|
الدراسة صعبة صح .. طيب تعالو ... نشوف لنا حل ..
السلام عليكم اتوقع ان الدراسة فوق مستوانا وصعبة شوي نرجع بعد انقطاع اكثر من 20 سنة نرجع في مراجعة ودراسة .. طيب .. طيب .. حلو .. اتوقع صرنا شيبان مانستوعب بسرعه وصار الدكتور حالياً مايبي يتعب نفسة يقرأ من المحتوى حتى مايقول هذا مهم وهذا غير مهم ... اليوم جالس اقرأ في مادة تقنية المعلومات الدكتور / الشريف / جايب الكتاب كله في المحتوى ماترك كلة الين اضافها طيب كله كلام في كلام يا دكتور نبي الفايدة مانبي كثرة الكلام وارسلت له هالكلام ومارد . طيبعاً لا احد يجي بعدين ويقول لا انا افهم بسرعه لا ياحبيب كل ماكبر الانسان كلما صار الفهم عندة شوي بطيئ وهذا واقع مانبي نضحك على انفسنا .. مع انني اعرف شايب تقاعد وتفرغ للدراسة لكن خش جامعة الامام ومتفرغ وجالس يدرس وامورة ماشيه لا والترم اللي راح جايب 4.45 ما شاء الله ترك الله .. طيب وش تقترحون علينا في هالمرحل العمرية ... نسوي لنا جامعه وكل واحد فينا دكتور نفسة و يحط المادة اللي يبي ويذاكر فيها وينجح او في اقتراحات اخرى ... او نرفع نتقاعد مبكر 20 سنة ونتفرغ للدراسة ولا ايش رأيكم يالله هات .. اقتراحاتم ... |
رد: الدراسة صعبة صح .. طيب تعالو ... نشوف لنا حل ..
أقــتراحي وهو الواقع أكـثر من كونه اقتراح اضغط على نفسك مالك الا هالطريقه اضغط على نفسك واكررها للمره الثالثه اضغط على نفسك ـ واما من ناحية الموضوع ماله اي فايدهـ يالطيب ماراح تطلع باي نتيجه
لا جامعه لك ولا مدرس لك ولا تتقاعد بدددري كل شيء غالي الحين هههههههه . الله يوفقكم . |
رد: الدراسة صعبة صح .. طيب تعالو ... نشوف لنا حل ..
مشكلتنا نذاكر قبل الاختبار بيومين ونبي ننجح ، وهذا غلط .
اللي يبي يرتاح ايام الاختبارات يذاكر قبل الاختبار بشهر ، يجي ايام الاختبارات يخليها فقط للمراجعة . |
رد: الدراسة صعبة صح .. طيب تعالو ... نشوف لنا حل ..
اقتباس:
|
رد: الدراسة صعبة صح .. طيب تعالو ... نشوف لنا حل ..
اقتباس:
مافي حل الا هالحل صحيح:(204): |
رد: الدراسة صعبة صح .. طيب تعالو ... نشوف لنا حل ..
الحل واضح وسهل
نراجع من البدايه من اول نزول المحاضرة لو نخصص كل اسبوع يوم نراجع اول محاضرات نزلت ونحل المناقشات والواجبات كذا بتسهل عليك بالمسبه لي انا اراجع من البدايه كل اسبوع اجلس مع اعيال واخواني يوم السبت العصر ونراجع ونحل الواجبات كذا بتكون سهله عليك وفاهم ولا تكون مضغوط نفسيا وجسديا وعقليا جربها الفصل القادم وبتشوف الفرق اما تجي نهاية الفصل وبتحل كل شي وتبي تفهم ويصير لك سهل تحياتي Sent from my iPhone using ملتقى فيصل |
رد: الدراسة صعبة صح .. طيب تعالو ... نشوف لنا حل ..
:d5::d5::d5::d5::d5::d5:
|
رد: الدراسة صعبة صح .. طيب تعالو ... نشوف لنا حل ..
محد ماكلها الا الامهات وربات البيوت انتو وش عليكم يالرجال
جد ضغط وشي فوق طاقتنا الله يسهلها من عنده Sent from my iPhone using ملتقى فيصل |
رد: الدراسة صعبة صح .. طيب تعالو ... نشوف لنا حل ..
كلام اليل يمحاه النهار هـہـہـہـہہہہہہـِإآإآإآإآيــــ[emoji23][emoji23]
Sent from my iPhone using ملتقى فيصل |
رد: الدراسة صعبة صح .. طيب تعالو ... نشوف لنا حل ..
انا مستغرب من نفسي للامانة
الترم اللي راح الاول كانت نفسيتي مفتوحه ع الاخر للمذاكررة والدراسة ومع ان الوقت كان ضدي لكن كنت مرتاح وانعكس هالشي على مذاكرتي للاختبارات وعلى درجاتي.. هالسمستر الثاني للاسف ما ادري وش فيني والله الامور ببشكل عام طيبه لكن حاس بظغط وقت المذاكرة والمعلومة مو راضي تثبت براسي كثير اختباري الاول كان اخلاقيات المهنة وكان ممتاز اختباري الثاني كان محاسبة 2 وحااط في بالي اني اشيلها لان للاسف ماذاكرت ابد.. الدكتور للاسف اسلوب شرحة (يجيب النوم) ولاقدرت استوعب منه اختباري الثالث كان اقتصاد كلي.. ذاكرت وشديت حيلي .. لكن للاسف الاسئلة كانت صعبه والله .. مع ان الكل يقول الكلي اسهل بكثير من الجزئي اختباري الرابع اليوم كان اساسيات البحث العلمي .. خذيتها من المستوى الرابع يقولون ترفع المعدل.. المادة سهله لكن وقت الاختبار الكل انصدم من الاسئلة وطريقة الدكتور فعلا.. احيانا انت تذاكر وتجتهد لكن الدكتور هو يكون سبب اخفاقك اما بسبب طريقة شرحه او بسبب صعوبة لهجته زي الدكتور تبع مقرر( اساسيات البحث العلمي).. واحيانا بطريقة وضعه للاسئله بالمستوى الاول اتذكر كان عندنا مقرر مبادى القانون.. المقرر جدا طويل والمعلومات متداخله ومتشابهه.. لكن بفضل الله ثم الدكتور.. والله العظيم انه كان من امتع المقررات اللي مرت علي المحاسبة1 بالمستوى الاول.. انا مشيت مع الدكتور اللي حطته الجامعة لين نص المنهج وبعدها ما عاد قدرت افهم عليه.. رحت دورت لشروحات باليويتوب ولقيت دكتور اسمه عبدالرحمن المحارفي.. والله العظيم انه سهل المادة كثييير علي.. الله يجزاه خير وجبت 92 وانا ماني مصدق.. الاقتصاد الجزئي.. كنت ضامن اني بشيل المادة.. لدرجة اني ذاكرت بس النظري وحفظت القوانين فقط حفظ بدون فهم.. ولما شفت الاسئلة والله اني حليت وخلصت بنص المدة والرياضيات.. العقدة الاولى لاغلب الشعب وخصوصا احنا يا طلاب الشرعي.. لكن والله ان الدكتور سهل المادة كثييييير بطريقة الشرحهه الواضحه والسلسه.. فعلا والله الدكتور احيانا هو السبب للامانة حاس بضيقة خايف انها تاثر علي في اختباراتي الجاية.. لكن الله المستعان |
رد: الدراسة صعبة صح .. طيب تعالو ... نشوف لنا حل ..
اقتباس:
بالنسبة للمستوى الأول يارجل حبيت هالمادة من اسلوب الدكتور وكلامة ... وتمنيت اني اتخصص في هالمادة بعض الدكاترة يجب لك الهم من اول محاضرة ومنهم دكتور المحاسبة لكن مثل ماقلت تراني خشيت على الدكتور المحارفي وفهمت منه اشياء كثيرة تصور ان المحارفي وصل للمحاضرة 13 والسوداني باقي في المحاضرة 8 الدكتور / المحارفي اختصر اشياء وااااااجد الله يوفقه ... واللي نزل محاضراته الله يوفقه ويسهل له اموره ... في حديث عن الرسول صلى الله عليه وسلم يقول ( اذا مات ابن ادم انقطع عمله الا من ثلاث ) وذكر منها ( علم ينتفع به ) واللي ينزل محاضرات على اليوتيوب ان شاء يكون له اجر عظيم .. طبعاً ذاكرت في مادة الخميس اللي هي تقنية معلومات .... يالله على كمية المعلومات اللي قريتها اليوم شيئ شيئ مهول .. وش هالدماغ اللي بيجمع هذي المعلومات كلها .. لكن وش نسوي لازم نقرأ واقل شيئ نركز على الاشياء الاساسية ... الله يستر |
رد: الدراسة صعبة صح .. طيب تعالو ... نشوف لنا حل ..
اقتباس:
الرجال من الصبح قايم يسصلي الفجر وبعدها يلبس والدوام يستناه وهاتي من هالمشاكل في العمل والشغل اللي ماينتهي وقبل مايطلع من دوامه يجيه كلمه او كلمتين تعكر مزاجه يوم كامل ثم يرجع البيت وقبل مايوصل البيت زحمة الشارع تجيب الصداع وكويس اذا وصل سليم هو وسيارته مالعوزه احد الدرباوية في عمود او شي .. ثمن يدخل البيت ثم يقول يالله يالله يدور الغداء ويالله يمكن فيه غداء او يروح ينام شوي يفتحون الباب عليه البزران يولعبون على راسة نقيزا .. لا وبعد تقولون ليه ماننجح والله من هالحوسه اللي لاقينها في الدوام وفي البيت . اما انتم جالسين يا نوم يامذاكرة مافي شغل ثاني .. الله يهنيكم اللهم لا حسد .. :33_asmilies-com: لا بعد الاولاد بعد المغرب هذا صحى ابوهم ترسلهم امهم له يدرسهم اذا شافته فاتح جواله تقول ماعنك شي درسهم ... لا حول ولا قوة الا بالله ...:mh12: لا وتبون ننجح بعد .. |
رد: الدراسة صعبة صح .. طيب تعالو ... نشوف لنا حل ..
المذاكرة اول باول في الاغلب كل اسبوع تنزل لنا محاضرة وحدة من كل مادة شوف المحاضرة و لك عدة طرق تقدر عن طريق جوال او جهاز لوحي ما انت ملزم انك تقابل كمبيوتر او حتى لو ما عندك وقت كافي و مشغول كثير ممكن لو تستمع لها و انت ماشي اي مشوار مسافة المشوار تكون استمعت لمحاضرة و رصدت لك درجة المشاهدة حتى لما توصل اخر الترم و تبي تبدا تذاكر يكون عندك معرفة و اطلاع على المقرر الي راح تذاكره هاذي الطريقة الي استخدامها و بعد الله فارقه معاي كثير في فهم و استيعاب المقررات .
و اغلب الي في مستوى 2 الان مضغوطين لانه من اكبر الاترام في عدد المقررات غير كذا عندك 30 درجة في جيبك مو صعب انك تحصل عليها . |
رد: الدراسة صعبة صح .. طيب تعالو ... نشوف لنا حل ..
يا ناس ترى نحنا مقصرين وكل واحد يعرف نفسه ما ندرس إلا قبل الاختبار بيومين كيف ننجح ! ونبي نرفع تظلم وحاله
ترى هذة شهادة مو لعبة لازم نتعب فيها .. مهما كان ما نقدر نلوم الآخرين على تقصيرنا أنا بصراحة أذا درست والله احل والاسئلة ما تكون معقدة وأنا سبق ودرست بجامعة والاختبار يكون مقالي وحوسه وبالنهاية نرسب هنا الوضع كله اختيارات لو نشد الهمة الكل ينجح والله يوفقكم عاد من الترم الجاي اول باول .. |
رد: الدراسة صعبة صح .. طيب تعالو ... نشوف لنا حل ..
اقتباس:
كلامك عين العقل وهذا هو المفروض نسويه Sent from my iPhone using ملتقى فيصل |
رد: الدراسة صعبة صح .. طيب تعالو ... نشوف لنا حل ..
والله الدراسه لاهي صعب ولا شيء لو تجلس 50 سنة منقطع عن التعليم ... بس ترجع لحسب فهم الطالب وسرعة فهمه البعص منا لو يذاكر قبل الاختبار بيوم يعدي المادة سلام سلام والبعض منا يذاكر المادة قبل شهر واذا جاء وقت الاختبار تداخلت عليه المعلومات من كثر ما قراها وراجعها وضاع بالعجه :000: وتخبر عندنا دكاتره ما شاء الله عليهم خياراتهم بالاجوبة حول بعض يعني تذاكر مفردات الكلمات وتقديم بعض الكلمات عن بعض فوق ماانت تبي تفهم لازم تعرف طريقة صياغة الاجابة حِرْفِيًّا:007: طيب ليش الاجابات ما تكون متباعدة؟ والسلام عليكم .... |
رد: الدراسة صعبة صح .. طيب تعالو ... نشوف لنا حل ..
بفض النظر عن ظروفنا لازم المداكره من اول ماتنرل المحاضرات لانو هدفنا شهاده نستفيد منها في المستقبل القريب والا ماتركنا بيوتنا واطفالنا لازم الواحد يضغط على نفسه واللي يجي من الله حياه الله كلها ان شاء الله اربع سنوات وتعدي لازم نشد حيلنا فيها ولعلمكم انا عندي ابع اطفال واراجع بمستشفى يبعد 700 كيلو عن بيتي ومنقطعه عن الدراسه 14 سنه لكن نجتهد والله مايضيع تعب احد صحيح في اساتذه الله يسامحهم ما يشرحو كويس لكن الاغلبيه شرحهم تمام الله يوفقنا جميعا
|
رد: الدراسة صعبة صح .. طيب تعالو ... نشوف لنا حل ..
اللي يقولون ظروف ومسئوليات وعندنا دوامات مو متفرغين للدراسة إلا وقت الامتحانات
والله ي أخوان هالشي تعتمد على الشخص وهمته يعني انا موظفة و أدرس عن بعد ومعي موظفات و يدرسون انتظام مستوعبين انهم يطلعون من بيوتهم الصباح للجامعة ومن الجامعة للدوام و ينتهي دوامهم الساعه 11 شوفو متى يوصلون بيوتهم ومع ذلك متفوقين بجامعتهم و بعملهم الله يوقفنا جميعاً ولكل مجتهد نصيب |
| All times are GMT +3. الوقت الآن حسب توقيت السعودية: 10:18 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام