغير في الاختبار القادم مع الدكتور.. نصيحة خصصو لها وقت كافي وبدري عشان تقدرون تحفظون 5- التحليل الاحصائي المقرر رياضياات استكمال لبعض المواضيع في مقرر رياضيات 1 اللي بسمستر الاول واستكمال لبعض مواضيع مقرر الاحصاء في الادارة اللي بالمقرر الثالث + بعض المواضيع الجديدة.. بشكل عام المقرر سهل ولو ان الدكتور شرحة بنسبة (لي) مو لهناك.. بس كثييييير من الطلاب حقين السمستر اللي قبلنا والطلاب اللي خذو المقرر صيفي عنده كانو يمدحونه وعموما اسلوبه في الاسئلة نفس اسلوب الدكتور ملفي ( مايتغير ) يعني اعتمدو على الملخصات وتبويب ام جهاد وباذن الله اموركمم طيبة باقي مقرر سادس انا ماخذه من خارج الخطة الدارسية لهسمستر.. ماخذه من السمستر السابع.. اسمه ( ادارة الاعمال الصغيرة ).. المقرر سهل وجميل لكن الله يسامح الدكتور.. كان داخل تحدي مع الطلاب بالاسئلة وانواع التلاعب بالمصطلحات والخيارات في الاختبار... في النهاية هذي تجربتي في هالمستوى للامانة كان مستوى بنسبة لي جدا صعب بسبب بعض الضروف الصحية اللي جاتني وبعض الضروف الصحية اللي جات الوالد.. وخلتني انشغل معاه في المستشفى لفترة.. لكن يمكن يكون بنسبة لغيري من اسهل السمسترات... فا من الافضل ان الدفعة القادمة ما تاخذ كلامنا كمقياس اساس.. بقدر ما انها تاخذه على انه كان مجرد تجارب يُستفاد منها ويتكون منها تصور لمدى سهولة او صعوبة السمستر.. لانو ارجع واقول القدرات تختلف والضروف تختلف.. الله يوفق الجميع |
رد: مواد المستوى الرابع
ركز على ماليه2 والاحصاء . الاحصاء عندك التبويبات مختصره لك كل شي وسهل ولكن منهج طويل يبيلك من بداية الدراسه وانت متابع . ان تابعت بيسهل عليك مره . خصوصاً كل محاضره لها قوانين مختلفه عن الي قبلها . يعني تقدر تفرق وتنتبه . لكن ماليه 2 مادري وش تبي ، مشربكه القوانين مع بعض . مافيه محاضره تقدر تقول انها منفصله عن الي قبل . لذلك ركززز على ماليه 2 . الباقي متوسط الصعوبه الى خفيف
|
رد: مواد المستوى الرابع
اقتباس:
نبي الكنز هنوش وينه ممكن الرابط Sent from my iPhone using ملتقى فيصل |
| All times are GMT +3. الوقت الآن حسب توقيت السعودية: 03:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام