ملتقى طلاب وطالبات جامعة الملك فيصل,جامعة الدمام - الشـروط والتعليمات للقبول لعام 1431-1432هـ

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب وطالبات الكليات الصحية - جامعة الإمام عبدالرحمن (https://vb.ckfu.org/f164)

- - الشـروط والتعليمات للقبول لعام 1431-1432هـ (https://vb.ckfu.org/t79463.html)

أبو فارس

2010- 6- 19 08:50 PM

الشـروط والتعليمات للقبول لعام 1431-1432هـ

2 مرفق

السلام عليكم,,,

مرفق لكم الشروط والتعليمات للقبول لعام 1431-1432هـ لجامعة الدمام

هذا الدليل يحتوي على الخطه والتعليمات والشروط الكامله بإذن الله..

علماً بأن النسبه التراكميه سُتعلن عن طريق موقع الجامعه في الوقت المحدد.

موفقين جميعاً,,,

hanood

2010- 6- 19 10:49 PM

رد: الشـروط والتعليمات للقبول لعام 1431-1432هـ

بسم الله الرحمن الرحيم
السلام عليكم ورحمة الله وبركاته
..

اخوي ابو فارس .."

مششكوور ع الطرح ..

عندي استفسار .. راح تفتح كلية العلوم الطبيه و التمريض لخريجات الدفعه الماضيه 1430؟؟

أأأرجوو ان تريح قلبي بردك الشافي..

أبو فارس

2010- 6- 19 11:18 PM

رد: الشـروط والتعليمات للقبول لعام 1431-1432هـ

وعليكم السلام ورحمة الله وبركاته,,,

اختي/ Hanood ...

حالياً مافي أخبار أكيده, ولكن حسب بعض المصادر فهناك تطلعات بقبول دفعة 1430هـ للذين تنطبق عليهم الشروط المعلنه, طبعاً والأولويه لخريجي السنه الحاليه..

كما تعلمين ان التسجيل يكون على عدة دفعات, فمثلا في تسجيل الدفعه الأولى ستكون الكليات الصحيه متاحه فقط لخريجي السنه الحاليه.
أما تسجيل الدفعه الثانيه سيتضح ان كان هناك استيعابيه اكبر بعد الانتهاء من تسجيل خريجي السنه الحاليه,سيتم فتح المجال لخريجي السنه الماضيه.

* الخلاصه, عندما يفتح التسجيل للدفعه الأولى بإمكانك ادخال بياناتك, وستلاحظين بمجرد إدخالك لسنه التخرج لن تظهر لك الكليات الصحيه,ولكن لا تيأسي فربما تظهر في تسجيل الدفعه الثانيه.

هذا والله أعلم..

بالتوفيق جميعاً,,,

SaRa_12

2010- 6- 20 11:47 AM

رد: الشـروط والتعليمات للقبول لعام 1431-1432هـ

الله يجزاكـ خير
عندي سؤال
النسبه التراكميه اللي تطلبها الكليه .. متى نقدر نعرفها ؟؟
لأن بين الإختبار التحصيلي و التقديم للجامعه 8 أيام فقط -_-
و مكتوب أيضا .. اجتياز الإختبار التحصيلي .. ايش هذا ؟؟
و المقابله الشخصيه ؟؟

شكرا مقدما

hanood

2010- 6- 20 02:33 PM

رد: الشـروط والتعليمات للقبول لعام 1431-1432هـ

اقتباس:

كما تعلمين ان التسجيل يكون على عدة دفعات, فمثلا في تسجيل الدفعه الأولى ستكون الكليات الصحيه متاحه فقط لخريجي السنه الحاليه.
أما تسجيل الدفعه الثانيه سيتضح ان كان هناك استيعابيه اكبر بعد الانتهاء من تسجيل خريجي السنه الحاليه,سيتم فتح المجال لخريجي السنه الماضيه.

لم أستوعب هذا النص ..

هل سيكون هناك تسجيل للدفعه الثانيه؟ ام فقط تنشيط للتسجيل الاصلي؟

اذا كان فقط تنشيط.. معناه لن تندرج الكليات الصحيه للطالبه .. لعدم تسجيلها في رغباتها ..!!

..

استفسار ثآني ^ـ^

هل يحق للطالبه التي تدرس حالياً بجامعة الملك فيصل بالاحساء التسجيل في جامعة الدمام؟

أرجو اعطائي الخبر الأكييييد

..
فائق شكري واحترامي

SaRa_12

2010- 6- 22 11:28 AM

رد: الشـروط والتعليمات للقبول لعام 1431-1432هـ

اقتباس:

و مكتوب أيضا .. اجتياز الإختبار التحصيلي .. ايش هذا ؟؟

عذرا :119:
أقصد الإختبار التحريري

! ناعمة العود !

2010- 6- 28 06:39 PM

رد: الشـروط والتعليمات للقبول لعام 1431-1432هـ

جد انبسطت وجدت شخص موووظف بقسم العلووم الطبييييه ...

بليييز طلبتك عندي سؤااال ....

انا ابغى احول من كلية العلوووم بالدماام لكلية العلووم الطبيه ..
بتقوول ممكن مايصيير ومن هالاشيااء بقوولك بجررب حظي ...

بس ابغى طلب واااحد ولو تقدر تبحث لي فيييه ...
متى اقدر اقدم اورااااقي ...

يوم سالت بكليتنا قالو لكل كليه وقت محدد لتقديم التحوويل ... اسألو كلية العلووم الطبيه وانا مااعرف احد فيها ...
فلو تتكرم وتعلمني متى الوقت اللي اقدر احوول فييه واكووووون بجد بجد بجد شااكره لك ....
واذا عندك معلوماات عن التحوويل تقدر تفيدني فيها ماتقصر زياااده بس اهم شي خاطري اعرف وقت التحوويل تبع كلية العلوم الطبيه التطبيقييه ....

تحيااتي لك ...

BeeB	2010- 6- 29 07:55 PM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة ! ناعمة العود ! (المشاركة 1179124)

مواعيد التقديم على التحويل كما ذكر الأخ ابو فارس في احد ردوده

على شهر شعبان بإذن الله

حاولي تتصلين بإدارة الجامعه وتستفسرين اكثر بخصوص المواعيد ..

بالتوفيق

BeeB	2010- 6- 29 08:09 PM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة hanood (المشاركة 1136965)

عند تنشيط التسجيل سيتم التنشيط ضمن الرغبات التي تم إدخالها في تسجيلك للدفعه الأولى .. والعملية عملية تنشيط فقط لا أكثر وليست عملية تسجيل جديده ..

بالنسبة لاستفسارك الثاني ..
هل يحق للطالبة التي تدرس حالياً بجامعة الملك فيصل بالاحساء التسجيل في جامعة الدمام؟
قصدك التحويل مو التسجيل .. بإمكان جميع الطلاب الملتحقين بجامعة الملك فيصل بالأحساء التقديم على التحويل لجامعة الدمام ..

والله الموفق

! ناعمة العود !

2010- 6- 30 04:46 AM

رد: الشـروط والتعليمات للقبول لعام 1431-1432هـ

اقتباس:

مواعيد التقديم على التحويل كما ذكر الأخ ابو فارس في احد ردوده

على شهر شعبان بإذن الله

حاولي تتصلين بإدارة الجامعه وتستفسرين اكثر بخصوص المواعيد ..

بالتوفيق

يسعدك ربي دنيا واخره ...

وان شااء الله بتصل علييهم واشووف اخر الاخباار ...

تحيااتي لك ....

امولة

2010- 7- 1 09:15 AM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة sara_12 (المشاركة 1136210)

الله يجزاكـ خير
عندي سؤال
النسبه التراكميه اللي تطلبها الكليه .. متى نقدر نعرفها ؟؟
لأن بين الإختبار التحصيلي و التقديم للجامعه 8 أيام فقط -_-
و مكتوب أيضا .. اجتياز الإختبار التحريري .. ايش هذا ؟؟
و المقابله الشخصيه ؟؟

شكرا مقدما

نفس السؤال وياليت تجاوبون عليه بعد اذنكم

BeeB	2010- 7- 1 04:20 PM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة sara_12 (المشاركة 1136210)

النسبة المركبه التي تعتمد عليها الكليه معروفه وهي متقاربه كل سنه ..

ليس أقل من 86% ..

بعد الترشيح على القبول .. لا يوجد هناك أي اختبار تحريري يتوجب عليكم إجتيازه غير اختبار الفحص الطبي في مستشفى الملك فهد التعليمي ..

ولا يوجد هناك مقابلة شخصيه ..

موفقين

hanood

2010- 7- 1 09:28 PM

رد: الشـروط والتعليمات للقبول لعام 1431-1432هـ

تسسلمي لي يآبعدهم "

ثقلنآ عليك .. تحملينا شوي ^ـ^

حلم .نسعى ـآآ لتحقيقه

،،

دعوآتكم

reeem

2010- 7- 4 08:27 PM

رد: الشـروط والتعليمات للقبول لعام 1431-1432هـ

يعني الحين التقديم للكليات الي تبع جامعة الدمام نقدم بموقع جامعة الدمام والا موقع جامعة الملك فيصل مو موقع الدمام للحين تجريبي ؟

BeeB	2010- 7- 4 08:54 PM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة reeem (المشاركة 1207391)

كما هو مذكور في المرفقات .. التسجيل يتم عبر موقع جامعة الدمام ..

خلال فترة التسجيل لن يصبح تجريبيا إنما التسجيل يتم من خلاله لجميع الطلاب والطالبات ..

موفقه

SaRa_12

2010- 7- 6 10:42 PM

رد: الشـروط والتعليمات للقبول لعام 1431-1432هـ

اقتباس:

ليس أقل من 86%

يعني أي شيء أقل من 86 ما ينفع ؟؟
مثلا 83 .. في أمل أنقبل :000:

شكرا لكـ

BeeB	2010- 7- 7 05:22 PM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة sara_12 (المشاركة 1214858)

يعني أي شيء أقل من 86 ما ينفع ؟؟
مثلا 83 .. في أمل أنقبل :000:

شكرا لكـ

للأسف مااتوقع ..

عزيزتي هالنسبه المركبه لما يتم إدخالها بأول صفحه للتسجيل , راح تلاقين الرغبات في الصفحه التاليه لاتتضمنها كلية العلوم الطبية .. لأنها عادة لا تقبل أقل من 86% ..
راح تظهر لك الكليات والاقسام اللي تقبل نسبتك ..

موفقه

عصآيم

2010- 7- 8 01:08 PM

رد: الشـروط والتعليمات للقبول لعام 1431-1432هـ

تشكرين بيبو على الحظور المميز
من جد مكفيه وموفيه
ربنآ يوفقك حبي
ويوفق بنوتآت الثآنويه وإن شآء الله ينقبلون بكليتنآ ونلقآهم السنه الجآيه منورين الجآمعه

الرمش الكحيل

2010- 7- 26 01:46 PM

رد: الشـروط والتعليمات للقبول لعام 1431-1432هـ

السلام عليكم
انا انقبلت في العلوم الطبية
بس ماادري متى الكشف الصحي؟
وهل له وقت محدد.؟؟
لان اليوم مسافرة واخاف يفوتني

BeeB	2010- 7- 26 02:18 PM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة الرمش الكحيل (المشاركة 1302148)

الله معك اختي .. سافري .. والكشف بأي وقت تسلمينه للجامعه

موفقه

بكل تواضع

2011- 4- 24 11:10 AM

رد: الشـروط والتعليمات للقبول لعام 1431-1432هـ

بس ودي تطمنوني؟؟
اذا جبت بالثانويه العامه 85%
والقدرات جبت حاليا 77 وليسى باقي القدرات الفرصه الثانيه مع التحصيلي في شهر 7
سؤالي بالي جبته اقدر ادخل كليه العلوم التطبيقيه؟؟
او ادور غيرها:mh318:

عشقي الظهران

2011- 4- 30 09:31 PM

رد: الشـروط والتعليمات للقبول لعام 1431-1432هـ

انا نننفس اللي فوووقي ححبيت اسأل عنن نسبتي

القدرآآت 85
والثاانويه 98
والتحصيلي اان شااء الله اجججيب ننسبه كوويسه

للحين ززين ولاا؟.

وكم على الأقل لااازم ااجيب بالتحصيلي علشااان القبوول؟

طويلهـ بس جميله

2011- 7- 11 09:10 AM

رد: الشـروط والتعليمات للقبول لعام 1431-1432هـ

السلام عليكم ورحمة الله وبركاته ..

عندي استفسار وياليت تجاوبيني أختي BeeB

أنا نسبه التراكمي للثانويه العامه 90.15

والقدرات 71 والتحصيلي 74

في أمل يقبلووووني تكفين ريحيني والله نفسي بهالمجاال ..

طويلهـ بس جميله

2011- 7- 12 04:44 PM

رد: الشـروط والتعليمات للقبول لعام 1431-1432هـ

مافي أحد يرررد عليا :icon9:

زهرة التوليب

2011- 7- 12 11:43 PM

رد: الشـروط والتعليمات للقبول لعام 1431-1432هـ

الحساب
30% من الثانوي + 30% القدرات + 40% التحصيلي
احسبوهم وادا اعلى من 85 ليكم امل في الكلية

الشمعة

2011- 7- 24 10:37 PM

رد: الشـروط والتعليمات للقبول لعام 1431-1432هـ

لو سمحتوا ابي أسأل ع العلوم الطبية التطبيقية أنا نسبتي الموزونة 87.55
في امل انقبل في الدفعات الجاية لانه النسبة الموزونة للدفعة الأولى توقفت عند 89.3

زهرة التوليب

2011- 7- 25 03:10 PM

رد: الشـروط والتعليمات للقبول لعام 1431-1432هـ

إن شاء الله في أمل .. عادي انها تنزل الى 86
بس على شطارة الدفعة
احنا دفعتنا اتووقع اول دفعة وقفت عند 89 ونزلت تالي ل 86
بس على حسب شطارة الدفعة ورغبتها

يارب أتــــــــــمــــــــــنى تنزل الى 86 :119:

Lulla

2011- 7- 25 08:54 PM

رد: الشـروط والتعليمات للقبول لعام 1431-1432هـ

هلا زهرة التوليب وأنا بعد عندي نفس سؤال الشمعة
بس ابي اسأل انتي كنتي أي دفعة لأنه حنا بس ثلاث دفعات :/
وخايفة انها ماتنزل الا أعشــــــار

زهرة التوليب

2011- 7- 25 11:36 PM

رد: الشـروط والتعليمات للقبول لعام 1431-1432هـ

أني كنت الدفعة الأولى :119:

اتوقع احنا طلعو عندنا 4 أو 5 دفعات
وكانت تنزل أكثر من ارقام عشرية
بس على حسب شطارة الدفعة ورغبتها

احتمال اذا صار في مقاعد فاضية يطلعو لكم اكثر من 3 دفعات :)

ان شاء الله تنزل .. ادعيلكم من قلبي:love080:

Al-JaDeEl

2011- 7- 26 12:11 AM

رد: الشـروط والتعليمات للقبول لعام 1431-1432هـ

ابي اسال نرسل ورقة الفحص الطبي مع الشهادات في البريد الممتاز ولا لا..؟

لان الفحص الطبي اتوقع ياخذ فتره والاربعا ينتهي تسليم الاوراق

Lulla

2011- 7- 26 12:37 AM

رد: الشـروط والتعليمات للقبول لعام 1431-1432هـ

لا أنا أقصد أي سنة تخرجتي ؟

زهرة التوليب

2011- 7- 26 01:39 AM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة al-jadeel (المشاركة 4074233)

لا ورقة الفحص الطبي لاتسلم بالبريد الممتاز
تخلينها معك الى موعد الفحص
وهناك هم يستلموها منك عشان يعبو فيها نتائجك
ويسلموها للجامعة هم
اصلا حتى نتيجة تحاليلك ما راح تاخذينها :119:

زهرة التوليب

2011- 7- 26 01:42 AM

رد: الشـروط والتعليمات للقبول لعام 1431-1432هـ

اقتباس:

المشاركة الأصلية كتبت بواسطة Lulla (المشاركة 4074380)

لا أنا أقصد أي سنة تخرجتي ؟

خريجة عام 1430/1429 هـ :biggrin:

من سنتين يعني :love080::106:

All times are GMT +3. الوقت الآن حسب توقيت السعودية: 10:49 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه