ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- إدارة أعمال 2 (https://vb.ckfu.org/forumdisplay.php?f=306)

- - [ تجمع ] : مستوى ثاني ادارة اعمال (https://vb.ckfu.org/showthread.php?t=779684)

Mofareh

2017- 1- 6 12:28 AM

مستوى ثاني ادارة اعمال

اخواني بالدفعه :
1- السبب الرئيسي للانتساب اهو مواصله الدراسه ( لاي غرض او سبب هذا شي راجع للمنتسب ).
2- من باب الاهتمام و كمان لمصلحتك عشان لا تفتح ع نفسك باب ( ادخل القاعه باثباتك و الاشياء المسموحه بالاختبار فقط .
3- قبل لا نقول نبي نذاكر الماده ( كيف نذاكر وكيف نبداء و فين نلقاء الاجابة المختصرة لتوصيل المعلومه بشكل اسهل و اسرع ) .
4- ملخصات - اساله الاعوام السابقة - كويزات - نماذج .,. كيف نجيبها ومنين .
5- اكثر مواضيع المنتديات لأداره الاعمال مستوى ثاني ( سالفة التظلم - الاسأله صعبه - يبون يسرقون الرسوم ) وش هالسوالف الي قاعدة تصير ؟؟؟ الدفعات السابقة والله تحزن لوضعنا .

اسف للاطاله ولكن المقصد كامل نبي نحدد ناس فعاله بالدفعه - متواجده تخدم نفسها اولا وتخدم الي معاها بالدفعه وتكسب اجرهم والدعوه الزينه ..

ملاحظتي فقط .... وين المنتدى الي لزوم نكون كلنا مجتمعين فيه ( انتساب تبع الملك فيصل .,. او الدمام و الملك فيصل ) عشان يكون موردنا واحد

وانا اول شخص راح اصخر نفسي للدفعه بدايه من الاحد الى انتهاء المستوى الثامن ... من معي ؟؟؟

اخوكم : مفرح
:(269):

نورا ..

2017- 1- 6 12:32 AM

رد: مستوى ثاني ادارة اعمال

انا معك ان شاء الله باللي اقدر عليه وان شاء الله يكون كلام وفعل مو نفس السمستر الماضي ناس كثير تكلموا واختفووا بعدها
موفقين .

معاني انتساب

2017- 1- 6 12:35 AM

رد: مستوى ثاني ادارة اعمال

جزاك الله خير اخوي مفرح بعد الاختبارات الوعد :d5:

abu joud

2017- 1- 6 12:40 AM

رد: مستوى ثاني ادارة اعمال

بارك الله فيك يامفرح

salabse

2017- 1- 6 12:54 AM

رد: مستوى ثاني ادارة اعمال

جزاكم الله كل خير.. يعلم الله برغبتي اكون معكم ولكن ظروف عملي.. ولكن ابشرو بالي اقدر عليه..

Sent from my iPhone using ملتقى فيصل

تيفاني 22

2017- 1- 6 02:25 AM

رد: مستوى ثاني ادارة اعمال

جزاكم الله خير كلكم ماتقصرون ..

Mofareh

2017- 1- 6 11:23 AM

رد: مستوى ثاني ادارة اعمال

اولا ً : عشان نعرف نبداء صح :
كم عدد مستوى ثاني ( الفعالين ) الموجودين فعلياً يقومون بزياره المنتدى باستمرار . سواء منتدى جامعة الملك فيصل او منتدى جامعة الدمام وجامعة الملك فيصل ( عشان نوزع المشاركات ويستفيد الكل ) .
* هل تعلم بانك لما انت تبحث عن معلومة عشان تنزلها ليستفيد اخوانك بالدفعه بانك راح تستفيد اول واحد لانك الباحث الاول وتفكيرك مركز اكثر من الي يلقاء المعلومه جاهزه .
اتمنى من كل قلبي اعرف المتفاعلين بالمستوى عشان نرتاح ( حطوا ببالكم باقي 3 سنوات راح نكون فيها مع بعض ) لو ما الله كتب والتقينا من اول مستوى ,., لاتتركون هالمستوى يعدي بدون ما نتكاتف .
- نبي شخص لبق ( وكلكم فيكم الخير ) يتولى اي رساله تبعث لاي دكتور .
- نبي شخص يحب يكتب ويلخص حتى لو اي ملخصات سابقه يقدر ينسقها بناء على دكتور المادة .
- شخص يبحث عن اي اساله سابقه من اي دفعه و يتفرغ يحذف الاساله المكرره ( والمنتديات والمستويات اللي قبلنا ماراح يقصرون معنا ) .
قروب واتس اب ( اقدر افعله للقروب كامل برقم غير سعودي ) واي بنت تبي تنظم للقروب لها السرية الكامله باذن الواحد الاحد ( حتى لو يعملوا لهم قروب خاص ويكون فيهم واحده فقط بقروب الرجال ) تكون تبادل المعلومات بين القروبات .

هذا رائي وانا اوافق على اي مهمه تكلفوني فيها .. ولكن يا اخواني انا اطمع وارغب الجديه

الآنسة أسماء

2017- 1- 6 12:48 PM

رد: مستوى ثاني ادارة اعمال

تعقيبا على النقطة الخامسه
بعض الاخوان والاخوات يواجه صعوبه في تقبل الدراسه الجامعيه والانظمه لعدة اسباب لانعلمها وقد لا يتاقلم بسهوله مع الوضع
ولاكن من باب اولى ان نراعي الجميع
بجميع المستويات العميه والثقافيه والظروف
باذن الله اي موضوع يطرح ويكون فيه سلبيه او تضلمات وشكاوي لا نتهجم على صاحب الموضوع كما رايت سابقا
سنعالج الموضوع بطريقه مناسبه تحبب الاخوان في الماده والدراسه ورفع معنويات بعض
بعض الكلمات توثر على الاشخاص وقد تغيير في طريقة تفكيرهم ونظرتهم للحياه
طالما اتيحت لنا الفرصه ان نخاطبهم، من وجهة نظري ان لا نبخل عليهم بالكلمات الجميله والتحفيز والايجابيه ورفع المعنويه
انا اتضايق من وجود هذه المواضيع في اي قسم"وتكون سلبيه المحتوى" ولاكن ما يضايقني اكثر ردود الاخوان اللتي لاتزيد الوضع الا سوء "وتعود بالسلبيه اكثر على صاحب الموضوع"
وكان بالامكان تبني المشكله بطريقه افضل للتعاون والارتقاء بالقسم كاااامل بمحتواه التعليمي والنفسي في جميع الظروف
المحتوى التعليمي مهم والنفسي ايضا مهم يجب ان نتبادل الاثنين معا

الآنسة أسماء

2017- 1- 6 12:49 PM

رد: مستوى ثاني ادارة اعمال

وفقنا الله واياكم جميعا :icon1:

منوليتاا

2017- 1- 6 02:30 PM

رد: مستوى ثاني ادارة اعمال

وانا حاضره باللي تبون ودي صراحه يكون لي بصمه واكون اخدم دفعتي الجميلة بس فيه اشياء ما افهم فيها صراحه مثل رفع المواضيع ومدري ايش [emoji16]

Sent from my iPhone using ملتقى فيصل

تيفاني 22

2017- 1- 6 02:36 PM

رد: مستوى ثاني ادارة اعمال

بنسبه لقروبات الواتس اب مخالفه لقوانين المنتدى ...

ابوعبدالله الشهريMM

2017- 1- 6 02:50 PM

رد: مستوى ثاني ادارة اعمال

نحن معكم ان شاء الله الى التخرج بأذن الله واذا عشان المنتديات مافهمت عليك اخي مفرح انا اشوف منتدى ذا افضل حتى لو كانت المشاركات قليله شوف مشاهدات كثير ز توصل لعدد كبير ان دل دل تفاعل المنتدى هذا عن غيره من المنتديات وشكرا

من جهازي SM-G925I بواسطة تطبيق ملتقى فيصل

شذا الروح

2017- 1- 6 09:45 PM

رد: مستوى ثاني ادارة اعمال

اذا فعلتو قروبات واتس اب رح ينام المنتدى خليكم هنا بدون قروبات لان الفائده اعم

شذا الروح

2017- 1- 6 09:46 PM

رد: مستوى ثاني ادارة اعمال

وان شاء الله انا بساعدكم باللي اقدر عليه

Mofareh

2017- 1- 7 11:40 AM

رد: مستوى ثاني ادارة اعمال

اقتباس:

المشاركة الأصلية كتبت بواسطة تيفاني 22 (المشاركة 1057499738)

بنسبه لقروبات الواتس اب مخالفه لقوانين المنتدى ...

مرحبا ً اختي تيفاني .,. ماشاءالله يا اختي انتي ملمة بكل شي الله لايضرك .,. شرايك تكونين المسؤله عن جميع الملخصات و النماذج واللي يفيد الدفعه باذن الله ( يعني اي منتسب او منتسبه راح يوجه طلبه لاسمك في حال نقص عليه او علينا شي ) .,. اتمنى القبول لانك متفاعله كثير بالمنتدى وكنت افكر انك مستوى اقدم من ثاني

الله يوفقك

Mofareh

2017- 1- 7 11:44 AM

رد: مستوى ثاني ادارة اعمال

اقتباس:

المشاركة الأصلية كتبت بواسطة ابوعبداللهmm (المشاركة 1057499803)

نحن معكم ان شاء الله الى التخرج بأذن الله واذا عشان المنتديات مافهمت عليك اخي مفرح انا اشوف منتدى ذا افضل حتى لو كانت المشاركات قليله شوف مشاهدات كثير ز توصل لعدد كبير ان دل دل تفاعل المنتدى هذا عن غيره من المنتديات وشكرا

من جهازي sm-g925i بواسطة تطبيق ملتقى فيصل

اول مادخلت للجامعه توجهت مباشره لمنتديات جامعه الملك فيصل بحكم اني منتسب بنفس الجامعه ولكن اتضح انه ميت المنتدى ولا في اعضاء بالمستوى اقدر اخذ واعطي معهم
فكنت استفسر هل التجمع بمنتدي جامعه الملك فيصل او جامعه الدمام وجامعه الملك فيصل
ولكن اتضح ان المنتدى هنا يلبي احتياجات اكثر طلاب الانتساب و كمان الاعداد للاعضاء يحمس

Mofareh

2017- 1- 7 11:45 AM

رد: مستوى ثاني ادارة اعمال

اقتباس:

المشاركة الأصلية كتبت بواسطة شذا الروح (المشاركة 1057501798)

اذا فعلتو قروبات واتس اب رح ينام المنتدى خليكم هنا بدون قروبات لان الفائده اعم

اتفق معك .,. كنت فقط احط ببالي عدد الطلاب الي ماعندهم اجهز لابتوب
ولكن راح نفيد ونستفيد بدون واتس اب كمان
:(204):

وضحى بنت سعد

2017- 1- 7 11:48 AM

رد: مستوى ثاني ادارة اعمال

بالتوفيق ان شاء الله و ربي يكتب اجررر كل من يجتهد و يساعد ،،،

Sent from my iPhone using ملتقى فيصل

Mofareh

2017- 1- 7 11:49 AM

رد: مستوى ثاني ادارة اعمال

عدد المشاهدات يتناقض مع عدد المشاركات ( معقول هالعدد الهائل ماحاول يتفاعل ويكتب حرفين نعرف انه معانا بالدفعه )
يد وحده ماتصفق يا اخواني

عبدالعزيز عثمان

2017- 1- 7 05:23 PM

رد: مستوى ثاني ادارة اعمال

بارك الله فيكم

Lody41

2017- 1- 7 09:37 PM

رد: مستوى ثاني ادارة اعمال

موضوع جداً رائع و فعلاً نحتاج شي مثل كذا يخلي دفعتنا تتكاتف بدل ماهي متفككة
المفروض اننا دفعة وحده نكون متكاتفين بشكل أكبر ومنجزين
أنا معاكم بإذن الله باللي أقدر عليه
حتى جا ببالي كمان انه ممكن نسوي جدول للمذاكرة بينا اسبوعياً من بداية المستوى القادم عشان ما نرجع نغلط نفس غلطة هالمستوى ونذاكر قبل الامتحانات
ممكن كمان نحدد يوم يكون فيها تجمع لنا و نسوي فيها مسابقة ك اسألة للمواد لكن تكون بطريقة احترافية و ممتعة
منها نكون جمعنا المذاكرة و التسلية معاً وترسخ المعلومات أكثر كذا

youssef al zain

2017- 1- 7 11:08 PM

رد: مستوى ثاني ادارة اعمال

متابع بصمت ...

Mr.DaMMas

2017- 1- 7 11:32 PM

رد: مستوى ثاني ادارة اعمال

السلام عليكم ورحمة الله وبركاته

أنا معكم باللي تشوفونه مناسب باذن الله تعالى . وباذن الله تعالى نتعاون والترم القادم ان شاء الله راح احاول اسوي كم فكرة ببالي ان شاء الله تساعدنا جميعا اننا نجتاز كل المواد .

وباذن الله تعالى متكاتفين ومتعاونين ونساعد بعض .

سامي الكناني

2017- 1- 7 11:40 PM

رد: مستوى ثاني ادارة اعمال

كلامك صحيح اخوي في ناس تتكلم عن المؤامرات والصعوبه وانا الشوف ان الاسئله من نفس المنهج رغم اني متاكد اني بحمل مادتين وذلك اهمال مني وعدم المذاكره
وانا من الحين راح اكون متابعه ولكن ماقدر اكون فعال في المنتدى بشكل مثمر وذلك بسبب ضروف عملي والبزارين الي مكسرين راسي
واتمنى من الاخوات الاكارم انهم يكونون فعالين اكثر ونطلب منهم المزيد اذا كانوا جالسين في البيت وماعندهم شغل (ترا ماقصد شي).
نسأ ل الله التوفيق لي ولكم

Tott	2017- 1- 8 06:30 AM

رد: مستوى ثاني ادارة اعمال

بالتوفيق لكم ولابد من التعاون يد بيد حتى التخرج
ونحن كمشرفين حاضرين بالمساعدة باللي نقدر عليه

موفقين جميعا

All times are GMT +3. الوقت الآن حسب توقيت السعودية: 09:44 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه